လံာ်တၢ်ကဲထီၣ်အခီၣ်ထံး 27:14 - Sgaw Karen Common Bible

¹⁴ မၤသးဒ်န့ၣ်ဒီး, စီၤယၤကိာ်လဲၤဝဲဒ်သိးကမၤန့ၢ်မဲာ်တဲးလဲး တဖၣ်ဒီးဟဲက့ၤစိာ်အီၤဆူအအိၣ်ဒီးအဝဲဖီထီၣ်တၢ်အီၣ်တကလုာ် လၢအပၢ်ဘၣ်သူၣ်ဘၣ်သးဒိၣ်မးန့ၣ်လီၤ.

လံာ်တၢ်ကဲထီၣ်အခီၣ်ထံး 27:14 Iomraidhean Croise

လံာ်တၢ်ကဲထီၣ်အခီၣ်ထံး 25:28

ဒီးစီၤအံၤစဲးဘၣ်အသးလၢစီၤဧ့ၡီၤဒိၣ်တက့ၢ်လီၤ. အဂ့ၢ်ဒ်အံၤ, ဆၣ်ဖိကီၢ်ဖိလၢအဘၣ်တၢ်ခးန့ၢ်အီၤလၢစီၤဧ့ၡီၤ န့ၣ်အီၣ်ဝဲဘဲဒီးအသးမုာ်ဝဲန့ၣ်လီၤ. မ့မ့ၢ်နီၢ်ရံးဘကၤဘၣ်အသးဒိၣ်တက့ၢ်လၢစီၤယၤကိာ်လီၤ.

လံာ်တၢ်ကဲထီၣ်အခီၣ်ထံး 27:13

အမိၢ်စံးဆၢအီၤ, “ယဖိခွါဧၢ, မ်တၢ်ဆိၣ်အၢထီဒါနၤတမံၤ ဂ့ၤတမံၤဂ့ၤန့ၣ်လီၤဘၣ်လၢယလိၤတက့ၢ်. မၤဒ်ယတဲနၤအသိး, လဲၤဒီးဟဲက့ၤစိာ်န့ၢ်ယၤလၢမဲာ်တဲးလဲးတဖၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 27:15

ဒီးနီၢ်ရံးဘကၤဟံးန့ၢ်စီၤဧ့ၡီၤအကူအသိးအဂ့ၤကတၢၢ်လၢအပာ် ဃာ်ဝဲလၢဟံၣ်ပူၤဒီးဒုးသိးထီၣ်စီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:17

ဒီးဟ့ၣ်လီၤအီၤတၢ်အီၣ်လၢအဝံၣ်အဘဲဃုာ်ဒီးကိၣ်တဖၣ်လၢအဝဲ ကုၢ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:31

အဝဲစ့ၢ်ကီးဖီတၢ်အီၣ်လၢအဝံၣ်အဘဲဒီးဟဲစိာ်ဆူအပၢ်အအိၣ်န့ၣ် လီၤ. အဝဲစံး, “ပၢ်ဧၢ, ဝံသးစူၤဆ့ၣ်နီၤဒီးအီၣ်တၢ်ညၣ်တနီၤလၢ ယဟဲစိာ်န့ၢ်နၤဒ်သိးနဟ့ၣ်ယၤနတၢ်ဆိၣ်ဂ့ၤကသ့န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 27:4

ဒီးဖီန့ၢ်ယၤတၢ်အီၣ်အဝံၣ်အဘဲန့ၣ်လၢအဘၣ်ယသးဒီးဟဲစိာ်အီၤ ဆူယအိၣ်တက့ၢ်. ယအီၣ်တၢ်မ့ၢ်ဝံၤဒီးယကဟ့ၣ်နၤယတၢ်ဆိၣ်ဂ့ၤလၢခံကတၢၢ်တချုး ယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:7

ဟဲစိာ်န့ၢ်ယၤဆၣ်ဖိကီၢ်ဖိတဒုဒီးဖီအီၤလၢယဂီၢ်တက့ၢ်. ယအီၣ်တၢ်ဝံၤဒီးယကဟ့ၣ်နၤယတၢ်ဆိၣ်ဂ့ၤလၢယွၤအမဲာ်ညါတချုးလၢ ယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 27:9

လဲၤဆူမဲာ်တဲးလဲးတဖုအအိၣ်ဒီးဟံးန့ၢ်မဲာ်တဲးလဲးစၢ်ဖိ အဘီၣ်ခံဒုဒ်သိးယဖီအီၤကသ့ဒီးကတဲာ်ကတီၤတၢ်အီၣ်တနီၤလၢနပၢ် ဘၣ်သူၣ်ဘၣ်သးဒိၣ်မးကသ့န့ၣ်တက့ၢ်.

စံးထီၣ်ပတြၢၤ 141:4

သုတဘိးဃၣ်ယသးဆူတၢ်အၢဒ်သိးယကလဲၤတၢ် ဒီးပှၤမၤတၢ်အၢလၢအတၢ်မၤ တၢ်အၢတၢ်သီအပူၤန့ၣ်တဂ့ၤ. ဒီးမ်ယသုတအီၣ်အတၢ်အီၣ်ဝံၣ်တဖၣ်တဂ့ၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.