လံာ်တၢ်ကဲထီၣ်အခီၣ်ထံး 26:20 - Sgaw Karen Common Bible

²⁰ ဒီးပှၤကရၢ်အပှၤကွၢ်သိတဖၣ်အ့ၣ်လိာ်အသးဒီးစီၤအံၤစဲးအပှၤ ကွၢ်သိသ့ၣ်တဖၣ်ဒီးစံးဝဲ, “ထံအံၤဘၣ်ဃးဒီးပှၤန့ၣ်လီၤ.” လၢတၢ်န့ၣ်အဃိစီၤအံၤစဲးကိးန့ၢ်ထံပူၤအံၤအမံၤလၢ, “ဧ့စ့း” အခီပညီ, “တၢ်အ့ၣ်လိာ်ဆိးက့လိာ်” န့ၣ်လီၤ.

လံာ်တၢ်ကဲထီၣ်အခီၣ်ထံး 26:20 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 21:25

ဒီးစီၤအၤဘြၤဟၣ်ကဒူးကဒ့ၣ်တၢ်လၢစီၤအဘံၤမ့လ့းအလိၤဘၣ်ဃး ထံပူၤတပူၤလၢစီၤအဘံးမ့လ့းအခ့အပှၤတဖၣ်ဂုာ်န့ၢ်ဆူၣ်အီၤ အဂ့ၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:19

ဒီးစီၤအံၤစဲးအခ့အပှၤသ့ၣ်တဖၣ်ခူၣ်ထံပူၤဖဲတၢ်တြီၤပူၤ ဒီးထံၣ်န့ၢ်ထံလီၤ.

လံာ်တၢ်ကဲထီၣ်အခီၣ်ထံး 26:21

ဒီးစီၤအံၤစဲးအခ့အပှၤသ့ၣ်တဖၣ်ခူၣ်ကဒီးထံပူၤအဂၤတပူၤဒီး တၢ်အ့ၣ်လိာ်ဆိးက့လိာ်အိၣ်ကဒီးလၢထံပူၤအံၤအဃိစ့ၢ်ကီးန့ၣ် လီၤ. လၢတၢ်န့ၣ်အဃိစီၤအံၤစဲးကိးထံပူၤအံၤလၢ, “စံးတနၤ” အခီပညီ, “တၢ်ထီဒုၣ်ထီဒါ” န့ၣ်လီၤ.

လံာ်တၢ်ကဲထီၣ်အခီၣ်ထံး 46:34

တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.