လံာ်တၢ်ကဲထီၣ်အခီၣ်ထံး 24:42 - Sgaw Karen Common Bible

⁴² ဒီးတနံၤအံၤဖဲယဟဲတုၤဆူထံပူၤန့ၣ်ယဘါထုကဖၣ်ယဲ, ‘ယွၤ, ယကစၢ်စီၤအၤဘြၤဟၣ်အကစၢ်ယွၤဧၢ, ဝံသးစူၤဟ့ၣ်ယၤတၢ်မၤ နၢၤလၢတၢ်လၢယမၤအပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 24:42 Iomraidhean Croise

လံာ်တၢ်ကဲထီၣ်အခီၣ်ထံး 24:11

ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်တၢ်ကဲထီၣ်အခီၣ်ထံး 39:3

ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

စံးထီၣ်ပတြၢၤ 37:5

ဟ့ၣ်လီၤနသးလၢယွၤ, နာ်အီၤဒီးအဝဲကမၤစၢၤနၤလီၤ.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

ရိမ့ၤ 1:10

ယဃ့ကစၢ်ယွၤလၢမ့ၢ်ဘၣ်အသးဒီးယကလဲၤအိၣ်သကိးဘၣ် သုခဲအံၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:13

အဝဲဃ့ဘါထုကဖၣ်ဘှ့ၣ်ဘှ့ၣ်ဘှီၣ်ဘှီၣ်ကစုဒုလီၤ. အနိးဖံးတဖၣ်ဟူးဝးဝဲဘၣ်ဆၣ်ဒီးတမၤသီၣ်ဘၣ်အကလုၢ်နီတမံၤဘၣ်. မၤသးဒ်န့ၣ်ဒီး, စီၤဧ့လံၤဆိကမိၣ်လၢအဝဲဒၣ်မူၤလၢသံးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:6

ဒီးအကုၢ်စံးဆၢအီၤ, “အိၣ်ခိးဒၣ်ကလိာ်တက့ၢ်. လၢဝ့ၢ်အံၤအပူၤန့ၣ်ပှၤစီဆှံ လၢအဘၣ်တၢ်ပာ်ကဲအီၤဒိၣ်မးလၢအလၢကယဲၢ်အတၢ်ကတိၤကိးထံၣ်ဒဲး လၢထီၣ်ပှဲၤထီၣ်န့ၣ်, အိၣ်တဂၤလီၤ. မ်ပလဲၤသကိးဆူအအိၣ်တက့ၢ်. ဘၣ်သ့ၣ်သ့ၣ်အဝဲတဲပှၤလၢပထံၣ်က့ၤကသ့ၣ်ယီၤတဖၣ်ကသ့ဝဲ ဖဲလဲၣ်န့ၣ်လီၤ.”