လံာ်တၢ်ကဲထီၣ်အခီၣ်ထံး 27:24 - Sgaw Karen Common Bible

²⁴ သံကွၢ်ကဒီးဝဲ, “နမ့ၢ်စီၤဧ့ၡီၤသပှၢ်တၢၢ်ဧါ” ဒီးစီၤယၤကိာ်စံးဆၢဝဲ, “ယၤလီၤ.”

လံာ်တၢ်ကဲထီၣ်အခီၣ်ထံး 27:24 Iomraidhean Croise

လံာ်တၢ်ကဲထီၣ်အခီၣ်ထံး 27:23

ဒီးစီၤအံၤစဲးတိၢ်နီၣ်စီၤယၤကိာ်တဘၣ်ဘၣ်. အဂ့ၢ်ဒ်အံၤ, စီၤယၤကိာ်အစုဒုၣ်စုတီၤတဖၣ်အိၣ်ဒီးအဆူၣ်ဒ်စီၤ ဧ့ၡီၤအသိးန့ၣ်လီၤ. ဖဲလၢအသါကဟ့ၣ်ဝဲအတၢ်ဆိၣ်ဂ့ၤန့ၣ်

လံာ်တၢ်ကဲထီၣ်အခီၣ်ထံး 27:25

ဒီးစီၤအံၤစဲးစံးဝဲ, “ဟဲစိာ်န့ၢ်ယၤတၢ်ညၣ်တနီၤတက့ၢ်. ယအီၣ်မ့ၢ်ဝံၤဒီးယကဆိၣ်ဂ့ၤနၤလီၤ.” ဒီးစီၤယၤကိာ်ဟဲစိာ်န့ၢ်အီၤတၢ်န့ၣ်ဆူအအိၣ်လီၤ. ဒီးအဝဲဟဲစိာ်န့ၢ်အီၤစ့ၢ်ကီးစပံးထံလၢကအီဝဲအဂီၢ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:5

စီၤပၤသံကွၢ်အီၤ, “နလိၣ်ဘၣ်တၢ်မနုၤလဲၣ်.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, ယမ့ၢ်မုၣ်ကမဲလၢအဖှီၣ်တဂၤလီၤ. ယဝၤသံကွံာ်လံ.

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်စီၤယိၤဘး 15:5

နတၢ်အၢတၢ်သီအိၣ်ဖျါထီၣ်လၢတၢ်လၢနတၢ်ကတိၤအီၤ အပူၤဒီးနဂုာ်ကျဲးစၢးပာ်ခူသူၣ်နသးလၢတၢ်ကတိၤကူၣ်ဘၣ်ကူၣ် သ့တဖၣ်န့ၣ်လီၤ.

တၢ်ကတိၤဒိ. 12:19

တၢ်လီတၢ်ဝ့ၤတမံၤအိၣ်ဒီးတၢ်အိၣ်မူလၢအဖုၣ်လီၤ. မ့မ့ၢ်, တၢ်မ့ၢ်တၢ်တီမူဝဲဆူညါအစိၤစိၤအဃၣ်ဃၣ်လီၤ.

တၢ်ကတိၤဒိ. 12:22

ယွၤအသးဟ့ပှၤလီတၢ်တဖၣ်လီၤ. မ့မ့ၢ်ဘၣ်သူၣ်ဘၣ်သးဝဲလၢပှၤ တဖၣ်လၢအမၤတီအကလုၢ်န့ၣ်လီၤ.

တၢ်ကတိၤဒိ. 30:8

တြီယၤလၢတၢ်လီတၢ်ဝ့ၤတက့ၢ်. ဒီးပျဲလၢယကထူးတီၤမ့ၢ်ဂ့ၤ, ယကဖှီၣ်ယာ်မ့ၢ်ဂ့ၤန့ၣ်တဂ့ၤ. အဃိဒီး, ဟ့ၣ်လီၤယၤတၢ်အီၣ်ထဲဒၣ်လၢယလိၣ်ဘၣ်အီၤအဂီၢ်န့ၣ်တက့ၢ်.

လံာ်စကၤရယၤ 8:16

အအံၤမ့ၢ်တၢ်တဖၣ်လၢသုကဘၣ်မၤန့ၣ်လီၤ. ကတိၤလိာ်သုသးတဂၤဒီးတဂၤလၢတၢ်မ့ၢ်တၢ်တီတက့ၢ်. လၢကွီၢ်ဘျီၣ်တဖၣ်အပူၤန့ၣ်, မၤတၢ်စံၣ်ညီၣ်တီနီၢ်နီၢ်တကလုာ်လၢအဟဲစိာ်တၢ်ဃူတၢ်ဖိးန့ၣ်တ က့ၢ်.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

ကလီးစဲ 3:9

တဘၣ်ကတိၤလိာ်သုသးလၢတၢ်ကတိၤကဘျံးကဘျၣ်တဂ့ၤ. အဂ့ၢ်မ့ၢ်လၢသုပာ်တ့ၢ်ကွံာ်လံသုတၢ်အိၣ်မူဒီးလုၢ်လၢ် အလီၢ်လံၤတဖၣ်,

လံာ်စီၤၡမူၤအ့လးအခီၣ်ထံးတဘ့ၣ် 21:13

လၢတၢ်န့ၣ်အဃိဖဲစီၤဒၤဝံးအိၣ်လၢအဝဲသ့ၣ်အကျါန့ၣ်ပာ်မၤ အသးဒ်ပှၤအသးတထံဘၣ်ဒီးဖဲအဝဲသ့ၣ်သါကဖီၣ်အီၤန့ၣ်မၤအသးဒ် ပှၤအပျုၢ်တဂၤအသိးလီၤ. အဝဲကွဲးတၢ်လၢနူၢ်ဧိၤစီၤဧိၤအတြဲၤတဖၣ်အလိၤဒီးဒုးယွၤ လီၤအထူၣ်ပျ့ၤထံလၢအခၣ်ဆူၣ်အလိၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:2

စီၤဒၤဝံးစံးဆၢဝဲ, “ယဟဲဖဲအံၤလၢစီၤပၤအတၢ်ဖံးတၢ်မၤ အဂ့ၢ်လီၤ. အဝဲတဲယၤဒ်သိးတၢ်လၢအဝဲမၢလီၤယၤလၢယကမၤအံၤ, ယသုတပျဲပှၤသ့ၣ်ညါနီတဂၤတဂ့ၤလီၤ. မ့မ့ၢ်ယပှၤတဖၣ်န့ၣ်ယမၤလိာ်တ့ၢ်အဝဲသ့ၣ်လၢကထံၣ်လိာ်ယၤဖဲ တၢ်လီၢ်လီၤဆီတပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:10

စီၤအၤကံၣ်သံကွၢ်အီၤ, “ခဲအံၤတဘျီနလဲၤဒုးတၢ်ဂုာ်တၢ်ဖဲလဲၣ်.” စီၤဒၤဝံးစံးဆၢဝဲလၢ, အဝဲလဲၤလီၤဆူကီၢ်ယူဒၤအကလံၤထံး, မ့တမ့ၢ်ဆူပှၤယရၤဃမအ့လးဖိအဒူၣ်ထၢအလီၢ်ကဝီၤ, မ့တမ့ၢ်ပှၤက့ၣ်ဖိအိၣ်ဆိးအလီၢ်ကဝီၤန့ၣ်လီၤ.