လံာ်တၢ်ကဲထီၣ်အခီၣ်ထံး 24:15 - Sgaw Karen Common Bible

¹⁵ တချုးလၢအဘါထုကဖၣ်တၢ်ဝံၤဒံးဘၣ်န့ၣ်နီၢ်ရံးဘကၤဟဲ တုၤလၢထံပူၤဃုာ်ဒီးအသပၢၤထံလၢအဖံဘၣ်ခိၣ်လီၤ. နီၢ်ရံးဘကၤမ့ၢ်စီၤဘသူၤအ့လးအဖိမုၣ်န့ၣ်လီၤ. ဒီးစီၤဘသူၤအ့လးမ့ၢ်ဝဲစီၤအၤဘြၤဟၣ်အဒီပုၢ်ဝဲၢ်ခွါစီၤ နၤဃိၢ်ဒီးနီၢ်မံးလကၤအဖိခွါန့ၣ်လီၤ.

လံာ်တၢ်ကဲထီၣ်အခီၣ်ထံး 24:15 Iomraidhean Croise

လံာ်တၢ်ကဲထီၣ်အခီၣ်ထံး 11:27

ဒီးအအံၤတဖၣ်မ့ၢ်စီၤတ့ရၤလၢအမ့ၢ်စီၤအၤဘြၣ်, စီၤနၤဃိၢ်ဒီးစီၤဟၤရၣ်အပၢ်အစၢၤအသွဲၣ်တဖၣ်န့ၣ်လီၤ. စီၤဟၤရၣ်မ့ၢ်စီၤလိာ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:29

စီၤအၤဘြၣ်ထီၣ်ပှၢ်ဒီးနီၢ်စၤရဲ, ဒီးစီၤနၤဃိၢ်ထီၣ်ပှၢ်ဒီး နီၢ်မံးလကၤလၢအမ့ၢ်စီၤဟၤရၣ်အဖိမုၣ်, လၢအမ့ၢ်စ့ၢ်ကီးနီၢ်ယံၤစကၤအဒီပုၢ်ဝဲၢ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:14

ယကစံးဘၣ်အဝဲသ့ၣ်အကျါတဂၤ, ‘ဝံသးစူၤပာ်လီၤနသပၢၤထံဒီး ပျဲယအီထံတက့ၢ်.’ အဝဲမ့ၢ်စံးဝဲလၢ ‘အီတက့ၢ်, ဒီးယကဟဲစိာ်စ့ၢ်ကီးထံလၢနကီၤလၤအူးအဂီၢ်’ န့ၣ်, မ်အဝဲဒၣ်ကမ့ၢ်ပှၤတဂၤလၢနဃုထၢတ့ၢ်အီၤလၢနခ့နပှၤစီၤအံၤ စဲးအဂီၢ်န့ၣ်တက့ၢ်. တၢ်အံၤမ့ၢ်မၤအသးဒီးယကသ့ၣ်ညါလၢနဟံးဃာ်နတၢ်အၢၣ်လီၤဒီး ယကစၢ်စီၤအၤဘြၤဟၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 24:24

ဒီးနီၢ်ရံးဘကၤစံးဆၢအီၤ, “ယပၢ်မ့ၢ်စီၤဘသူၤအ့လးလီၤ. အဝဲဒၣ်မ့ၢ်စီၤနၤဃိၢ်ဒီးနီၢ်မံးလကၤအဖိခွါန့ၣ်လီၤ.”

လံာ်တၢ်ကဲထီၣ်အခီၣ်ထံး 24:45

ဒီးတချုးလၢယမၤကတၢၢ်ဒံးဘၣ်ယတၢ်ထုကဖၣ်ကစုဒု န့ၣ်နီၢ်ရံးဘကၤဟဲဒီးအသပၢၤထံအိၣ်လၢအဖံဘၣ်ခိၣ်ဒီး လဲၤလီၤဆူထံပူၤလၢကဒၢၣ်ထံအဂီၢ်န့ၣ်လီၤ. ယစံးဘၣ်အီၤ, ‘ဝံသးစူၤဟ့ၣ်ဒုးအီယၤလၢထံတစဲးတက့ၢ်.’

လံာ်တၢ်ကဲထီၣ်အခီၣ်ထံး 25:20

ဒီးဖဲစီၤအံၤစဲးန့ၢ်မါလၢနီၢ်ရံးဘကၤ, လၢအမ့ၢ်ပှၤစူၤရံဖိ စီၤဘသူၤအ့လးအိၣ်လၢပၤဒနါရၣ်အပျီပူၤ (ပှၤအမံနယၣ်ဖိလၢ ကီၢ်မ့းစပံတၤမ, အဖိမုၣ်), ပှၤစူၤရံဖိစီၤလၤဘၣ်အဒီပုၢ်ဝဲၢ်မုၣ်န့ၣ်, အသးအိၣ်လံဝဲအနံၣ်လွံၢ်ဆံန့ၣ်လီၤ.

လံာ်တၢ်ကဲထီၣ်အခီၣ်ထံး 29:5

အဝဲသံကွၢ်ဝဲ, “မ့ၢ်သုသ့ၣ်ညါစီၤနၤဃိၢ်အဖိခွါစီၤလၤဘၣ် န့ၣ်ဧါ.” ဒီးအဝဲသ့ၣ်စံးဆၢဝဲ, “မ့ၢ်ပသ့ၣ်ညါလီၤ.”

လံာ်တၢ်ကဲထီၣ်အခီၣ်ထံး 29:9

ဖဲစီၤယၤကိာ်ကတိၤဒံးတၢ်ဒီးအဝဲသ့ၣ်အဖၢမုၢ်န့ၣ်နီၢ်ရၤဃ့လး ဟဲတုၤဒီးအသိအဖုအဂီၢ်န့ၣ်လီၤ.

စံးထီၣ်ပတြၢၤ 34:15

ယွၤကွၢ်လီၤပှၤတီပှၤလိၤဒီး ဒိကနၣ်အတၢ်ကိးထီၣ်အီၤန့ၣ်လီၤ.

စံးထီၣ်ပတြၢၤ 65:2

မ့ၢ်လၢနစံးဆၢပတၢ်ထုကဖၣ်အဃိန့ၣ်လီၤ. ပှၤကလုာ်လၢလီၢ်ကိးပူၤဒဲးကဟဲဆူနအိၣ်,

လံာ်တၢ်ဟးထီၣ်ကွံာ် 2:16

ကီၢ်မံးဒယၣ်အပှၤလုၢ်တၢ်အခိၣ်အဖိမုၣ်နွံဂၤဟဲဝဲဒ်သိးကဒၢၣ် ထံဒီးမၤပှဲၤထံကျိးတဖၣ်လၢအပၢ်အသိဒီးမဲာ်တဲးလဲးတဖၣ် အဂီၢ်န့ၣ်လီၤ.

တၢ်ကတိၤဒိ. 31:27

အဝဲအတၢ်မၤအါထီဘိဒီးကွၢ်ထွဲအဟံၣ်ဖိဃီဖိအတၢ်လိၣ်တဖၣ် န့ၣ်လီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်နီၢ်ရူၤသး 2:17

ဒီးနီၢ်ရူၤသးထၢဖှိၣ်တၢ်လၢစံာ်ပျီပူၤတုၤမုၢ်ဟါလီၤ, ဒီးဖဲအတီၢ်လီၤဝဲဝံၤန့ၣ်အိၣ်ဝဲဘုမုယီၤနီၣ်ဃီၣ်သၢဖျၢၣ် ဃၣ်ဃၣ်လီၤ.

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 9:11

အဝဲသ့ၣ်သံကွၢ်ပိာ်မုၣ်ဖိတဖၣ်န့ၣ်, “မ့ၢ်ပှၤထံၣ်တၢ်တဂၤန့ၣ်အိၣ်လၢဝ့ၢ်ပူၤဧါ.” (အကတီၢ်ဖဲန့ၣ်တၢ်လၢဝံတဂၤန့ၣ်ဘၣ်တၢ်ကိးအီၤလၢပှၤထံၣ်တၢ်, ဒီးလၢတၢ်န့ၣ်အဃိဖဲပှၤတဂၤဂၤသးအိၣ်သံကွၢ်ကစၢ်ယွၤတၢ်သံ ကွၢ်တထံၣ်ဒီးအဝဲကစံးဝဲ, “မ်ပလဲၤဆူပှၤထံၣ်တၢ်အအိၣ်တက့ၢ်.” န့ၣ်လီၤ.)