လံာ်တၢ်ကဲထီၣ်အခီၣ်ထံး 24:45 - Sgaw Karen Common Bible

⁴⁵ ဒီးတချုးလၢယမၤကတၢၢ်ဒံးဘၣ်ယတၢ်ထုကဖၣ်ကစုဒု န့ၣ်နီၢ်ရံးဘကၤဟဲဒီးအသပၢၤထံအိၣ်လၢအဖံဘၣ်ခိၣ်ဒီး လဲၤလီၤဆူထံပူၤလၢကဒၢၣ်ထံအဂီၢ်န့ၣ်လီၤ. ယစံးဘၣ်အီၤ, ‘ဝံသးစူၤဟ့ၣ်ဒုးအီယၤလၢထံတစဲးတက့ၢ်.’

လံာ်တၢ်ကဲထီၣ်အခီၣ်ထံး 24:45 Iomraidhean Croise

လံာ်တၢ်ကဲထီၣ်အခီၣ်ထံး 24:44

အဝဲမ့ၢ်ဘၣ်သူၣ်ဘၣ်သးဒီးမၤဘျုးတၢ်ဒီးဟဲစိာ်စ့ၢ်ကီးထံလၢ ယကီၤလၤအူးတဖၣ်အဂီၢ်န့ၣ်မ်ပိာ်မုၣ်န့ၣ်ကမ့ၢ်ပှၤတဂၤလၢနဃု ထၢတ့ၢ်အီၤဒ်မါတဂၤလၢယကစၢ်အဖိခွါအဂီၢ်အသိးန့ၣ်တက့ၢ်.’

လံာ်စီၤၡမူၤအ့လးခံဘ့ၣ်တဘ့ၣ် 7:27

သ့တၢ်လၢာ်ကစၢ်, အံၣ်စရ့လးအကစၢ်ယွၤဧၢ, ယအိၣ်ဒီးတၢ်သးဒူလၢယကဘါထုကဖၣ်တၢ်ထုကဖၣ်အဝဲအံၤဆူနအိၣ်လီၤ. အဂ့ၢ်ဒ်အံၤ, နလီၣ်ဖျါထီၣ်တ့ၢ်တၢ်ခဲလၢာ်အံၤဆူယၤ, နခ့နပှၤ, ဒီးနတဲဘၣ်တ့ၢ်ယၤလၢနကဒုးကဲထီၣ်ယစၢၤယသွဲၣ်တဖၣ် လၢစီၤပၤတဖၣ်န့ၣ်လီၤ.

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ဒၤနံးယ့လး 9:23

ဖဲလၢနစးထီၣ်သကွံၢ်ကညးတၢ်ဒီးကစၢ်ယွၤန့ၣ်အဝဲစံးဆၢတ့ၢ်နၤလီၤ. အဝဲအဲၣ်နၤသတးဒီးယဟဲယဲဒ်သိးယကတဲနၤတၢ်စံးဆၢန့ၣ်လီၤ. ခဲကနံၣ်အံၤကနၣ်လီၤတံၢ်လီၤဆဲးဖဲယတဲဖျါ ထီၣ်တၢ်ထံၣ်လၢညါခီအဂ့ၢ်န့ၣ်တက့ၢ်.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.