လံာ်တၢ်ကဲထီၣ်အခီၣ်ထံး 27:19 - Sgaw Karen Common Bible

¹⁹ ဒီးစီၤယၤကိာ်စံးဆၢအီၤ, “ယမ့ၢ်နဖိဝဲၢ်ကိစီၤဧ့ၤၡီၤ လီၤ. ယမၤလံတၢ်ဒ်နတဲတ့ၢ်ယၤအသိးန့ၣ်လီၤ. ဝံသးစူၤဆ့ၣ်နီၤဒီး အီၣ်တၢ်ညၣ်တနီၤလၢယဟဲစိာ်န့ၢ်နၤဒ်သိးနဟ့ၣ်ယၤနတၢ်ဆိၣ်ဂ့ၤ ကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 27:19 Iomraidhean Croise

လံာ်တၢ်ကဲထီၣ်အခီၣ်ထံး 25:25

ပှၤအခီၣ်ထံးတဂၤန့ၣ်အညၣ်ဂီၤဃဲးဝဲဒီးအဖံးမၤအသးဒ်ဆ့ကၤ ဖးထီအိၣ်ဒီးအဆူၣ်အဒံးအဃိဒီးအဝဲဘၣ်တၢ်ယုၢ်န့ၢ်အမံၤလၢ စီၤဧ့ၡီၤလီၤ.

လံာ်တၢ်ကဲထီၣ်အခီၣ်ထံး 25:28

ဒီးစီၤအံၤစဲးဘၣ်အသးလၢစီၤဧ့ၡီၤဒိၣ်တက့ၢ်လီၤ. အဂ့ၢ်ဒ်အံၤ, ဆၣ်ဖိကီၢ်ဖိလၢအဘၣ်တၢ်ခးန့ၢ်အီၤလၢစီၤဧ့ၡီၤ န့ၣ်အီၣ်ဝဲဘဲဒီးအသးမုာ်ဝဲန့ၣ်လီၤ. မ့မ့ၢ်နီၢ်ရံးဘကၤဘၣ်အသးဒိၣ်တက့ၢ်လၢစီၤယၤကိာ်လီၤ.

လံာ်တၢ်ကဲထီၣ်အခီၣ်ထံး 27:18

အန့ၣ်ဝံၤဒီးစီၤယၤကိာ်လဲၤဆူအပၢ်အအိၣ်ဒီးစံးဝဲ, “ပၢ်ဧၢ,” ဒီးစီၤအံၤစဲးစံးဆၢဝဲ, “မ့ၢ်လီၤ, ယဖိခွါဧၢ, နမ့ၢ်ယဖိခွါလၢလဲၣ်တဂၤလဲၣ်.”

လံာ်တၢ်ကဲထီၣ်အခီၣ်ထံး 27:21

ဒီးစီၤအံၤစဲးစံးဘၣ်စီၤယၤကိာ်, “ဝံသးစူၤသုးဘူးနသး ဆူယအိၣ်ဒ်သိးယကလၢၢ်ကွၢ်နၤကသ့အဂီၢ်တက့ၢ်. နမ့ၢ်စီၤဧ့ၡီၤသပှၢ်တၢၢ်ဧါ.”

လံာ်တၢ်ကဲထီၣ်အခီၣ်ထံး 27:31

အဝဲစ့ၢ်ကီးဖီတၢ်အီၣ်လၢအဝံၣ်အဘဲဒီးဟဲစိာ်ဆူအပၢ်အအိၣ်န့ၣ် လီၤ. အဝဲစံး, “ပၢ်ဧၢ, ဝံသးစူၤဆ့ၣ်နီၤဒီးအီၣ်တၢ်ညၣ်တနီၤလၢ ယဟဲစိာ်န့ၢ်နၤဒ်သိးနဟ့ၣ်ယၤနတၢ်ဆိၣ်ဂ့ၤကသ့န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 27:35

စီၤအံၤစဲးစံးဝဲ, “နပုၢ်ဟဲဒီးလီန့ၢ်ယၤလံ. အဝဲဟံးန့ၢ်ကွံာ်နတၢ်ဆိၣ်ဂ့ၤလံ.”

လံာ်တၢ်ကဲထီၣ်အခီၣ်ထံး 27:4

ဒီးဖီန့ၢ်ယၤတၢ်အီၣ်အဝံၣ်အဘဲန့ၣ်လၢအဘၣ်ယသးဒီးဟဲစိာ်အီၤ ဆူယအိၣ်တက့ၢ်. ယအီၣ်တၢ်မ့ၢ်ဝံၤဒီးယကဟ့ၣ်နၤယတၢ်ဆိၣ်ဂ့ၤလၢခံကတၢၢ်တချုး ယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:45

ဒီးကသးပ့ၤနီၣ်တၢ်လၢနမၤတ့ၢ်အီၤန့ၣ်လီၤ. ဒီးယကဆှၢလီၤပှၤတဂၤလၢကလဲၤက့ၤကိးနၤလီၤ. ဘၣ်မနုၤလၢယဖိခွါခံဂၤလိာ်ကလီၤမၢ်န့ၢ်ယၤလၢတနံၤဃီ အတီၢ်ပူၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်စီၤပၤအခီၣ်ထံးတဘ့ၣ် 14:2

စီၤယၤရၤဘၣ်စံးဘၣ်အမါ, “ပျိာ်လီၤဆီနသးဒ်သိးပှၤသု တသ့ၣ်ညါနီၣ်နၤနီတဂၤတဂ့ၤ, ဒီးလဲၤဖဲဝ့ၢ်ၡံလိၤဖဲဝံအဃံ ယၤ, အိၣ်ဆိးဝဲန့ၣ်တက့ၢ်. အဝဲမ့ၢ်ပှၤတဂၤလၢအစံးတ့ၢ်လၢယကကဲ ထီၣ်ဘၣ်ကီၢ်အံၣ်စရ့လးအစီၤပၤန့ၣ်လီၤ.

လံာ်ယၡါယၤ 28:15

သုပာ်ကဖၢလၢသုသးလၢသုမၤတ့ၢ်တၢ်အၢၣ်လီၤအီလီၤဒီး တၢ်သံဒီးမၤန့ၢ်တၢ်သးလီၤပလိာ်တမံၤဃုာ်ဒီးပှၤသံတဖၣ် အကီၢ်အဃိလီၤ. သုနာ်သပှၢ်တၢၢ်လၢဖဲတၢ်တတၢးတနါဟဲဝဲ အခါန့ၣ်ကကွၢ်ကပာ်သုလီၤ. အဂ့ၢ်ဒ်အံၤ, သုသန့ၤသုသးလၢတၢ်လီတၢ်ဝ့ၤဒီးတၢ်ကဘျံးက ဘျၣ်လၢအကမၤပူၤဖျဲးသုလီၤ.