လံာ်တၢ်ကဲထီၣ်အခီၣ်ထံး 23:9 - Sgaw Karen Common Bible

⁹ လၢကဆါန့ၢ်ယၤမးကပ့လးအလၢၢ်ကအိလၢအအိၣ်ဘူးဒီးအပျီအကနူၤ ထံးတက့ၢ်. သံကွၢ်န့ၢ်ယၤလၢစ့ဒ်အပှ့ၤကြၢးအသိးလၢသုမဲာ်ညါဒ်သိးယကဒိး န့ၢ်ဘၣ်အီၤဒ်တၢ်ခူၣ်လီၤဘျၢလီၤအလီၢ်တတီၤအသိးန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 23:9 Iomraidhean Croise

လံာ်တၢ်ကဲထီၣ်အခီၣ်ထံး 23:10

စီၤဧ့ၤဖရိၣ်အနီၢ်ကစၢ်ဒၣ်ဝဲဆ့ၣ်နီၤဃုာ်ဒီးပှၤဃ့ၤသးဖိအဂၤ တဖၣ်ဖဲတၢ်အိၣ်ဖှိၣ်အလီၢ်လၢဝ့ၢ်အတြဲၤန့ၣ်လီၤ. အဝဲစံးဆၢတၢ်လၢကယဲၢ်ပှၤအိၣ်ဝဲဖဲန့ၣ်ခဲလၢာ်နၢ်ဟူဝဲသ့အ လီၢ်,

လံာ်တၢ်ကဲထီၣ်အခီၣ်ထံး 23:4

“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 23:8

ဒီးစံးဝဲဒၣ်, “သုမ့ၢ်သးအိၣ်လၢယကခူၣ်လီၤယမါဖဲအံၤဒီး ဝံသးစူၤသံကွၢ်စီၤစိၤဃၢ်အဖိခွါစီၤဧ့ၤဖရိၣ်,

လံာ်တၢ်ကဲထီၣ်အခီၣ်ထံး 25:10

ဒီးပျီအံၤမ့ၢ်တၢ်လီၢ်လၢစီၤအၤဘြၤဟၣ်ပှ့ၤတ့ၢ်လၢပှၤဃ့ၤသး ဖိအအိၣ်န့ၣ်လီၤ. စီၤအၤဘြၤဟၣ်ဒီးအမါနီၢ်စၤရါဘၣ်တၢ်ခူၣ်လီၤအီၤခံဂၤလိာ် ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 49:29

အန့ၣ်ဒီး, စီၤယၤကိာ်မၤလိာ်အဖိခွါတဖၣ်စံးဝဲ, အခဲအံၤမ့ၢ်လၢယကပာ်ဖှိၣ်ယသးဒီးယပှၤဂီၢ်မုၢ်လၢတၢ်သံဘူး ထီၣ်လံအဃိ, ခူၣ်လီၤကွံာ်ယၤဒီးယပၢ်တဖၣ်လၢလၢၢ်ကအိလၢအအိၣ်လၢပှၤဃ့ၤသး ဖိစီၤဧ့ၤဖရိၣ်အစံာ်ပျီပူၤ,

လံာ်တၢ်ကဲထီၣ်အခီၣ်ထံး 50:13

အဝဲသ့ၣ်လဲၤစိာ်အစိၣ်ဆူကီၢ်ကနၤဧၣ်ဒီးခူၣ်လီၤကွံာ်အီၤလၢ လၢၢ်ကအိပူၤလၢအအိၣ်လၢမးကပ့လၤ, လၢဝ့ၢ်မးမရ့အမုၢ်ထီၣ်စံာ်ပျီအပူၤန့ၣ်လီၤ. တၢ်လီၢ်န့ၣ်မ့ၢ်စံာ်ပျီလၢစီၤအၤဘြၤဟၣ်ပှ့ၤတ့ၢ်ဝဲလၢပှၤဃ့ၤ သးဖိစီၤဧ့ၤဖရိၣ်အအိၣ်ဒ်တၢ်ခူၣ်လီၤကွံာ်ပှၤသံအဟီၣ်ခိၣ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:22

စီၤဒၤဝံးစံးဘၣ်အီၤ, “ဆါန့ၢ်ယၤနကြဲၢ်တၢ်အလီၢ်ဒ်သိး ယကသူၣ်ထီၣ်တၢ်လုၢ်လီၢ်တခါလၢယွၤအဂီၢ်ကသ့ဝဲဒ်သိးကဆိကတီၢ်တၢ် သံသတြိာ်အဂီၢ်န့ၣ်တက့ၢ်. ယကဟ့ၣ်နၤလၢအပှ့ၤအလၢအပှဲၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:24

ဘၣ်ဆၣ်စီၤပၤစံးဆၢဝဲ, “တမ့ၢ်ဘၣ်. ယကဟ့ၣ်နၤအပှ့ၤအလၢအပှဲၤ န့ၣ်လီၤ. ယတဟ့ၣ်ဘၣ်တၢ်လၢအဘၣ်ဃးဒီးနၤ, တၢ်လၢယတဟ့ၣ်ဘၣ်အပှ့ၤနီတမံၤ, ဒ်တၢ်လုၢ်တမံၤအသိးဆူယွၤန့ၣ် ဘၣ်.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 13:8

သုတအိၣ်ဒီးဒ့ၣ်ကမၢ်လၢပှၤနီတဂၤတဂ့ၤ. မ့မ့ၢ်တၢ်လၢသုကဘၣ်မၤန့ၣ်အိၣ်ထဲတမံၤဧိၤဒီး အန့ၣ်မ့ၢ်သုကဘၣ်အဲၣ်လိာ်ကွံလိာ်သုသးတဂၤဒီး တဂၤန့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ် ဒိကနၣ်လံစီၤမိၤၡ့အတၢ်သိၣ်တၢ်သီလံ.