လံာ်တၢ်ကဲထီၣ်အခီၣ်ထံး 24:53 - Sgaw Karen Common Bible

⁵³ အန့ၣ်ဝံၤဒီး, အဝဲထုးထီၣ်တၢ်ကူတၢ်သိး, စ့ဒီးထူ, တၢ်ကယၢကယဲလုၢ်ဒိၣ်ပှ့ၤဒိၣ်ဒီးဟ့ၣ်ဝဲနီၢ်ရံးဘကၤန့ၣ်လီၤ. ဒီးဟ့ၣ်စ့ၢ်ကီးဝဲနီၢ်ရံးဘကၤအဒီပုၢ်ဝဲၢ်ခွါဒီးအမိၢ်လၢ တၢ်ဟ့ၣ်လုၢ်ဒိၣ်ပှ့ၤဒိၣ်သ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:53 Iomraidhean Croise

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:22

ဖဲပိာ်မုၣ်အံၤမၤတၢ်ဝံၤတစုန့ၣ်ပှၤတဂၤအံၤဟံးန့ၣ်ကွီၤထူ လုၢ်ဒိၣ်ပှ့ၤဒိၣ်တကွီၤဒီးဘျးလီၤစဲၤဝဲလၢနီၢ်ရံးဘကၤအနါ ဒ့ အပူၤဒီးဒုးသိးထီၣ်အီၤထံဖှံၣ်ထူဖးဒိၣ်ခံဘိလၢအစုဒုၣ် အလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:3

အဝဲသ့ၣ်အပၢ်ဟ့ၣ်အဝဲသ့ၣ်လၢထူစ့ဒီးတၢ်လုၢ်ဒိၣ်ပှ့ၤဒိၣ်အဂၤ တဖၣ်အါအါဂီၢ်ဂီၢ်, ဒီးပာ်လီၤအဝဲသ့ၣ်တဂၤစုာ်စုာ်လၢကပၢဘၣ်ဝ့ၢ်အိၣ်ဒီးတိာ်ဧိၤ တာ်ဧိၤတဖၣ်အကျါတဝ့ၢ်စုာ်စုာ်လၢကီၢ်ယူဒၤအပူၤန့ၣ်လီၤ. ဘၣ်ဆၣ်မ့ၢ်လၢစီၤယဟိရၣ်မ့ၢ်ဝဲဖိဝဲၢ်ကိအဃိစီၤယဟိၡၤဖး ဒုးကဲထီၣ်အီၤလၢပှၤထီၣ်က့ၤအလီၢ်န့ၣ်လီၤ.

လံာ်စီၤဧ့စြၤ 1:6

ကယဲၢ်ပှၤအိၣ်ခိၣ်အိၣ်ဃၢၤခဲလၢာ်မၤစၢၤအဝဲသ့ၣ်ခီဖျိဟ့ၣ်အ ဝဲသ့ၣ်လၢတၢ်အါမံၤဒ်, တၢ်အဃၢၤအဃိၢ်စ့တဖၣ်, ထူဧိၤလွဲဧိၤ, တၢ်အလိၣ်တဖၣ်, ဆၣ်ဖိကီၢ်ဖိအဒၢလၢဂီၤကၢ်အသး တဖၣ်, တၢ်လုၢ်ဒိၣ်ပှ့ၤဒိၣ်အဂၤတဖၣ်, ဒီးတၢ်မၤဘူၣ်မၤတီၢ်တဖၣ်လၢတၢ် လုၢ်ဟံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 11:2

ဒီးခဲကနံၣ်အံၤကတိၤတၢ်ဒီးအံၣ်စရ့လးအပှၤဂီၢ်မုၢ်, ဒီးတဲဘၣ်အဝဲသ့ၣ်ခဲလၢာ်လၢကဃ့ပှၤလၢအဃၢၤလၢထူ အတၢ်ကယၢကယဲဒီးစ့အတၢ်ကယၢကယဲတဖၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 12:35

ပှၤအံၣ်စရ့လးဖိတဖၣ်မၤဝဲဒ်စီၤမိၤၡ့စံးဘၣ်တ့ၢ်အီၤအသိး, ဒီးဃ့ဝဲပှၤအဲၤကူပတူးဖိတဖၣ်လၢအတၢ်ကယၢကယဲထူဒီးစ့တဖၣ် ဒီးတၢ်ကူတၢ်သိးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 3:22

ဒီးကယဲၢ်ပှၤအံၣ်စရ့လးမုၣ်တဂၤလၢ်လၢ်ကလဲၤဆူပှၤအဲၤကူပတူး ဖိလၢအအိၣ်လၢအဟံၣ်ဃၢၤအအိၣ်, ဒီးဆူပှၤအဲၤကူပတူးမုၣ်လၢအအိၣ်လၢအဟံၣ်ပူၤအအိၣ်ဒီးကဃ့ ဝဲတၢ်ကူတၢ်သိး, ဒီးထူဧိၤစ့ဧိၤအတၢ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. ပှၤအံၣ်စရ့လးဖိတဖၣ်ကကယၢကယဲထီၣ်အဖိခွါတဖၣ်ဒီးအဖိမုၣ် တဖၣ်လၢတၢ်တဖၣ်န့ၣ်ဒီးသုကဂုာ်န့ၢ်ပှၤအဲၤကူပတူးဖိတဖၣ်အတၢ်ထူးတၢ်တီၤန့ၣ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 1:10

နခိၣ်သူလၢအလီၤစဲၤလၢနဘိးပၤအလိၤတဖၣ်န့ၣ်မၤဃံမၤလၤထီၣ် နဘိးပၤ, ဒီးလၢအလီၤစဲၤလၢနကိာ်ကျၤခံတဖၣ်န့ၣ်လီၤဂာ်ဒီးဖဲအဝီတဖၣ် လၢတၢ်မၤအီၤလၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:13

ဖဲန့ၣ်တၢ်မုၢ်တၢ်ဘိတဖၣ်မဲထီၣ်ဝဲန့ၣ်လီၤ. အဝဲသ့ၣ်ဘၣ်တၢ်သူၣ်လီၤအီၤဒ်တၤသၣ်လီၢ်တပူၤအသိး, ဖဲသ့ၣ်သလဲအထူၣ်တဖၣ်မဲထီၣ်ဒီးသၣ်ထီၣ်တၤသၣ်အဂ့ၤကတၢၢ်တဖၣ် န့ၣ်လီၤ.

လံာ်ယၡါယၤ 39:2

စီၤပၤဃံးစကံယၤတူၢ်လိာ်မုာ်ပှၤဟဲစိာ်တၢ်ကစီၣ်တဖၣ်ဒီးဒုး နဲၣ်အဝဲသ့ၣ်လၢအတၢ်ထူးတၢ်တီၤ, အထူဒီးအစ့တဖၣ်, အတၢ်နၢမူဒီးအသိနၢမူလုၢ်ဒိၣ်ပှ့ၤဒိၣ်တဖၣ်, ဒီးအတၢ်ဒုးသုးအပီးအလီခဲလၢာ်န့ၣ်လီၤ. တၢ်လၢအဝဲတဒုးနဲၣ် အဝဲသ့ၣ်လၢအတၢ်ပာ်ဖှိၣ်အလီၢ်တဖၣ်အပူၤမ့ၢ်ဂ့ၤလၢအဘီအမုၢ် အလီၢ်တပူၤပူၤမ့ၢ်ဂ့ၤန့ၣ်, တအိၣ်နီတမံၤဘၣ်.