လံာ်တၢ်ကဲထီၣ်အခီၣ်ထံး 24:22 - Sgaw Karen Common Bible

²² ဖဲပိာ်မုၣ်အံၤမၤတၢ်ဝံၤတစုန့ၣ်ပှၤတဂၤအံၤဟံးန့ၣ်ကွီၤထူ လုၢ်ဒိၣ်ပှ့ၤဒိၣ်တကွီၤဒီးဘျးလီၤစဲၤဝဲလၢနီၢ်ရံးဘကၤအနါ ဒ့ အပူၤဒီးဒုးသိးထီၣ်အီၤထံဖှံၣ်ထူဖးဒိၣ်ခံဘိလၢအစုဒုၣ် အလိၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:22 Iomraidhean Croise

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:23

ဒီးစံးဝဲဒၣ်, “ဝံသးစူၤတဲဘၣ်ယၤလၢနပၢ်မ့ၢ်မတၤမတၤတ က့ၢ်. မ့ၢ်ဒၢးအိၣ်လၢအဟံၣ်ပူၤလၢယပှၤတဖၣ်ဒီးယၤကမံတနၤအံၤအဂီၢ် ကစီဒီဧါ.”

လံာ်တၢ်ကဲထီၣ်အခီၣ်ထံး 24:30

စီၤလၤဘၣ်ထံၣ်ဝဲနါဒ့ကွီၤထူဒီးထံဖှံၣ်တဖၣ်လၢအအိၣ်လၢအ ဒီ ပုၢ်ဝဲၢ်မုၣ်နီၢ်ရံးဘကၤအစုဒုၣ်လိၤဒီးနၢ်ဟူပိာ်မုၣ်စံးတၢ် လၢပှၤတဂၤန့ၣ်စံးဘၣ်တ့ၢ်အီၤန့ၣ်လီၤ. ဒီးလဲၤဝဲဆူစီၤအၤဘြၤဟၣ်အခ့ အပှၤအအိၣ်လၢအဆၢထၢၣ်လၢအကီၤလၤအူးတဖၣ်အကပၤဖဲ ထံပူၤအဃၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:47

ယသံကွၢ်တ့ၢ်အီၤ, ‘နပၢ်မ့ၢ်မတၤလဲၣ်.’ ဒီးအဝဲစံးဆၢဝဲ, ‘ယပၢ်မ့ၢ်စီၤနၤဃိၢ်ဒီးနီၢ်မံးလကၤအဖိခွါ, စီၤဘသူၤအ့လးလီၤ.’ တုၤနုၤတစု, ယဘျးလီၤစဲၤနါဒ့ကွီၤတဘိလၢအနါဒ့အလိၤဒီး ထံဖှံၣ်တဖၣ်လၢအစုဒုၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:53

အန့ၣ်ဝံၤဒီး, အဝဲထုးထီၣ်တၢ်ကူတၢ်သိး, စ့ဒီးထူ, တၢ်ကယၢကယဲလုၢ်ဒိၣ်ပှ့ၤဒိၣ်ဒီးဟ့ၣ်ဝဲနီၢ်ရံးဘကၤန့ၣ်လီၤ. ဒီးဟ့ၣ်စ့ၢ်ကီးဝဲနီၢ်ရံးဘကၤအဒီပုၢ်ဝဲၢ်ခွါဒီးအမိၢ်လၢ တၢ်ဟ့ၣ်လုၢ်ဒိၣ်ပှ့ၤဒိၣ်သ့ၣ်တဖၣ်န့ၣ်လီၤ.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 32:9

ယပှ့ၤစံာ်ပျီန့ၣ်လၢ စီၤဃနၤန့လးအအိၣ်ဒီးယစီၤန့ၢ်အီၤ စ့လၢအဂီၢ်, အပှ့ၤလီၤတဲာ်ဝဲစ့ ၡကလးတဆံနွံဘ့ၣ်န့ၣ်လီၤ.

၁ ပ့းတရူး 3:3

သုတကြၢးသူတၢ်အပီးအလီလၢသုကမၤဃံမၤလၤသုသး အဂီၢ်, ဒ်တၢ်သံၣ်ခိၣ်သူ, မ့တမ့ၢ်တၢ်ဆှီးထီၣ်ထူဧိၤလွဲဧိၤ, မ့တမ့ၢ်တၢ်ကူတၢ်သိးလၢသုကူသိးအီၤတဖၣ်န့ၣ်ဘၣ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.