လံာ်တၢ်ကဲထီၣ်အခီၣ်ထံး 25:11 - Sgaw Karen Common Bible

¹¹ ဒီးစီၤအၤဘြၤဟၣ်သံဝံၤအလီၢ်ခံကစၢ်ယွၤဆိၣ်ဂ့ၤအဖိခွါစီၤ အံၤစဲးလၢအအိၣ်ဝဲဆိးဝဲဘူးဒီး “ပှၤမူဝဲတဂၤလၢအထံၣ်ယၤ အထံပူၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 25:11 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 12:3

ဒီးပှၤလၢအဆိၣ်ဂ့ၤနၤန့ၣ်ယကဆိၣ်ဂ့ၤအီၤဒီးပှၤလၢအဆိၣ်အၢနၤ န့ၣ်ယကဆိၣ်အၢအီၤလီၤ. ဒီးခီဖျိနၤန့ၣ်ယကဆိၣ်ဂ့ၤကယဲၢ်ပှၤကလုာ်တဖၣ်ခဲလၢာ်န့ၣ်လီၤ.”

လံာ်တၢ်ကဲထီၣ်အခီၣ်ထံး 16:14

လၢတၢ်န့ၣ်အဃိထံပူၤတပူၤလၢအအိၣ်ဖဲဝ့ၢ်ကၤဒ့ၣ်ဒီးဝ့ၢ်ဘ့ရ့းအဘၢၣ် စၢၤန့ၣ်ပှၤဂီၢ်မုၢ်ကိးဝဲဒၣ်လၢ, “ပှၤမူတဂၤလၢအထံၣ်ယၤအထံပူၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 17:19

ဒီးကစၢ်ယွၤစံးဆၢအီၤ, “တသ့ဘၣ်. နမါနီၢ်စၤရါကဆံးစၢ်န့ၢ် ဖိခွါတဂၤလၢနဂီၢ်ဒီးနကယုၢ်န့ၢ်အမံၤလၢစီၤအံၤစဲးန့ၣ် လီၤ. ယကဟံးဃာ်ယတၢ်အၢၣ်လီၤအီလီၤဒီးအီၤ, ဒီးအစၢၤအသွဲၣ်တဖၣ်လီၤထူလီၤယိာ်န့ၣ်လီၤ. တၢ်အံၤမ့ၢ်တၢ်အၢၣ်လီၤအီလီၤအထူအယိာ်တမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:35

ယွၤဆိၣ်ဂ့ၤယကစၢ်ဒိၣ်မးဒီးဒုးကဲထီၣ်အီၤလၢပှၤထူးပှၤတီၤ တဂၤန့ၣ်လီၤ. ယွၤဟ့ၣ်အီၤလၢသိ, မဲာ်တဲးလဲးဒီးဂီၤဘုၣ်ဂီၤဖံးအဖုအဂီၢ် တဖၣ်, စ့, ထူဒီးကုၢ်ပိာ်မုၣ်ကုၢ်ပိာ်ခွါတဖၣ်, ကီၤလၤအူးဒီးကသ့ၣ် ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:62

စီၤအံၤစဲးဟဲဆူပှၢ်မုၢ်ကနၢလၢ “ပှၤမူလၢအထံၣ်ယၤတဂၤ အထံပူၤ” ဒီးအိၣ်ဝဲဖဲကီၢ်ကနၤဧၣ်အကလံၤထံးန့ၣ်လီၤ.

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

စံးထီၣ်ပတြၢၤ 112:2

အစၢၤအသွဲၣ်တဖၣ်ကဆူၣ်ထီၣ်လၢ ထံဧိၤကီၢ်ဧိၤအပူၤ, ပှၤအတီအလိၤတစိၤန့ၣ်ကဘၣ်တၢ်ဆိၣ်ဂ့ၤလီၤ.