လံာ်တၢ်ကဲထီၣ်အခီၣ်ထံး 27:13 - Sgaw Karen Common Bible

¹³ အမိၢ်စံးဆၢအီၤ, “ယဖိခွါဧၢ, မ်တၢ်ဆိၣ်အၢထီဒါနၤတမံၤ ဂ့ၤတမံၤဂ့ၤန့ၣ်လီၤဘၣ်လၢယလိၤတက့ၢ်. မၤဒ်ယတဲနၤအသိး, လဲၤဒီးဟဲက့ၤစိာ်န့ၢ်ယၤလၢမဲာ်တဲးလဲးတဖၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 27:13 Iomraidhean Croise

လံာ်တၢ်ကဲထီၣ်အခီၣ်ထံး 25:23

ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 25:33

ဒီးစီၤယၤကိာ်စံးဆၢအီၤ, “အဆိန့ၣ်မၤတၢ်ဆိၣ်တမံၤလၢနကဟ့ၣ် ယၤတၢ်န့ၢ်သါအတၢ်ဆိၣ်ဂ့ၤတက့ၢ်.” ဒီးစီၤဧ့ၡီၤမၤတၢ်ဆိၣ်န့ၣ်ဒီးဟ့ၣ်လီၤအတၢ်န့ၢ်သါအတၢ်ဆိၣ် ဂ့ၤဆူစီၤယၤကိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:14

မၤသးဒ်န့ၣ်ဒီး, စီၤယၤကိာ်လဲၤဝဲဒ်သိးကမၤန့ၢ်မဲာ်တဲးလဲး တဖၣ်ဒီးဟဲက့ၤစိာ်အီၤဆူအအိၣ်ဒီးအဝဲဖီထီၣ်တၢ်အီၣ်တကလုာ် လၢအပၢ်ဘၣ်သူၣ်ဘၣ်သးဒိၣ်မးန့ၣ်လီၤ.

လံာ်တၢ်ကဲထီၣ်အခီၣ်ထံး 27:43

ခဲကနံၣ်အံၤ, ဖိခွါဧၢ, မၤဒ်ယစံးဘၣ်နၤအသိးန့ၣ်တက့ၢ်. လဲၤတဘျီဃီဆူယဒီပုၢ်ဝဲၢ်ခွါစီၤလၤဘၣ်အအိၣ်လၢဝ့ၢ်ဟၤရၣ် အပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 27:8

ဒီးနီၢ်ရံးဘကၤစံးဝဲဒၣ်, “ခဲကနံၣ်အံၤယဖိခွါဧၢ, ဒိကနၣ်ယၤဒီးမၤတၢ်လၢယစံးဘၣ်နၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 43:9

ယကအုၣ်ကီၤယသးသမူဒၣ်ယဲလၢအဂီၢ်, ဒီးနပာ်မူပာ်ဒါယၤလၢအဝဲ အဂီၢ်သ့လီၤ. ယမ့ၢ်တဟဲက့ၤကိးအီၤပူၤပူၤဖျဲးဖျဲးဘၣ်ဒီး, ယကတူၢ်တၢ်ပာ်ဒ့ၣ်ပာ်ကမၣ်တဘိယူၢ်ဃီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:9

ပိာ်မုၣ်န့ၣ်စံးဘၣ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, မ်ယဟံၣ်ဖိဃီဖိဒီးယၤဒိးဘၣ်တၢ်ပာ်ဒ့ၣ်ပာ်ကမၣ်အီၤလၢကယဲၢ် တၢ်လၢနမၤအီၤတမံၤလၢ်လၢ်အဃိန့ၣ်တက့ၢ်. နၤဒီးနစီၤလိၣ်စီၤပၤအဟံၣ်ဖိဃီဖိအတၢ်ကမၣ်တအိၣ်ဘၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 22:3

အဝဲအမိၢ်နီၢ်ဧသၤလယၤ, ကီၢ်အံၣ်စရ့လးအစီၤပၤဧိၣ်ရံၤအလံၤ မုၣ်ဒီးစီၤပၤအၤဃာ်အဖိမုၣ်, ဟ့ၣ်တ့ၢ်အီၤတၢ်ဟ့ၣ်ကူၣ်လၢအဆှၢဃီၤအီၤဆူတၢ်အၢတၢ်သီအပူၤ န့ၣ်လီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:24

ဖဲစီၤဒၤဝံးအခီၣ်ထံးဒီးစံးဘၣ်အီၤ, “တၢ်ဒိၣ်ဧၢ, ဝံသးစူၤဒိကနၣ်လၢ်ယၤတက့ၢ်. မ်ယဒိးဘၣ်တၢ်ပာ်ဒ့ၣ်ပာ်ကမၣ်တက့ၢ်.