လံာ်တၢ်ကဲထီၣ်အခီၣ်ထံး 26:22 - Sgaw Karen Common Bible

²² ဒီးစီၤအံၤစဲးသုးယံၤကွံာ်အသးဖဲန့ၣ်ဒီးခူၣ်ထံပူၤအဂၤ တပူၤန့ၣ်လီၤ. ဒီးတၢ်ဂ့ၢ်လိာ်ဘီလိာ်တအိၣ်ဘၣ်လၢထံပူၤအံၤအဂ့ၢ်ဘၣ်လီၤ. ဒီးကိးဝဲထံပူၤအံၤအမံၤလၢ, “ရဃိဘိး” အခီပညီ, “တၢ်သဘျ့” န့ၣ်လီၤ. ဒီးစီၤအံၤစဲးစံးဝဲ, “ခဲကနံၣ်အံၤ, ယွၤဟ့ၣ်လံပှၤတၢ်သဘျ့လၢပကအိၣ်ကဆိးလၢကီၢ်အံၤအပူၤဒီး ပကဘီၣ်ထီၣ်ညီထီၣ်ဖဲအံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 26:22 Iomraidhean Croise

လံာ်တၢ်ကဲထီၣ်အခီၣ်ထံး 17:6

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်ဒီးလၢအကျါတနီၤ န့ၣ်ကကဲထီၣ်စီၤပၤတဖၣ်လီၤ. နကအိၣ်ဒီးနစၢၤနသွဲၣ်အါဂၤတုၤဒၣ်လဲာ်အဝဲသ့ၣ်တဖၣ်ကကဲထီၣ်ပှၤ ကလုာ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:21

ဒီးစီၤအံၤစဲးအခ့အပှၤသ့ၣ်တဖၣ်ခူၣ်ကဒီးထံပူၤအဂၤတပူၤဒီး တၢ်အ့ၣ်လိာ်ဆိးက့လိာ်အိၣ်ကဒီးလၢထံပူၤအံၤအဃိစ့ၢ်ကီးန့ၣ် လီၤ. လၢတၢ်န့ၣ်အဃိစီၤအံၤစဲးကိးထံပူၤအံၤလၢ, “စံးတနၤ” အခီပညီ, “တၢ်ထီဒုၣ်ထီဒါ” န့ၣ်လီၤ.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

စံးထီၣ်ပတြၢၤ 118:5

ယကိးထီၣ်ယွၤလၢယတၢ်ကိၢ်တၢ်ဂီၤအပူၤလီၤ. အဝဲဒၣ်စံးဆၢယၤဒီးမၤပူၤမၤဖျဲးယၤန့ၣ်လီၤ.

စံးထီၣ်ပတြၢၤ 119:32

တုၤနဟ့ၣ်အါထီၣ်ယၤယတၢ်သ့ၣ်ညါနၢ်ပၢၢ်တၢ်န့ၣ်ဒီး ယကစူၢ်နတၢ်မၤလိာ်တဖၣ်လၢ တၢ်သးဆူၣ်အပူၤလီၤ.

စံးထီၣ်ပတြၢၤ 18:19

အဝဲထုးထီၣ်ယၤလၢတၢ်ဘၣ်ယိၣ်ဘၣ်ဘီအလီၢ်, အဝဲမၤပူၤဖျဲးယၤမ့ၢ်လၢ အဝဲဘၣ်သူၣ်ဘၣ်သးယၤအဃိန့ၣ်လီၤ.

စံးထီၣ်ပတြၢၤ 4:1

ယတၢ်တီတၢ်လိၤကစၢ်ယွၤဧၢ, တုၤယကိးထီၣ်နၤဒီးစံးဆၢလၢ်ဘၣ်ယၤတက့ၢ်. ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်နမၤစၢၤယၤလီၤ. သူၣ်ကညီၤသးကညီၤယၤဒီး ဒိကနၣ်ယတၢ်ထုကဖၣ်တက့ၢ်.

လံာ်တၢ်ဟးထီၣ်ကွံာ် 1:7

မ့မ့ၢ်အဝဲသ့ၣ်အစၢၤအသွဲၣ်လၢအမ့ၢ်ဝဲပှၤအံၣ်စရ့လးဖိတဖၣ် န့ၣ်, အိၣ်ဒီးအဖိအလံၤအါဂၤ, ဒီးအါထီၣ်ဂီၢ်ထီၣ်ဝဲဒီးဆူၣ်ထီၣ်ဝဲ တုၤကီၢ်အဲၤကူပတူးအိၣ်ပှဲၤဒီးအဝဲသ့ၣ်တဖၣ်န့ၣ်လီၤ.

လံာ်ယၡါယၤ 54:2

မၤလဲၢ်ထီၣ်ဒဲလၢနအိၣ်လၢအပူၤတက့ၢ်. မၤထီထီၣ်အပျံၤတဖၣ်ဒီးမၤခၢၣ်သနၢၣ်အတၢၣ်ဖိတဖၣ်တက့ၢ်.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.