လံာ်တၢ်ကဲထီၣ်အခီၣ်ထံး 24:11 - Sgaw Karen Common Bible

¹¹ ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 24:11 Iomraidhean Croise

လံာ်တၢ်ကဲထီၣ်အခီၣ်ထံး 24:42

ဒီးတနံၤအံၤဖဲယဟဲတုၤဆူထံပူၤန့ၣ်ယဘါထုကဖၣ်ယဲ, ‘ယွၤ, ယကစၢ်စီၤအၤဘြၤဟၣ်အကစၢ်ယွၤဧၢ, ဝံသးစူၤဟ့ၣ်ယၤတၢ်မၤ နၢၤလၢတၢ်လၢယမၤအပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်တၢ်ဟးထီၣ်ကွံာ် 2:15

ဖဲစီၤပၤနၢ်ဟူလၢစီၤမိၤၡ့မၤသံတၢ်န့ၣ်ဒီးအဝဲဃုမၤသံ စီၤမိၤၡ့လီၤ. ဘၣ်ဆၣ်ဒီး, စီၤမိၤၡ့ဃ့ၢ်ထီၣ်ကွံာ်ဆူကီၢ်မံးဒယၣ်ဒ်သိး အကအိၣ်ဝဲဖဲန့ၣ်လီၤ. တနံၤဖဲစီၤမိၤၡ့ဆ့ၣ်နီၤဝဲလၢထံပူၤတပူၤအဃၢၤန့ၣ်,

လံာ်တၢ်ဟးထီၣ်ကွံာ် 2:16

ကီၢ်မံးဒယၣ်အပှၤလုၢ်တၢ်အခိၣ်အဖိမုၣ်နွံဂၤဟဲဝဲဒ်သိးကဒၢၣ် ထံဒီးမၤပှဲၤထံကျိးတဖၣ်လၢအပၢ်အသိဒီးမဲာ်တဲးလဲးတဖၣ် အဂီၢ်န့ၣ်လီၤ.

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

လံာ်ယိၤဟၣ် 4:7

ပှၤၡၤမရံမုၣ်တဂၤဟဲဒၢၣ်ထံဒီးယ့ၣ်ၡူးစံးဘၣ် အီၤ, “ဟ့ၣ်ဒုးအီယၤလၢထံတက့ၢ်.”

လံာ်ပှၤစံၣ်ညီၣ်ကွီၢ် 5:11

ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:11

အဝဲသ့ၣ်သံကွၢ်ပိာ်မုၣ်ဖိတဖၣ်န့ၣ်, “မ့ၢ်ပှၤထံၣ်တၢ်တဂၤန့ၣ်အိၣ်လၢဝ့ၢ်ပူၤဧါ.” (အကတီၢ်ဖဲန့ၣ်တၢ်လၢဝံတဂၤန့ၣ်ဘၣ်တၢ်ကိးအီၤလၢပှၤထံၣ်တၢ်, ဒီးလၢတၢ်န့ၣ်အဃိဖဲပှၤတဂၤဂၤသးအိၣ်သံကွၢ်ကစၢ်ယွၤတၢ်သံ ကွၢ်တထံၣ်ဒီးအဝဲကစံးဝဲ, “မ်ပလဲၤဆူပှၤထံၣ်တၢ်အအိၣ်တက့ၢ်.” န့ၣ်လီၤ.)