လံာ်တၢ်ကဲထီၣ်အခီၣ်ထံး 26:5 - Sgaw Karen Common Bible

⁵ ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 26:5 Iomraidhean Croise

လံာ်တၢ်ကဲထီၣ်အခီၣ်ထံး 12:4

ဒီးဖဲစီၤအၤဘြၣ်အသးအိၣ်ဝဲနွံဆံယဲၢ်နံၣ်န့ၣ်အဝဲဟးထီၣ် ကွံာ်လၢဝ့ၢ်ဟၤရၣ်ဒ်ယွၤစံးဘၣ်တ့ၢ်အီၤလၢကမၤဝဲအသိးန့ၣ် လီၤ. ဒီးစီၤလိာ်လဲၤဃုာ်တၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 17:23

ဒီးလၢမုၢ်တနံၤဃီအံၤန့ၣ်စီၤအၤဘြၤဟၣ်စူၢ်ကစၢ်ယွၤဒီးကူး တရံးအဖိခွါစီၤယံးၡမၤဧ့လးဒီးပှၤပိာ်ခွါအဂၤခဲလၢာ်လၢ အဟံၣ်ဒူၣ်ဃီထၢအပူၤဃုာ်ဒီးကုၢ်လၢအအိၣ်ဖျဲၣ်ထီၣ်လၢအဟံၣ်ဒူၣ် ဃီထၢအပူၤဒီးလၢအပှ့ၤတ့ၢ်ဝဲတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 22:18

ကယဲၢ်ပှၤကလုာ်တဖၣ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ် ဂ့ၤတ့ၢ်နစၢၤနသွဲၣ်တဖၣ်အသိးလီၤ. တၢ်ခဲလၢာ်အံၤမ့ၢ်လၢနစူၢ်တ့ၢ်ယကလုၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:6

ဒီးလၢတၢ်န့ၣ်အဃိစီၤအံၤစဲးအိၣ်ဝဲဆိးဝဲဖဲဝ့ၢ်ကရၢ်န့ၣ် လီၤ.

လံာ်မးသဲ 5:19

လၢတၢ်န့ၣ်အဃိ, ပှၤတဂၤလၢ်လၢ်လၢအလုၣ်သ့ၣ်ခါပတာ်တၢ်မၤလိာ်အဆံးကတၢၢ်တဘီဒၣ် လဲာ်ဒီးသိၣ်လိပှၤဂၤဒ်သိးပှၤသုတပာ်ကဲတၢ်သိၣ်တၢ်သီတဂ့ၤန့ၣ်, ကမ့ၢ်မးပှၤအဆံးကတၢၢ်တဂၤလၢမူခိၣ်ဘီမုၢ်အပူၤလီၤ. ဘၣ်ဆၣ်ဒီးပှၤလၢအအိၣ်မူဒ်တၢ်သိၣ်တၢ်သီအသိးဒီးသိၣ်လိပှၤ ဂၤလၢကပာ်ကဲတၢ်သိၣ်တၢ်သီန့ၣ်, ကမ့ၢ်ပှၤလၢအဒိၣ်လၢမူခိၣ်ဘီမုၢ်အပူၤလီၤ.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ယၤကိာ် 2:21

ပပၢ်လၢပျၢၤစီၤအၤဘြၤဟၣ်ဘၣ်တၢ်ပာ်တီပာ်လိၤအီၤလၢ ကျဲဒ်လဲၣ်. မ့ၢ်ဒၣ်ခီဖျိအတၢ်မၤ, ဖဲအဝဲလုၢ်ထီၣ်အဖိခွါစီၤအံၤစဲးလၢတၢ်လုၢ်လီၢ်အဖီခိၣ် အခါန့ၣ်လီၤ.