လံာ်တၢ်ကဲထီၣ်အခီၣ်ထံး 24:10 - Sgaw Karen Common Bible

¹⁰ တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:10 Iomraidhean Croise

လံာ်တၢ်ကဲထီၣ်အခီၣ်ထံး 11:26

စီၤတ့ရၤအသးအိၣ်ဝဲအနံၣ်နွံဆံဝံၤအလီၢ်ခံအဝဲကဲထီၣ်စီၤ အၤဘြၣ်, စီၤနၤဃိၢ်ဒီးစီၤဟၤရၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:29

စီၤအၤဘြၣ်ထီၣ်ပှၢ်ဒီးနီၢ်စၤရဲ, ဒီးစီၤနၤဃိၢ်ထီၣ်ပှၢ်ဒီး နီၢ်မံးလကၤလၢအမ့ၢ်စီၤဟၤရၣ်အဖိမုၣ်, လၢအမ့ၢ်စ့ၢ်ကီးနီၢ်ယံၤစကၤအဒီပုၢ်ဝဲၢ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:31

ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤလိာ်လၢအမ့ၢ်စီၤဟၤရၣ်အဖိခွါ, ဒီးအဒဲၣ်နီၢ်စၤရဲလၢအမ့ၢ်စီၤအၤဘြၣ်အမါ, ဒီးဟးထီၣ်ဃုာ်ဒီးအဝဲသ့ၣ်လၢဝ့ၢ်အူၢ်လၢအအိၣ်လၢကီၢ်ဘၤဘူၤ လိၣ်အပူၤ, ဒ်သိးအကလဲၤဝဲဆူကီၢ်ကနၤဧၣ်န့ၣ်လီၤ. ဒီးလဲၤဝဲပၢၢ်လၢဝ့ၢ်ဟၤရၣ်ဒီးသူၣ်လီၤဆီလီၤအတၢ်အိၣ်တၢ် ဆိးအလီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:32

စီၤတ့ရၤသံဝဲဖဲန့ၣ်ဖဲအသးအိၣ်အနံၣ်ခံကယၤယဲၢ်နံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 22:20

တၢ်န့ၣ်တဖၣ်ဝံၤအလီၢ်ခံစီၤအၤဘြၤဟၣ်သ့ၣ်ညါတ့ၢ်ဝဲဒၣ်လၢနီၢ် မံးလကၤဆံးစၢ်န့ၢ်အဖိဃိးဂၤလၢစီၤအၤဘြၤဟၣ်အဒီပုၢ်ဝဲၢ် ခွါစီၤနၤဃိၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 24:2

စီၤအၤဘြၤဟၣ်စံးဘၣ်အခ့အပှၤလၢအသးပှၢ်ကတၢၢ်, ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤကယဲၢ်တၢ် အိၣ်ဒီးစီၤအၤဘြၤဟၣ်န့ၣ်, “ပာ်နစုလၢယကံၣ်ဒုၣ်အကဆူးဒီးမၤတၢ်ဆိၣ်တမံၤတက့ၢ်.

လံာ်တၢ်ကဲထီၣ်အခီၣ်ထံး 24:22

ဖဲပိာ်မုၣ်အံၤမၤတၢ်ဝံၤတစုန့ၣ်ပှၤတဂၤအံၤဟံးန့ၣ်ကွီၤထူ လုၢ်ဒိၣ်ပှ့ၤဒိၣ်တကွီၤဒီးဘျးလီၤစဲၤဝဲလၢနီၢ်ရံးဘကၤအနါ ဒ့ အပူၤဒီးဒုးသိးထီၣ်အီၤထံဖှံၣ်ထူဖးဒိၣ်ခံဘိလၢအစုဒုၣ် အလိၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:53

အန့ၣ်ဝံၤဒီး, အဝဲထုးထီၣ်တၢ်ကူတၢ်သိး, စ့ဒီးထူ, တၢ်ကယၢကယဲလုၢ်ဒိၣ်ပှ့ၤဒိၣ်ဒီးဟ့ၣ်ဝဲနီၢ်ရံးဘကၤန့ၣ်လီၤ. ဒီးဟ့ၣ်စ့ၢ်ကီးဝဲနီၢ်ရံးဘကၤအဒီပုၢ်ဝဲၢ်ခွါဒီးအမိၢ်လၢ တၢ်ဟ့ၣ်လုၢ်ဒိၣ်ပှ့ၤဒိၣ်သ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 27:43

ခဲကနံၣ်အံၤ, ဖိခွါဧၢ, မၤဒ်ယစံးဘၣ်နၤအသိးန့ၣ်တက့ၢ်. လဲၤတဘျီဃီဆူယဒီပုၢ်ဝဲၢ်ခွါစီၤလၤဘၣ်အအိၣ်လၢဝ့ၢ်ဟၤရၣ် အပူၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 29:1

ဒီးစီၤယၤကိာ်လဲၤဆူညါကွ့ၢ်ကွ့ၢ်ဒီးလဲၤဝဲလိၤလိၤဆူကီၢ် လၢမုၢ်ထီၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:6

စီၤပၤဃၤနူၣ်ဒီးပှၤဧၣ်မိၣ်ဖိသ့ၣ်တဖၣ်သ့ၣ်ညါဝဲဒၣ်လၢအဒုး ကဲထီၣ်ဘၣ်တ့ၢ်စီၤဒၤဝံးလၢအဝဲသ့ၣ်အဒုၣ်အဒါ, အဃိအဝဲသ့ၣ်ဟ့ၣ်လီၤစ့အကံကၢ်တကထိလၢကဒိလဲပာ်, လ့ၣ်ကဟၣ်ဒီးပှၤဒိးကသ့ၣ်သုးဖိတဖၣ်လၢကီၢ်မ့းစပတၤမံအထးခီ ဒီးလၢကီၢ်စူၤရံအကီၢ်ဆၣ်တဖၣ်လၢအမ့ၢ်ဝဲမၤကၤဒီးစိဘၤန့ၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

လံာ်သိၣ်လီၤသီလီၤတၢ် 23:4

အဂ့ၢ်ဒ်အံၤ, ဖဲသုဟးထီၣ်လၢကီၢ်အဲၤကူပတူးအပူၤန့ၣ်, အဝဲသ့ၣ်ဂ့ၢ်လိာ်လၢကဟ့ၣ်သုတၢ်အီၣ်ဒီးထံလၢကျဲန့ၣ်လီၤ. ဒီးအဝဲသ့ၣ်ဒိးလဲစီၤဘဧိၢ်အဖိခွါစီၤဘံးလၣ်, လၢအမ့ၢ်ကီၢ်မ့းစပတၤမံ, ပှၤဝ့ၢ်ပသူၢ်ဖိတဂၤဒ်သိးကဆိၣ်အၢသု န့ၣ်လီၤ.