လံာ်တၢ်ကဲထီၣ်အခီၣ်ထံး 25:23 - Sgaw Karen Common Bible

²³ ဒီးယွၤစံးဘၣ်အီၤ, “ပှၤကလုာ်ခံကလုာ်အိၣ်ဝဲလၢနပူၤလီၤ. နကဆံးစၢ်ထီၣ်, ပှၤဂီၢ်မုၢ်ထီဒါလိာ်သးခံဖုန့ၣ်လီၤ. ပှၤတကလုာ်ကဆူၣ်န့ၢ်အဂၤတကလုာ်လီၤ. ပှၤအဒိၣ်ကဘၣ်မၤတၢ်ခ့တၢ်ပှၤ အတၢ်မၤလၢပှၤအဆံးအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 25:23 Iomraidhean Croise

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:4

“ယမၤတၢ်အၢၣ်လီၤအီလီၤအံၤဒီးနၤလီၤ. ယအၢၣ်လီၤတၢ်လၢနကကဲထီၣ်ပှၤအါကလုာ်အတၢ်လီၤစၢၤလီၤသွဲၣ်အပၢ် ဖးဒိၣ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 25:24

တၢ်ဆၢကတီၢ်ဘၣ်ဝဲလၢအဂီၢ်လၢအကဆံးစၢ်ထီၣ်တၢ်ဒီး, အဝဲမၤန့ၢ်အဖိခွါသဃံာ်ခံဂၤလီၤ.

လံာ်တၢ်ကဲထီၣ်အခီၣ်ထံး 25:27

ဒီးဖိသၣ်ပိာ်ခွါတဖၣ်ဒိၣ်ထီၣ်ဝဲ, ဒီးစီၤဧ့ၡီၤကဲထီၣ်ပှၤ ခးတၢ်သ့ ဂ့ၤဂ့ၤ, ပှၤတဂၤလၢအအိၣ်မုာ်လၢခိခိၣ်ပှၢ်လၢ်ကျါလီၤ.

လံာ်တၢ်ကဲထီၣ်အခီၣ်ထံး 27:29

မ်ပှၤကလုာ်တဖၣ်ကဲထီၣ်နခ့နပှၤတဖၣ်ဒီးပှၤဂီၢ်မုၢ်တဖၣ်တီၤလီၤ လၢနမဲာ်ညါတက့ၢ်. မ်နပၢဘၣ်နဘူးနတံၢ်ခဲလၢာ်ဒီးမ်နမိၢ်အစၢၤအသွဲၣ်တဖၣ်တီၤ လီၤလၢနမဲာ်ညါတက့ၢ်. မ်ပှၤလၢအဆိၣ်အၢနၤကဘၣ်တၢ်ဆိၣ်အၢဒီးပှၤလၢအဆိၣ်ဂ့ၤနၤကဘၣ် တၢ်ဆိၣ်ဂ့ၤတက့ၢ်.”

လံာ်တၢ်ကဲထီၣ်အခီၣ်ထံး 27:33

စီၤအံၤစဲးဖုးသံပျီၢ်ဂီၤဒီးကနိးကစုာ်ထီၣ်ဒီဂၤညါဒီး သံကွၢ်ဝဲ, “ပှၤလၢအမၤသံဆၣ်ဖိကီၢ်ဖိဒီးဟဲစိာ်ဆူယအိၣ်န့ၣ်မ့ၢ်မတၤ တဂၤလဲၣ်. ယအီၣ်တ့ၢ်လံတချုးနဟဲန့ၣ်လီၤ. ယဟ့ၣ်လံအီၤယတၢ်ဆိၣ်ဂ့ၤလၢခံကတၢၢ်ဒီးမ့ၢ်အတၢ်လီၤစိၤလီၤ ထီန့ၣ်လီၤ.”

လံာ်တၢ်ကဲထီၣ်အခီၣ်ထံး 27:37

စီၤအံၤစဲးစံးဆၢဝဲ, “ယဖိခွါဧၢ, ယဒုးကဲတ့ၢ်အီၤကစၢ်လၢ နဖီခိၣ်လံ. ဒီးယဒုးကဲအဘူးအတံၢ်ခဲလၢာ်လၢအကုၢ်အပှၤတဖၣ်လီၤ. ယဟ့ၣ်တ့ၢ်လံအီၤဘုဧိၤဟုဧိၤဒီးစပံးထံလံ. ခဲအံၤ, ယမၤတၢ်လၢနဂီၢ်တသ့နီတမံၤလၢၤဘၣ်.”

လံာ်တၢ်ကဲထီၣ်အခီၣ်ထံး 27:40

နကအိၣ်မူခီဖျိနနးလီၤ. ဘၣ်ဆၣ်ဒီးနကမ့ၢ်နပုၢ်အကုၢ်အပှၤလီၤ. ဒီးတုၤနပူထီၣ်အီၤဒီးနကပူၤဖျဲးလၢအတၢ်ပၢနၤလီၤ.”

လံာ်တၢ်ကဲထီၣ်အခီၣ်ထံး 32:6

ဖဲပှၤစိာ်တၢ်ကစီၣ်တဖၣ်ဟဲက့ၤတုၤဆူစီၤယၤကိာ်အအိၣ်န့ၣ်, အဝဲသ့ၣ်စံး, “ပလဲၤဆူနဝဲၢ်စီၤဧ့ၡီၤအအိၣ်, ဒီးအဝဲဟဲ ထီၣ်လံဝဲဒ်သိးအကဟဲသဂၢၢ်နၤလီၤ. အဝဲအိၣ်ဒီးအပှၤအဂၤလွံၢ်ကယၤလီၤ.”

လံာ်တၢ်ကဲထီၣ်အခီၣ်ထံး 33:3

စီၤယၤကိာ်လဲၤဆိတၢ်လၢအဝဲသ့ၣ်အမဲာ်ညါဒီးဖဲအဘူးထီၣ်ဒီး အဒီပုၢ်ဝဲၢ်ခွါန့ၣ်အဝဲထိၣ်လီၤပှီၤအသးတုၤလၢဟီၣ်ခိၣ်လိၤ နွံဘျီန့ၣ်လီၤ.

လံာ်တၢ်ကဲထီၣ်အခီၣ်ထံး 36:31

တချုးဒံးဘၣ်လၢကီၢ်အံၣ်စရ့လးအစီၤပၤအိၣ်ဒံးနီတဂၤန့ၣ်, စီၤပၤလၢလာ်တဖၣ်အံၤပၢကီၢ်အဒိၣ်တဂၤဝံၤတဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:47

ကီၢ်အဒိၣ်တအိၣ်ဘၣ်ဒီးအစီၤပၤနီတဂၤဘၣ်. ဘၣ်တၢ်ပၢအီၤဒၣ်လၢခၢၣ်စးတဂၤလၢကီၢ်ယူဒၤအစီၤပၤဃုထၢပာ် လီၤအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:13

အဝဲသူၣ်ထီၣ်ဝဲသုးမုၢ်သူၣ်ဒဲအလီၢ်တဖၣ်လၢကီၢ်အဒိၣ်ဒီ တကီၢ်ညါဒီးပှၤဂီၢ်မုၢ်အိၣ်ဖဲန့ၣ်ကဲထီၣ်ပှၤတဖၣ်လၢစီၤပၤဒၤဝံး ပၢဘၣ်အီၤန့ၣ်လီၤ. ယွၤဟ့ၣ်စီၤဒၤဝံးလၢတၢ်မၤနၢၤလၢတၢ်လီၢ်ကိးပူၤဒဲးန့ၣ်လီၤ.

လံာ်ဧိၤဘါဒယၤ 1:21

ဝ့ၢ်ယရူၤၡလ့ၣ်အပှၤမၤနၢၤတၢ်တဖၣ်ကဟဲထီၣ်ဒုးကီၢ်အဒိၣ်ဒီးမၤနၢၤကွံာ်အီၤလီၤ. ဒီးယွၤအနီၢ်ကစၢ်ဒၣ်ဝဲကမ့ၢ်စီၤပၤန့ၣ်လီၤ.

လံာ်တၢ်ဂံၢ် 20:14

စီၤမိၤၡ့ဆှၢလီၤပှၤစိာ်တၢ်ကစီၣ်တဖၣ်လၢကၤဒ့ၣ်ဆူကီၢ်အဒိၣ် အစီၤပၤအအိၣ်လီၤ. အဝဲသ့ၣ်စံးဝဲ, “တၢ်ကစီၣ်အံၤဟဲလၢနဘူးနတံၢ်ပှၤအံၣ်စရ့လးဖိတဖၣ်အဒူၣ်တဖၣ် အအိၣ်န့ၣ်လီၤ. နသ့ၣ်ညါတၢ်ကီတၢ်ခဲတဖၣ်လၢပတူၢ်ဘၣ်တ့ၢ်အီၤ,

လံာ်သိၣ်လီၤသီလီၤတၢ် 2:4

အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်သိၣ်လီၤသီလီၤတၢ် 2:8

မၤသးဒ်န့ၣ်ဒီးပလဲၤဆူညါဒီးဟးထီၣ်ကွံာ်လၢကျဲလဲၤဆူ ဝ့ၢ်အ့လၤသးဒီးဝ့ၢ်ဧ့းစယိၣ်က့ဘ့ၢ်, ဆူပီၣ်လဲၣ်သံဒီးပလဲၤ တရံးဃီၤဆူကလံၤစိးမုၢ်ထီၣ်လိၤလိၤဆူကီၢ်မိၤအးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:14

စီၤဒၤဝံးမ့ၢ်ပှၤသးစၢ်ကတၢၢ်ဒီးဖဲအဝဲၢ်အဒိၣ်ကတၢၢ်သၢဂၤအိၣ် ဒီးစီၤစီလူးအခါန့ၣ်,