လံာ်တၢ်ကဲထီၣ်အခီၣ်ထံး 24:26 - Sgaw Karen Common Bible

²⁶ တုၤနုၤတစု, ပှၤတဂၤအံၤချံးခီၣ်တီၤလီၤဒီးဘူၣ်ထီၣ်ဘါထီၣ် ယွၤလီၤ.

လံာ်တၢ်ကဲထီၣ်အခီၣ်ထံး 24:26 Iomraidhean Croise

လံာ်တၢ်ကဲထီၣ်အခီၣ်ထံး 22:5

တုၤနုၤတစုစီၤအၤဘြၤဟၣ်စံးဘၣ်အခ့အပှၤတဖၣ်န့ၣ်, “အိၣ်သုဝဲဖဲအံၤဃုာ်ဒီးကသ့ၣ်ယီၤတက့ၢ်. ဖိသၣ်ပိာ်ခွါဒီးယဲဒၣ်အံၤပကလဲၤဆူန့ၣ်, ဖဲန့ၣ်ဒီးဘူၣ်တၢ်ဘါတၢ်ဝံၤဒီးပကဟဲက့ၤဆူသုအိၣ်လီၤ.”

လံာ်တၢ်ကဲထီၣ်အခီၣ်ထံး 24:25

ဒီးစံးဘၣ်စ့ၢ်ကီးအီၤ, “ဘုလီၢ်ဒီးဆၣ်ဖိကီၢ်ဖိအဆၣ်အိၣ် အါမးလၢပဟံၣ်ဒီးတၢ်လီၢ်အိၣ်တပူၤလၢသုကအိၣ်ကဆိးအဂီၢ်န့ၣ် လီၤ.”

လံာ်တၢ်ကဲထီၣ်အခီၣ်ထံး 24:48

ဒီးယချံးခီၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ. ယစံးထီၣ်ပတြၢၤယွၤ, ယကစၢ်စီၤအၤဘြၤဟၣ်အကစၢ်ယွၤလၢအဆှၢတ့ၢ် ယၤလိၤလိၤဆူယကစၢ်အဘူးအတံၢ်တဖၣ်အအိၣ်ဖဲယထံၣ်န့ၢ်အဖိမုၣ်လၢ ယကစၢ်အဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:52

ဖဲစီၤအၤဘြၤဟၣ်အခ့အပှၤနၢ်ဟူတ့ၢ်တၢ်ကတိၤအံၤဒီးအဝဲတီၤ လီၤဒီးဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:18

အန့ၣ်ဒီး, စီၤပၤယဟိၡၤဖးသကူးလီၤအသး, အိၣ်ဒီးအမဲာ်ကျးလီၤအသးလၢဟီၣ်ခိၣ်လိၤဒီးကယဲၢ်ပှၤဂီၢ်မုၢ် ခဲလၢာ်သကူးလီၤအသးဃုာ်ဒီးအီၤ, ဒီးဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်စီၤနဃ့မယၤ 8:6

စီၤဧ့စြၤစံးဝဲဒၣ်, “စံးထီၣ်ပတြၢၤယွၤ, ကစၢ်ဖးဒိၣ်န့ၣ်တက့ၢ်.” ဒီးကယဲၢ်ပှၤဂီၢ်မုၢ်ခဲလၢာ်ယူာ်ထီၣ်အစုဆူထးခီဒီးစံးဆၢဝဲ, “အၤမ့ၣ်, အၤမ့ၣ်” န့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢတၢ်ဘူၣ်ထီၣ်ဘါထီၣ်အပူၤအိၣ် ဒီးအမဲာ်သၣ်အိၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

စံးထီၣ်ပတြၢၤ 22:29

ပှၤလၢအပာ်ထီၣ်ထီအသးခဲလၢာ် ဒီးပှၤလၢအသံသ့ခဲလၢာ် ကတီၤလီၤလၢအမဲာ်ညါန့ၣ်လီၤ.

စံးထီၣ်ပတြၢၤ 66:4

ပှၤဟီၣ်ခိၣ်ဖိခဲလၢာ်ဘူၣ်ထီၣ်ဘါထီၣ်နၤ, သးဝံၣ်စံးထီၣ်ပတြၢၤနၤ, သးဝံၣ်စံးထီၣ်ပတြၢၤနမံၤန့ၣ်လီၤ.” စ့လၤ

စံးထီၣ်ပတြၢၤ 72:9

မ်ပှၤပှၢ်လၢ်ကျါဖိကဆုးလီၤအခိၣ်လၢအမဲာ်ညါ, ဒီးအဒုၣ်အဒါတဖၣ်ကလ့ၣ် ဟီၣ်ခိၣ်အကမူၣ်န့ၣ်တက့ၢ်.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

လံာ်တၢ်ဟးထီၣ်ကွံာ် 12:27

သုကဘၣ်စံးဆၢလၢအအံၤမ့ၢ်တၢ်လုၢ်တၢ်ပာ်ဘၣ်ဃးဘူၣ်လဲၤကပာ်လၢ တၢ်ကမၤလၤကပီၤယွၤအဂီၢ်န့ၣ်လီၤ. အဂ့ၢ်ဒ်အံၤ, ယွၤလဲၤကပာ်ကွံာ်ပှၤအံၣ်စရ့လးဖိတဖၣ်အဟံၣ်လၢ ကီၢ်အဲၤကူပတူးအပူၤန့ၣ်လီၤ. အဝဲမၤသံကွံာ်ပှၤအဲၤကူပတူးဖိတဖၣ်ဒီးပျၢ်ဖျဲးပှၤန့ၣ်လီၤ.” ဒီးပှၤအံၣ်စရ့လးဖိတဖၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 34:8

စီၤမိၤၡ့တီၤလီၤချ့ချ့ဆူဟီၣ်ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်မံကၤ 6:6

ယကဘၣ်ဟဲစိာ်တၢ်မနုၤတမံၤဆူယွၤ, မူခိၣ်ကစၢ်ယွၤအအိၣ်, ဖဲယဟဲဒ်သိးယကဘူၣ်ထီၣ်ဘါထီၣ်အီၤအခါန့ၣ်လဲၣ်. မ့ၢ်ယကဘၣ်ဟဲစိာ်ဂီၤဖံးဖိအဂ့ၤကတၢၢ်တဖၣ် လၢယကဆိၣ်ကဲၤအီၤဒ်တၢ်လုၢ်မ့ၣ်အူဆူအအိၣ်ဧါ.

ဖံလံးပံၤ 2:10

ဒ်သိး လၢတၢ်မၤလၤကပီၤယ့ၣ်ၡူးအမံၤအပူၤ, ကယဲၢ်တၢ်အိၣ်လၢမူခိၣ်, လၢဟီၣ်ခိၣ်ဒီး လၢဟီၣ်ခိၣ်လာ်တဖၣ်ကချံးလီၤအခီၣ်,

လံာ်ပှၤစံၣ်ညီၣ်ကွီၢ် 7:15

တုၤစီၤကံးဒဧိၣ်နၢ်ဟူဘၣ်ပှၤတဂၤန့ၣ်အတၢ်မံမီၢ်ဒီးအခီပညီ န့ၣ်အဝဲတီၤလီၤလၢအခီၣ်လ့ၢ်ခိၣ်ဒီးဘူၣ်ထီၣ်ဘါထီၣ်ယွၤန့ၣ် လီၤ. တုၤနုၤတစုအဝဲက့ၤကဒါက့ၤဆူပှၤအံၣ်စရ့လးဖိသူၣ်ဒဲအလီၢ် ဒီးစံးဝဲ, “ဂဲၤထၢၣ်တက့ၢ်. ယွၤဟ့ၣ်လီၤသုတၢ်မၤနၢၤလၢပှၤမံးဒယၣ်ဖိ အသုးမုၢ်အဖီခိၣ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 1:28

မၤသးဒ်န့ၣ်ဒီး, ယပာ်စီဆှံအီၤဆူယွၤအအိၣ်လီၤ. အသးသမူတစိၤဒၣ်အီၤန့ၣ်ကဘၣ်ဃးဒီးယွၤလီၤ.” အန့ၣ်ဝံၤဒီးအဝဲသ့ၣ်ဘူၣ်ထီၣ်ဘါထီၣ်ယွၤန့ၣ်လီၤ.