လံာ်တၢ်ကဲထီၣ်အခီၣ်ထံး 24:29 - Sgaw Karen Common Bible

²⁹ နီၢ်ရံးဘကၤန့ၣ်အိၣ်ဒီးအဒီပုၢ်ဝဲၢ်ခွါတဂၤလၢအမံၤမ့ၢ်ဝဲ စီၤလၤဘၣ်န့ၣ်လီၤ. ဒီးစီၤလၤဘၣ်လဲၤဃ့ၢ်ထီၣ်ဆူတၢ်ချၢဒ်သိးအကလဲၤဆူထံပူၤဖဲ စီၤအၤဘြၤဟၣ်အခ့အပှၤအိၣ်ဝဲအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:29 Iomraidhean Croise

လံာ်တၢ်ကဲထီၣ်အခီၣ်ထံး 24:30

စီၤလၤဘၣ်ထံၣ်ဝဲနါဒ့ကွီၤထူဒီးထံဖှံၣ်တဖၣ်လၢအအိၣ်လၢအ ဒီ ပုၢ်ဝဲၢ်မုၣ်နီၢ်ရံးဘကၤအစုဒုၣ်လိၤဒီးနၢ်ဟူပိာ်မုၣ်စံးတၢ် လၢပှၤတဂၤန့ၣ်စံးဘၣ်တ့ၢ်အီၤန့ၣ်လီၤ. ဒီးလဲၤဝဲဆူစီၤအၤဘြၤဟၣ်အခ့ အပှၤအအိၣ်လၢအဆၢထၢၣ်လၢအကီၤလၤအူးတဖၣ်အကပၤဖဲ ထံပူၤအဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:55

ဘၣ်ဆၣ်ဒီး, နီၢ်ရံးဘကၤအဒီပုၢ်ဝဲၢ်ခွါဒီးအမိၢ်စံးဝဲဒၣ်, “ပျဲဖိသၣ်မုၣ်အိၣ်ဒီးပှၤတနွံမ့ၢ်ဂ့ၤ, ဆံဆဲၣ်သီမ့ၢ်ဂ့ၤဝံၤဒီးမ်အလဲၤတက့ၢ်.”

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 27:43

ခဲကနံၣ်အံၤ, ဖိခွါဧၢ, မၤဒ်ယစံးဘၣ်နၤအသိးန့ၣ်တက့ၢ်. လဲၤတဘျီဃီဆူယဒီပုၢ်ဝဲၢ်ခွါစီၤလၤဘၣ်အအိၣ်လၢဝ့ၢ်ဟၤရၣ် အပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 28:2

အခိၣ်တလိာ်, လဲၤဆူကီၢ်မ့းစပတၤမံဆူနဖုစီၤဘသူၤအ့လး အဟံၣ်ဒီးန့ၢ်နမါလၢပိာ်မုၣ်ဖိတဖၣ်အကျါတဂၤလၢအမ့ၢ်နဖါတံၢ် စီၤလၤဘၣ်အဖိမုၣ်အကျါတဂၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 29:13

ဒီးတုၤစီၤလၤဘၣ်နၢ်ဟူအဖိဒိၣ်ခွါစီၤယၤကိာ်အကစီၣ်န့ၣ်လဲၤ ဃ့ၢ်ဝဲလၢကထံၣ်လိာ်အီၤဒီးဖိးဃုဃာ်အီၤဒီးနၢမူအီၤ, ဒီးဟဲက့ၤကိးအီၤဆူအဟံၣ်ပူၤန့ၣ်လီၤ. တုၤစီၤယၤကိာ်တဲစီၤလၤဘၣ်လၢကယဲၢ်တၢ်ခဲလၢာ်လၢအမၤတ့ၢ်အသး ဝံၤဒီး,

လံာ်တၢ်ကဲထီၣ်အခီၣ်ထံး 29:5

အဝဲသံကွၢ်ဝဲ, “မ့ၢ်သုသ့ၣ်ညါစီၤနၤဃိၢ်အဖိခွါစီၤလၤဘၣ် န့ၣ်ဧါ.” ဒီးအဝဲသ့ၣ်စံးဆၢဝဲ, “မ့ၢ်ပသ့ၣ်ညါလီၤ.”