လံာ်တၢ်ကဲထီၣ်အခီၣ်ထံး 23:6 - Sgaw Karen Common Bible

⁶ ပပာ်ကဲနၤဒ်ခိၣ်နၢ်တဂၤလၢအစိဒိၣ်ကမီၤထီလီၤ. ခူၣ်လီၤနမါလၢတၢ်သွၣ်ခိၣ်အဂ့ၤကတၢၢ်လၢအအိၣ်ဒီးပှၤန့ၣ်တ က့ၢ်. ပဝဲဒၣ်အကျါတဂၤလၢ်လၢ်ကသးခုဟ့ၣ်နၤတၢ်သွၣ်ခိၣ်တခါလၢနခူၣ် လီၤအီၤကသ့အဂီၢ်လီၤ.”

လံာ်တၢ်ကဲထီၣ်အခီၣ်ထံး 23:6 Iomraidhean Croise

လံာ်တၢ်ကဲထီၣ်အခီၣ်ထံး 13:2

စီၤအၤဘြၣ်မ့ၢ်ပှၤထူးဝဲတီၤဝဲဒိၣ်မးလၢအအိၣ်ဒီးသိ, မဲာ်တဲးလဲးဒီးဂီၤဘုၣ်ဂီၤဖံးဒီးထူဧိၤလွဲဧိၤ, ကျိၣ်ဧိၤစ့ဧိၤသ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 14:14

ဒီးတုၤစီၤအၤဘြၣ်နၢ်ဟူဝဲလၢအဖိဒိၣ်ဘၣ်တၢ်ဖီၣ်န့ၢ်အီၤ န့ၣ်, အဝဲကိးထီၣ်ဝဲကယဲၢ်ပှၤဒုးတၢ်ဖိခဲလၢာ်လၢအတၢ်အိၣ်တၢ်ဆိး အလီၢ်အပူၤပှၤသၢကယၤတဆံဃိးဂၤဒီးလူၤဝဲစီၤပၤလွံၢ်ဂၤလၢ ကျဲဆူဝ့ၢ်ဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 18:12

ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 21:22

လၢအကတီၢ်ဖဲန့ၣ်စီၤအဘံၤမ့လ့းလဲၤတၢ်ဒီးအသုးမုၢ်အခိၣ်, စီၤဖံကိးလးဒီးစံးဘၣ်စီၤအၤဘြၤဟၣ်, “ကစၢ်ယွၤအိၣ်ဒီးနၤလၢကယဲၢ်တၢ်လၢနမၤအီၤကိးမံၤဒဲးအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 23:5

ဒီးအဝဲသ့ၣ်စံးဆၢဝဲ, “တၢ်ဒိၣ်ဧၢ, ကနၣ်ပှၤတက့ၢ်.

လံာ်တၢ်ကဲထီၣ်အခီၣ်ထံး 23:7

တုၤနုၤတစု, စီၤအၤဘြၤဟၣ်သကူးလီၤအသးလၢအဝဲသ့ၣ်အမဲာ်ညါ,

လံာ်တၢ်ကဲထီၣ်အခီၣ်ထံး 24:18

ဒီးနီၢ်ရံးဘကၤစံးဆၢအီၤ, “တၢ်ဒိၣ်ဧၢ, အီတက့ၢ်.” ဒီးပာ်လီၤဝဲအသပၢၤထံလၢအစုလိၤတဘျီဃီဒီးဒုးအီအီၤလီၤ.

လံာ်တၢ်ကဲထီၣ်အခီၣ်ထံး 24:35

ယွၤဆိၣ်ဂ့ၤယကစၢ်ဒိၣ်မးဒီးဒုးကဲထီၣ်အီၤလၢပှၤထူးပှၤတီၤ တဂၤန့ၣ်လီၤ. ယွၤဟ့ၣ်အီၤလၢသိ, မဲာ်တဲးလဲးဒီးဂီၤဘုၣ်ဂီၤဖံးအဖုအဂီၢ် တဖၣ်, စ့, ထူဒီးကုၢ်ပိာ်မုၣ်ကုၢ်ပိာ်ခွါတဖၣ်, ကီၤလၤအူးဒီးကသ့ၣ် ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:35

နီၢ်ရၤဃ့လးစံးဘၣ်အပၢ်, “တၢ်ဒိၣ်ဧၢ, တဘၣ်သးဒိၣ်တဂ့ၤ. မ့ၢ်လၢပိာ်မုၣ်အလုၢ်အလၢ်အိၣ်လၢယလိၤအဃိယတကြၢးဆၢထၢၣ်ဝဲလၢ နမဲာ်ညါဘၣ်.” စီၤလၤဘၣ်ဃုဝဲဘၣ်ဆၣ်ဒီးတထံၣ်န့ၢ်အကစၢ်တဖၣ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 32:18

နကဘၣ်စံးဆၢအီၤ, ‘တၢ်တဖၣ်န့ၣ်ဘၣ်ဃးဒီးနကုၢ်အပှၤစီၤယၤကိာ် န့ၣ်လီၤ. အဝဲဆှၢလီၤဝဲဒၣ်တၢ်တဖၣ်အံၤဒ်တၢ်ဟ့ၣ်ကနၢၤအသိးဆူ အကစၢ်စီၤဧ့ၡီၤအအိၣ်လီၤ. စီၤယၤကိာ်အနီၢ်ကစၢ်ဒၣ်ဝဲအိၣ်လၢပလီၢ်ခံလီၤ.’

လံာ်တၢ်ကဲထီၣ်အခီၣ်ထံး 42:10

အဝဲသ့ၣ်စံးဆၢဝဲ, “တမ့ၢ်ဘၣ်ကစၢ်ဧၢ, ပဟဲဃီၤဒ်နကုၢ်နပှၤတဖၣ်လၢပကပှ့ၤတၢ်အီၣ်တၢ်အီအဂီၢ်လီၤ.

လံာ်တၢ်ကဲထီၣ်အခီၣ်ထံး 44:5

ဘၣ်မနုၤအဟုၣ်န့ၢ်နကစၢ်အလီခီစ့န့ၣ်လဲၣ်. တၢ်န့ၣ်မ့ၢ်လီခီတဖျၢၣ်လၢအဝဲအီတၢ်လၢအပူၤ, လီခီတဖျၢၣ်လၢသူဝဲလၢကဖးတၢ်ခူသူၣ်အဂီၢ်န့ၣ်လီၤ. အဝဲသ့ၣ်မၤကမၣ်တ့ၢ်တၢ်ကမၣ်ဖးဒိၣ်တမံၤလီၤ.”

လံာ်တၢ်ကဲထီၣ်အခီၣ်ထံး 44:8

နသ့ၣ်ညါလၢပဟဲက့ၤစိာ်ကဒါက့ၤစ့လၢကီၢ်ကနၤဧၣ်, လၢပထံၣ်ဘၣ်လၢပထၢၣ်တဖၣ်အခိၣ်ထိးဆူနအိၣ်န့ၣ်လီၤ. လၢတၢ်န့ၣ်အဃိ, ပကဘၣ်ဟုၣ်န့ၢ်စ့မ့ၢ်ဂ့ၤ, ထူမ့ၢ်ဂ့ၤလၢနကစၢ်အဟံၣ်န့ၣ်ဘၣ်မနုၤလဲၣ်.

လံာ်တၢ်ဟးထီၣ်ကွံာ် 32:22

စီၤအၤဟရိၣ်စံးဆၢဝဲ, “သးဒိၣ်တၢ်တဂ့ၤ, နသ့ၣ်ညါနဲလၢပှၤဂီၢ်မုၢ်အံၤပာ်လီၤအသးကျၢၤမုဆှ လၢကမၤတၢ်အၢဒ်လဲၣ်န့ၣ်လီၤ.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”