လံာ်တၢ်ကဲထီၣ်အခီၣ်ထံး 23:17 - Sgaw Karen Common Bible

¹⁷ တၢ်န့ၣ်မ့ၢ်တၢ်စုလီၢ်ခီၣ်ခိၣ်လၢအဘၣ်ထွဲတ့ၢ်ဒီးစီၤဧ့ၤဖရိၣ် ဖဲမးကပ့လးလၢဝ့ၢ်မးမရ့အမုၢ်ထီၣ်ကဲထီၣ်က့ၤစီၤအၤဘြၤဟၣ် အတၢ်ဒ်လဲၣ်န့ၣ်လီၤ. တၢ်လီၢ်အံၤအိၣ်ဒီးပျီ, လၢၢ်ကအိလၢအပူၤ, ဒီးကယဲၢ်သ့ၣ်ခဲလၢာ်လၢအအိၣ်လၢပျီပူၤတုၤဃီၤဆူတၢ်စုလီၢ် ခီၣ်ခိၣ်အကနူၤထံးတၢ်လီၢ်အခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 23:17 Iomraidhean Croise

လံာ်တၢ်ကဲထီၣ်အခီၣ်ထံး 23:20

လၢတၢ်န့ၣ်အဃိပျီလၢအမ့ၢ်တ့ၢ်ပှၤဃ့ၤသးဖိအတၢ်ဒီးလၢၢ်ကအိ လၢအအိၣ်လၢအပူၤန့ၣ်ကဲထီၣ်စီၤအၤဘြၤဟၣ်အတၢ်စုလီၢ်ခီၣ်ခိၣ် လၢတၢ်ခူၣ်လီၤဘျၢလီၤတၢ်အလီၢ်တတီၤအဂီၢ်လီၤ.

လံာ်တၢ်ကဲထီၣ်အခီၣ်ထံး 25:10

ဒီးပျီအံၤမ့ၢ်တၢ်လီၢ်လၢစီၤအၤဘြၤဟၣ်ပှ့ၤတ့ၢ်လၢပှၤဃ့ၤသး ဖိအအိၣ်န့ၣ်လီၤ. စီၤအၤဘြၤဟၣ်ဒီးအမါနီၢ်စၤရါဘၣ်တၢ်ခူၣ်လီၤအီၤခံဂၤလိာ် ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 25:9

အဖိခွါတဖၣ်လၢအမ့ၢ်ဝဲစီၤအံၤစဲးဒီးစီၤယံးၡမၤဧ့လးခူၣ် လီၤဘျၢလီၤအီၤလၢလၢၢ်ကအိမးကပ့လၤလၢအဘၣ်ဃးဒီးပှၤဃ့ၤသး ဖိစီၤစိၤဃၢ်အဖိခွါစီၤဧ့ၤဖရိၣ်, လၢအအိၣ်ဖဲ မးမရ့အမုၢ်ထီၣ်ပျီပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 47:30

ယအဲၣ်ဒိးလၢယကဘၣ်တၢ်ခူၣ်လီၤယၤဖဲယပၢ်တဖၣ်ဘၣ်တၢ်ခူၣ်လီၤကွံာ် အီၤအလီၢ်န့ၣ်လီၤ. စိာ်ထီၣ်ကွံာ်ယၤလၢကီၢ်အဲၤကူပတူးအပူၤ, ဒီးခူၣ်လီၤယၤဖဲအဝဲသ့ၣ်ဘၣ်တၢ်ခူၣ်လီၤတ့ၢ်အီၤအလီၢ်န့ၣ်တက့ၢ်.” စီၤယိၤသးစံးဆၢဝဲ, “ယကမၤဒ်နစံးဘၣ်ယၤအသိးလီၤ.”

လံာ်တၢ်ကဲထီၣ်အခီၣ်ထံး 50:13

အဝဲသ့ၣ်လဲၤစိာ်အစိၣ်ဆူကီၢ်ကနၤဧၣ်ဒီးခူၣ်လီၤကွံာ်အီၤလၢ လၢၢ်ကအိပူၤလၢအအိၣ်လၢမးကပ့လၤ, လၢဝ့ၢ်မးမရ့အမုၢ်ထီၣ်စံာ်ပျီအပူၤန့ၣ်လီၤ. တၢ်လီၢ်န့ၣ်မ့ၢ်စံာ်ပျီလၢစီၤအၤဘြၤဟၣ်ပှ့ၤတ့ၢ်ဝဲလၢပှၤဃ့ၤ သးဖိစီၤဧ့ၤဖရိၣ်အအိၣ်ဒ်တၢ်ခူၣ်လီၤကွံာ်ပှၤသံအဟီၣ်ခိၣ်န့ၣ် လီၤ.

လံာ်စီၤယိၤဘး 38:20

နဒုးနဲၣ်အဝဲသ့ၣ်လၢကဘၣ်လဲၤဆံးယံၤမ့ၢ်ဂ့ၤ, ဆှၢကဒါက့ၤ အဝဲကဒီးအီၤမ့ၢ်ဂ့ၤသ့ဧါ.

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.