လံာ်တၢ်ကဲထီၣ်အခီၣ်ထံး 23:4 - Sgaw Karen Common Bible

⁴ “ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 23:4 Iomraidhean Croise

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 23:5

ဒီးအဝဲသ့ၣ်စံးဆၢဝဲ, “တၢ်ဒိၣ်ဧၢ, ကနၣ်ပှၤတက့ၢ်.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 47:9

စီၤယၤကိာ်စံးဆၢဝဲ, “ယတၢ်ဟးဝ့ၤဝီၤအတၢ်အိၣ်မူယံာ်ဝဲ အနံၣ်တကယၤသၢဆံလီၤ. ဒီးနံၣ်ဧိၤလါဧိၤတဖၣ်အံၤတဒ်သိးဘၣ် ယမိၢ်ပၢ်ဖံဖုလၢပျၢၤအတၢ်ဟးဝ့ၤဝီၤလၢအါနံၣ်အါလါအပူၤ ဘၣ်. စှၤဝဲဒီးကီခဲဒိၣ်မးလီၤ.”

လံာ်တၢ်ကဲထီၣ်အခီၣ်ထံး 49:30

ဖဲမးကပ့လၤ, လၢဝ့ၢ်မးမရ့အမုၢ်ထီၣ်လၢကီၢ်ကနၤဧၣ်အပူၤန့ၣ် တက့ၢ်. စီၤအၤဘြၤဟၣ်ပှ့ၤတ့ၢ်လၢၢ်ကအိဒီးစံာ်ပျီအံၤလၢစီၤဧ့ၤ ဖရိၣ်အအိၣ်ဒ်တၢ်ခူၣ်လီၤပှၤသံအလီၢ်တပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:13

အဝဲသ့ၣ်လဲၤစိာ်အစိၣ်ဆူကီၢ်ကနၤဧၣ်ဒီးခူၣ်လီၤကွံာ်အီၤလၢ လၢၢ်ကအိပူၤလၢအအိၣ်လၢမးကပ့လၤ, လၢဝ့ၢ်မးမရ့အမုၢ်ထီၣ်စံာ်ပျီအပူၤန့ၣ်လီၤ. တၢ်လီၢ်န့ၣ်မ့ၢ်စံာ်ပျီလၢစီၤအၤဘြၤဟၣ်ပှ့ၤတ့ၢ်ဝဲလၢပှၤဃ့ၤ သးဖိစီၤဧ့ၤဖရိၣ်အအိၣ်ဒ်တၢ်ခူၣ်လီၤကွံာ်ပှၤသံအဟီၣ်ခိၣ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

လံာ်စီၤယိၤဘး 30:23

ယသ့ၣ်ညါလၢနကစိာ်လီၤယၤဆူတၢ်သံဒီးဆူတၢ်လီၢ်လၢ အဘၣ်တၢ်တိာ်ပာ်အီၤလၢ ပှၤကိးဂၤဒဲးအဂီၢ်န့ၣ်လီၤ.

စံးထီၣ်ပတြၢၤ 119:19

ယမ့ၢ်ဒၣ်ပှၤသမှံၤလၢဟီၣ်ခိၣ်ချၢအံၤလီၤ. သုတပာ်ခူသူၣ်နတၢ်မၤလိာ်တဖၣ်လၢယၤတဂ့ၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 2:22

ဒီးနီၢ်စံးဖိရၤန့ၣ်ဆံးစၢ်န့ၢ်အဖိခွါတဂၤလၢစီၤမိၤၡ့အဂီၢ်, ဒီးယုၢ်ဝဲအမံၤလၢစီၤက့ရၡိၣ်လီၤ. အဂ့ၢ်ဒ်အံၤ, စီၤမိၤၡ့စံးဝဲဒၣ် ယမ့ၢ်တ့ၢ်ပှၤတမှံၤလၢတခီဘီမုၢ်အပူၤလီၤ.”

လံာ်ပှၤစံၣ်တဲၤတဲလီၤတၢ် 12:5

နကပျံၤတၢ်လီၢ်ထီၣ်ထီတဖၣ်ဒီးတၢ်ဟးလိာ်ကွဲကမ့ၢ်တၢ်လီၤဘၣ်ယိၣ်, နခိၣ်သူကဝါထီၣ်, နတွံၢ်ထီၣ်တွံၢ်လီၤနသးဒၣ်လဲာ်ကကီလၢနဂီၢ်, ဒီးနတၢ်သူၣ်လီသးကွံကလီၤမၢ်ကွံာ်ခဲလၢာ်လီၤ. ပလဲၤတၢ်ပတၢ်အိၣ်ဘှံးအလီၢ်လၢခံကတၢၢ်ဒီး, အန့ၣ်ဝံၤတၢ်ဟီၣ်တၢ်ယၢၤကအိၣ်လၢကျဲတဖၣ်အပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

မၤတၢ် 7:5

ဖဲန့ၣ်အကတီၢ်, ကစၢ်ယွၤတဟ့ၣ်အီၤဟီၣ်ခိၣ်နီတက့လၢကကဲအတၢ် ဒၣ်ဝဲန့ၣ်ဘၣ်. ထဲတပျၢ်ဧိၤဒၣ်လဲာ်တဟ့ၣ်ဝဲဘၣ်. ဘၣ်ဆၣ်, ကစၢ်ယွၤအၢၣ်လီၤအီလီၤဝဲလၢအကဟ့ၣ်အီၤဟီၣ်ခိၣ်အံၤ လၢအကကဲထီၣ်အတၢ်ဒၣ်ဝဲဒီးအစၢၤအသွဲၣ်တဖၣ်အတၢ် န့ၣ်လီၤ. ဖဲကစၢ်ယွၤမၤတၢ်အၢၣ်လီၤအီလီၤတမံၤအံၤ အကတီၢ်န့ၣ်, စီၤအၤဘြၤဟၣ်အဖိအလံၤတအိၣ်နီတဂၤဘၣ်.

ဧ့ၤဘြံၤ 11:9

လၢတၢ်စူၢ်တၢ်နာ်န့ၣ်, စီၤအၤဘြၤဟၣ်အိၣ်ဝဲဆိးဝဲလၢကီၢ် တၢ်စံးပာ်တဘ့ၣ်အပူၤဒ်ပှၤသမှံၤတဂၤအသိး ဒီးအိၣ်ဝဲဆိးဝဲလၢဒဲအပူၤဒ်စီၤအံၤစဲးဒီးစီၤယၤကိာ်, ပှၤလၢအကန့ၢ်သါဃုာ်တၢ်စံးပာ်တမံၤဃီဒီးအီၤတဖၣ် အသိးန့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.