လံာ်တၢ်ကဲထီၣ်အခီၣ်ထံး 23:16 - Sgaw Karen Common Bible

¹⁶ စီၤအၤဘြၤဟၣ်ဘၣ်သူၣ်ဘၣ်သးဒီးစီၤဝဲစ့ညၣ်အတယၢၢ်လၢစီၤဧ့ၤဖရိၣ် ယၢၤထီၣ်တ့ၢ်ဝဲဒ်ပှၤဂီၢ်မုၢ်နၢ်ဟူတ့ၢ်, စ့ညၣ်နီၢ်နီၢ်လွံၢ်ကယၤဒ်ပှၤကူၣ်တၢ်ကၤတၢ်တဖၣ်ပာ်ဝဲနီၣ်ထိၣ် နီၣ်တယၢၢ်အတီၤလၢအဝဲသ့ၣ်သူဝဲဒၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 23:16 Iomraidhean Croise

လံာ်တၢ်ကဲထီၣ်အခီၣ်ထံး 43:21

ဖဲပက့ၤဆူဟံၣ်လၢကျဲ, ဖဲပသူၣ်ဒဲအိၣ်ဘှံးအလီၢ်န့ၣ်ပအိးထီၣ် ပထၢၣ်တဖၣ်, ဒီးပဝဲတဂၤဘၣ်တဂၤစုာ်စုာ်ပထံၣ်ပစ့ကိးဘ့ၣ်ဒဲးလၢပထၢၣ်အခိၣ် ထိးန့ၣ်လီၤ. ဒီးပဟဲစိာ်ကဒါက့ၤစ့အံၤဆူနအိၣ်လီၤ.

လံာ်တၢ်ကဲထီၣ်အခီၣ်ထံး 49:29

အန့ၣ်ဒီး, စီၤယၤကိာ်မၤလိာ်အဖိခွါတဖၣ်စံးဝဲ, အခဲအံၤမ့ၢ်လၢယကပာ်ဖှိၣ်ယသးဒီးယပှၤဂီၢ်မုၢ်လၢတၢ်သံဘူး ထီၣ်လံအဃိ, ခူၣ်လီၤကွံာ်ယၤဒီးယပၢ်တဖၣ်လၢလၢၢ်ကအိလၢအအိၣ်လၢပှၤဃ့ၤသး ဖိစီၤဧ့ၤဖရိၣ်အစံာ်ပျီပူၤ,

လံာ်တၢ်ကဲထီၣ်အခီၣ်ထံး 50:13

အဝဲသ့ၣ်လဲၤစိာ်အစိၣ်ဆူကီၢ်ကနၤဧၣ်ဒီးခူၣ်လီၤကွံာ်အီၤလၢ လၢၢ်ကအိပူၤလၢအအိၣ်လၢမးကပ့လၤ, လၢဝ့ၢ်မးမရ့အမုၢ်ထီၣ်စံာ်ပျီအပူၤန့ၣ်လီၤ. တၢ်လီၢ်န့ၣ်မ့ၢ်စံာ်ပျီလၢစီၤအၤဘြၤဟၣ်ပှ့ၤတ့ၢ်ဝဲလၢပှၤဃ့ၤ သးဖိစီၤဧ့ၤဖရိၣ်အအိၣ်ဒ်တၢ်ခူၣ်လီၤကွံာ်ပှၤသံအဟီၣ်ခိၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:26

အဝဲအခိၣ်သူတီၣ်မး, ဒီးအဝဲဘၣ်တံာ်ကွံာ်ဝဲတနံၣ်တဘျီ ဖဲအထီထီၣ်ဒီးဃၢထီၣ်ဝဲဒိၣ်မးအခါန့ၣ်လီၤ. အဃၢလီၤတယၢၢ်ဝဲခံၡက့လးခံကယၤ, ဒ်စီၤလိၣ်စီၤပၤအစီၤ ပီၢ်သၣ်အနီၣ်ထိၣ်အိၣ်ဝဲအသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:24

ဘၣ်ဆၣ်ဒီးစီၤပၤစံးဆၢဝဲဒၣ်, “တမ့ၢ်ဘၣ်. ယကဟ့ၣ်နၤတၢ်အပှ့ၤလၢတၢ်န့ၣ်အဂီၢ်လီၤ. တၢ်လုၢ်တၢ်ပာ်တဖၣ်လၢ ယတဟ့ၣ်ဘၣ်အပှ့ၤနီတမံၤန့ၣ်ယတလုၢ်ထီၣ်ဘၣ်အီၤဆူယွၤ, ယကစၢ်ယွၤအအိၣ်ဘၣ်.” ဒီးအဝဲပှ့ၤန့ၢ်ကြဲၢ်ဒီးဂီၤဖံးဖါတဖၣ်န့ၣ် လၢစ့ညၣ်အဘ့ၣ်ယဲၢ်ဆံလီၤ.

လံာ်စီၤယိၤဘး 28:15

တၢ်ပှ့ၤအီၤလၢထူဧိၤ, စ့ဧိၤတန့ၢ်ဘၣ်.

လံာ်တၢ်ဟးထီၣ်ကွံာ် 30:13

ပှၤကိးဂၤဒဲးလၢဘၣ်တၢ်ဂံၢ်ဃုာ်အီၤလၢတၢ်ထၢဖှိၣ်နီၣ်ဂံၢ်အတၢ် ကွဲးနီၣ်အပူၤန့ၣ်ကဘၣ်ဟ့ၣ်စ့ဒ်တၢ်လီၤဘၣ်အီၤအသိးဒ်တၢ်လုၢ် ဟံၣ်အခိၣ်အနၢ်တဖၣ်ပာ်လီၤဝဲအနီၣ်ထိၣ်အသိးန့ၣ်လီၤ. ပှၤကိးဂၤဒဲးကဘၣ်ဟ့ၣ်စ့အဝဲအံၤဒ်တၢ်လုၢ်မၤဘူၣ်ဆူယအိၣ်န့ၣ်လီၤ.

လံာ်ယံးရမံယၤ 32:10

ယဆဲးလီၤယမံၤ, ဒီးစဲဃာ်ပနီၣ်လံာ်ဃံၤဃာ်လၢပှၤအုၣ်အသး အမဲာ်ညါဒီး စီၤထီၣ်စ့လၢ စီၢ်ပီၢ်ပူၤန့ၣ်လီၤ.

လံာ်ယံးရမံယၤ 32:9

ယပှ့ၤစံာ်ပျီန့ၣ်လၢ စီၤဃနၤန့လးအအိၣ်ဒီးယစီၤန့ၢ်အီၤ စ့လၢအဂီၢ်, အပှ့ၤလီၤတဲာ်ဝဲစ့ ၡကလးတဆံနွံဘ့ၣ်န့ၣ်လီၤ.

လံာ်ယဃ့းစက့လး 45:12

နစီၤပီၢ်သၣ်တဖၣ်ကဘၣ်မ့ၢ်ဒ်အဖီလာ်အသိးန့ၣ်လီၤ. ခံဆံက့ရၤ ပှဲၤသိးဒီးတၡက့လး, ဃုဆံၡက့လးပှဲၤသိးဒီးတမၤနၤန့ၣ်လီၤ.

လံာ်စကၤရယၤ 11:12

ယစံးဘၣ်အဝဲသ့ၣ်, “သုသးမ့ၢ်အိၣ်ဒီးဟ့ၣ်ယၤယဘူးယလဲတက့ၢ်. ဘၣ်ဆၣ်သုသးမ့ၢ်တအိၣ်န့ၣ်, တဘၣ်ဟ့ၣ်ယၤတဂ့ၤ.” လၢတၢ်န့ၣ်အဃိအဝဲသ့ၣ်ဟ့ၣ်ယၤလၢစ့အဘ့ၣ်သၢဆံဒ်ယဘူးယလဲအသိး န့ၣ်လီၤ.

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

မၤတၢ် 7:16

အဝဲသ့ၣ်အစိၣ်တဖၣ်န့ၣ်ဘၣ်တၢ်က့ၤစိာ်အီၤဆူဝ့ၢ်ၡက့ၣ်, ဒီးဘၣ်တၢ်ခူၣ်လီၤအီၤလၢတၢ်သွၣ်ခိၣ်အပူၤ, လၢစီၤအၤဘြၤဟၣ်ပှ့ၤန့ၢ်တ့ၢ်လၢစ့နီၢ်လၢစီၤဃမိၢ်အဒူၣ်ဖိ ထၢဖိတဖၣ်အအိၣ်န့ၣ်လီၤ.

ရိမ့ၤ 13:8

သုတအိၣ်ဒီးဒ့ၣ်ကမၢ်လၢပှၤနီတဂၤတဂ့ၤ. မ့မ့ၢ်တၢ်လၢသုကဘၣ်မၤန့ၣ်အိၣ်ထဲတမံၤဧိၤဒီး အန့ၣ်မ့ၢ်သုကဘၣ်အဲၣ်လိာ်ကွံလိာ်သုသးတဂၤဒီး တဂၤန့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ် ဒိကနၣ်လံစီၤမိၤၡ့အတၢ်သိၣ်တၢ်သီလံ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.