လံာ်တၢ်ကဲထီၣ်အခီၣ်ထံး 24:14 - Sgaw Karen Common Bible

¹⁴ ယကစံးဘၣ်အဝဲသ့ၣ်အကျါတဂၤ, ‘ဝံသးစူၤပာ်လီၤနသပၢၤထံဒီး ပျဲယအီထံတက့ၢ်.’ အဝဲမ့ၢ်စံးဝဲလၢ ‘အီတက့ၢ်, ဒီးယကဟဲစိာ်စ့ၢ်ကီးထံလၢနကီၤလၤအူးအဂီၢ်’ န့ၣ်, မ်အဝဲဒၣ်ကမ့ၢ်ပှၤတဂၤလၢနဃုထၢတ့ၢ်အီၤလၢနခ့နပှၤစီၤအံၤ စဲးအဂီၢ်န့ၣ်တက့ၢ်. တၢ်အံၤမ့ၢ်မၤအသးဒီးယကသ့ၣ်ညါလၢနဟံးဃာ်နတၢ်အၢၣ်လီၤဒီး ယကစၢ်စီၤအၤဘြၤဟၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 24:14 Iomraidhean Croise

လံာ်တၢ်ကဲထီၣ်အခီၣ်ထံး 15:8

ဘၣ်ဆၣ်ဒီး, စီၤအၤဘြၣ်သံကွၢ်ထီၣ်ဝဲဒၣ်, “ယွၤပၢဘၣ်တၢ်ခဲလၢာ် ကစၢ်ဧၢ, တၢ်အံၤကမ့ၢ်ယတၢ်န့ၣ်ယသ့ၣ်ညါကသ့ဒ်လဲၣ်.”

လံာ်တၢ်ကဲထီၣ်အခီၣ်ထံး 24:13

ခဲအံၤယအိၣ်လၢထံပူၤဖဲပှၤပိာ်မုၣ်သးစၢ်သ့ၣ်တဖၣ်လၢဝ့ၢ်ပူၤ ကဟဲဒ်သိးအကဒၢၣ်ထံအဂီၢ်လီၤ.

လံာ်တၢ်ကဲထီၣ်အခီၣ်ထံး 24:15

တချုးလၢအဘါထုကဖၣ်တၢ်ဝံၤဒံးဘၣ်န့ၣ်နီၢ်ရံးဘကၤဟဲ တုၤလၢထံပူၤဃုာ်ဒီးအသပၢၤထံလၢအဖံဘၣ်ခိၣ်လီၤ. နီၢ်ရံးဘကၤမ့ၢ်စီၤဘသူၤအ့လးအဖိမုၣ်န့ၣ်လီၤ. ဒီးစီၤဘသူၤအ့လးမ့ၢ်ဝဲစီၤအၤဘြၤဟၣ်အဒီပုၢ်ဝဲၢ်ခွါစီၤ နၤဃိၢ်ဒီးနီၢ်မံးလကၤအဖိခွါန့ၣ်လီၤ.

လံာ်တၢ်ကဲထီၣ်အခီၣ်ထံး 24:18

ဒီးနီၢ်ရံးဘကၤစံးဆၢအီၤ, “တၢ်ဒိၣ်ဧၢ, အီတက့ၢ်.” ဒီးပာ်လီၤဝဲအသပၢၤထံလၢအစုလိၤတဘျီဃီဒီးဒုးအီအီၤလီၤ.

လံာ်တၢ်ကဲထီၣ်အခီၣ်ထံး 24:19

ဒီးတုၤအအီဝဲဝံၤဒီးပိာ်မုၣ်စံးဘၣ်အီၤ, “ယကဟဲစိာ်န့ၢ်စ့ၢ်ကီးထံလၢနကီၤလၤအူးတဖၣ်အဂီၢ်ဒီးဒုးအီ အီၤတုၤအအီဘျဲးအီတက့ၢ်.”

လံာ်တၢ်ကဲထီၣ်အခီၣ်ထံး 24:43

အခဲအံၤယအိၣ်ဖဲထံပူၤအံၤလီၤ. ဒီးတုၤပိာ်မုၣ်သးစၢ်တဂၤဟဲ ထီၣ်ဒ်သိးအကဒၢၣ်ထံန့ၣ်ယကဃ့အီအီၤထံလၢထံသပၢၤအပူၤန့ၣ် လီၤ.

လံာ်တၢ်ကဲထီၣ်အခီၣ်ထံး 24:44

အဝဲမ့ၢ်ဘၣ်သူၣ်ဘၣ်သးဒီးမၤဘျုးတၢ်ဒီးဟဲစိာ်စ့ၢ်ကီးထံလၢ ယကီၤလၤအူးတဖၣ်အဂီၢ်န့ၣ်မ်ပိာ်မုၣ်န့ၣ်ကမ့ၢ်ပှၤတဂၤလၢနဃု ထၢတ့ၢ်အီၤဒ်မါတဂၤလၢယကစၢ်အဖိခွါအဂီၢ်အသိးန့ၣ်တက့ၢ်.’

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:24

ဖဲသုနၢ်ဟူတၢ်လဲၤထီၣ်ဒုးတၢ်အသီၣ်လၢသ့ၣ်တဖၣ်အစိးခံန့ၣ်, လဲၤထီၣ်ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိ လၢသုမဲာ်ညါလၢတၢ်မၤနၢၤကွံာ်ပှၤဖလ့ၡသးဖိအသုးမုၢ်အဂီၢ် န့ၣ်လီၤ.”

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

ရိမ့ၤ 1:10

ယဃ့ကစၢ်ယွၤလၢမ့ၢ်ဘၣ်အသးဒီးယကလဲၤအိၣ်သကိးဘၣ် သုခဲအံၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:5

ဒီးအဝဲသ့ၣ်စံးဘၣ်အီၤ, “သံကွၢ်ကစၢ်ယွၤလၢပတၢ်လဲၤအံၤမ့ၢ် အကကဲထီၣ်လိၣ်ထီၣ်ကစီဒီဧါ, န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

လံာ်ပှၤစံၣ်ညီၣ်ကွီၢ် 6:37

ဂ့ၤလံ. ယကပာ်လီၤသိဆူၣ်တနီၤလၢဟီၣ်ခိၣ်အလိၤဖဲပယီၢ်ဘုကၠူၣ်အလီၢ်လီၤ. လၢမုၢ်ဆ့ၣ်ထီၣ်န့ၣ်ပစီၤထံမ့ၢ်အိၣ်ဒၣ်ထဲလၢသိဆူၣ်အလိၤဒီး မ့ၢ်တအိၣ်လၢဟီၣ်ခိၣ်လိၤဘၣ်ဒီး ယကသ့ၣ်ညါလၢနကသူယၤလၢ တၢ်အုၣ်က့ၤခီၣ်က့ၤအံၣ်စရ့လးအဂီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:7

အဝဲမ့ၢ်စံးဝဲလၢဂ့ၤလံဒီးယကပူၤဖျဲးလီၤ. အဝဲမ့ၢ်သးဒိၣ်ထီၣ်ဒီးနကသ့ၣ်ညါလၢအဝဲပာ်လီၤအသးလီၤတံၢ်လီၤဆဲး လၢကမၤဆါယၤလီၤ.