လံာ်တၢ်ကဲထီၣ်အခီၣ်ထံး 27:27 - Sgaw Karen Common Bible

²⁷ ဒီးဖဲအဟဲလၢကနၢမူအီၤန့ၣ်စီၤအံၤစဲးနၢကွၢ်တ့ၢ်ဝဲအကူ အသိးအစိဒီးဆိၣ်ဂ့ၤအီၤန့ၣ်လီၤ. ဒီးစီၤအံၤစဲးစံးဝဲ, “ယဖိခွါ, အစိလၢအနၢဘၣ်ယၤမုာ်အံၤမၤသးဒ်စံာ်ပျီတပျီ လၢယွၤဆိၣ်ဂ့ၤအီၤအစိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 27:27 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 27:15

ဒီးနီၢ်ရံးဘကၤဟံးန့ၢ်စီၤဧ့ၡီၤအကူအသိးအဂ့ၤကတၢၢ်လၢအပာ် ဃာ်ဝဲလၢဟံၣ်ပူၤဒီးဒုးသိးထီၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:26

ဒီးအပၢ်စံးဘၣ်အီၤ, “ယဖိခွါဧၢ, သုးဘူးနသးဆူယအိၣ်ဒီးနၢ မူယၤတက့ၢ်.”

လံာ်တၢ်ကဲထီၣ်အခီၣ်ထံး 27:39

တုၤနုၤတစု, စီၤအံၤစဲးစံးဘၣ်အီၤ, “ပစီၤထံလၢမူခိၣ် တအိၣ်လၢနဂီၢ်ဘၣ်. ပျီတဖၣ်လၢဟီၣ်ခိၣ်ညၣ်ထ့ၣ်ဂ့ၤစ့ၢ်ကီးတအိၣ်လၢနဂီၢ်ဘၣ်.

လံာ်တၢ်ကဲထီၣ်အခီၣ်ထံး 48:10

စီၤယၤကိာ်အမဲာ်ချံခံးလီၤလၢအသးပှၢ်တ့ၢ်အဃိ, ဒီးအဝဲထံၣ်တၢ်တသ့ဂ့ၤဂ့ၤလၢၤဘၣ်. စီၤယိၤသးဟဲကိးဖိသၣ်ပိာ်ခွါတဖၣ်ဆူအအိၣ်, ဒီးအဝဲဖိးဟုဃာ်ဒီးနၢမူအဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

စံးထီၣ်ပတြၢၤ 65:10

နဒုးဟဲစူၤလီၤမူခိၣ်အါအါကလဲာ်လၢပျီပူၤ ဒီးမၤဘၣ်စီၣ်အီၤလၢထံန့ၣ်လီၤ. နမၤကဘုးလီၤဟီၣ်ခိၣ်ခီဖျိတၢ်စူၤ ဒီးဒုးဒိၣ်ထီၣ်တၢ်မုၢ်တၢ်ဘိတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:13

ချၢၣ်ဒၢသၣ်တဖၣ်မံထီၣ်လံ, ဒီးစပံးမုၢ်တဖၣ်ဖီထီၣ်ဒီးအတၢ်နၢမူဒံဝ့ၤဝီၤလၢကလံၤကျါ လီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်သိၣ်လီၤသီလီၤတၢ် 33:13

ဘၣ်ဃးဒီးယိၤသးအဒူၣ်အဂ့ၢ်န့ၣ်, အဝဲစံးဝဲ, “မ်ယွၤဆိၣ်ဂ့ၤအဝဲသ့ၣ်အထံအကီၢ်ဒီးတၢ်ဟဲစူၤလၢထးခီ, အိၣ်ဃုာ်ဒီးထံတဖၣ်လၢဟီၣ်ခိၣ်လာ်န့ၣ်တက့ၢ်.

ဧ့ၤဘြံၤ 11:20

လၢတၢ်စူၢ်တၢ်နာ်န့ၣ်, စီၤအံၤစဲးဆိၣ်ဂ့ၤဆိၣ်ဝါစီၤယၤကိာ်ဒီး စီၤဧ့ၡီၤလၢခါဆူညါအတၢ်ဆိၣ်ဂ့ၤတဖၣ်လီၤ.

ဧ့ၤဘြံၤ 6:7

ဟီၣ်ခိၣ်လၢအဆူးနုာ်တၢ်စူၤထံလၢအလီၤဘၣ်လၢအလိၤ တလီၢ်လီၢ်တလီၢ်လီၢ်ဒီးဒုးမဲထီၣ်တၢ်မုၢ်တၢ်ဘိလၢအကဲထီၣ် တၢ်ဘျုးတၢ်ဖှိၣ်လၢပှၤလၢတၢ်သူၣ်န့ၢ်တၢ်လၢအဂီၢ်န့ၣ်, ကစၢ်ယွၤဆိၣ်ဂ့ၤဝဲလီၤ.