လံာ်တၢ်ကဲထီၣ်အခီၣ်ထံး 23:11 - Sgaw Karen Common Bible

¹¹ “တၢ်ဒိၣ်ဧၢ, ဒိကနၣ်တက့ၢ်. ယကဟ့ၣ်နၤပျီဒီဘ့ၣ်ညါန့ၣ်, ဒီးလၢၢ်ကအိလၢအအိၣ်ဝဲလၢအပူၤန့ၣ်လီၤ. ဖဲအံၤ, လၢယပှၤဂီၢ်မုၢ်ဒၣ်ယဲအမဲာ်ညါန့ၣ်, ယကဟ့ၣ်လီၤနၤတၢ်အံၤဒ်သိးနခူၣ်လီၤဘျၢလီၤနမါကသ့ အဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 23:11 Iomraidhean Croise

လံာ်တၢ်ကဲထီၣ်အခီၣ်ထံး 23:12

ဘၣ်ဆၣ်ဒီး, စီၤအၤဘြၤဟၣ်သကူးလီၤအသးလၢပှၤဃ့ၤသးဖိ တဖၣ်အမဲာ်ညါ,

လံာ်တၢ်ကဲထီၣ်အခီၣ်ထံး 23:18

တၢ်အံၤ, ဘၣ်တၢ်သ့ၣ်ညါကွၢ်နီၣ်အီၤဒ်စီၤအၤဘြၤဟၣ်အတၢ်စုလီၢ် ခီၣ်ခိၣ်အသိးလၢကယဲၢ်ပှၤဃ့ၤသးဖိတဖၣ်လၢအအိၣ်ဖဲ တၢ်အိၣ်ဖှိၣ်အကတီၢ်ဖဲန့ၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 23:6

ပပာ်ကဲနၤဒ်ခိၣ်နၢ်တဂၤလၢအစိဒိၣ်ကမီၤထီလီၤ. ခူၣ်လီၤနမါလၢတၢ်သွၣ်ခိၣ်အဂ့ၤကတၢၢ်လၢအအိၣ်ဒီးပှၤန့ၣ်တ က့ၢ်. ပဝဲဒၣ်အကျါတဂၤလၢ်လၢ်ကသးခုဟ့ၣ်နၤတၢ်သွၣ်ခိၣ်တခါလၢနခူၣ် လီၤအီၤကသ့အဂီၢ်လီၤ.”

လံာ်ယၡါယၤ 32:8

မ့မ့ၢ်, ပှၤလၢအအိၣ်ဒီးအလၤကပီၤတဂၤမၤတၢ်တီတီလိၤလိၤ ဒီးဆၢထၢၣ်ဂၢၢ်ကျၢၤလၢတၢ်အမ့ၢ်အတီအဂီၢ်န့ၣ်လီၤ.

လံာ်တၢ်ဂံၢ် 35:30

ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်လူၤကၣ် 19:24

တုၤနုၤတစုအဝဲဒၣ်စံးဘၣ်ပှၤလၢအအိၣ်ဆၢထၢၣ်ဖဲန့ၣ်တဖၣ်, ‘ဟံးန့ၢ်ကွံာ်ထူတဘ့ၣ်လၢအဝဲဒၣ်အအိၣ်ဒီးဟ့ၣ်လီၤအီၤဆူ တၢ်ခ့တၢ်ပှၤလၢအအိၣ်ဒီးထူအဘ့ၣ်တဆံန့ၣ်တက့ၢ်.’

လံာ်သိၣ်လီၤသီလီၤတၢ် 17:6

မ့ၢ်နာ်သက့ဒီးအဝဲကဘၣ်တၢ်မၤသံဒၣ်အီၤဖဲပှၤအုၣ်အသးအိၣ်ဝဲ ခံဂၤမ့တမ့ၢ်အါန့ၢ်ခံဂၤလၢအအုၣ်အသးထီဒါအီၤန့ၣ်လီၤ. ပှၤအုၣ်အသးမ့ၢ်အိၣ်ဒၣ်ထဲတဂၤဧိၤန့ၣ်တၢ်တဘၣ်ကွံာ်သံအီၤဘၣ်.

လံာ်သိၣ်လီၤသီလီၤတၢ် 19:15

လၢတၢ်ကစံၣ်ညီၣ်ပှၤတဂၤအတၢ်မၤကမၣ်တမံၤအဂီၢ်န့ၣ်, ပှၤအုၣ်အသးတဂၤတမ့ၢ်တၢ်လၢတၢ်ပှဲၤဘၣ်. အစှၤကတၢၢ်ပှၤအုၣ်အသးကဘၣ်အိၣ်ခံဂၤလၢကအုၣ်အသးလၢ ပှၤတဂၤန့ၣ်အတၢ်ကမၣ်အိၣ်ဝဲအဂ့ၢ်န့ၣ်လီၤ.

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.

လံာ်နီၢ်ရူၤသး 4:4

ဒီးယဆိကမိၣ်လၢနကြၢးသ့ၣ်ညါတၢ်ဂ့ၢ်အံၤလီၤ. ခဲကနံၣ်အံၤနမ့ၢ်သးလီတၢ်လီၢ်အံၤန့ၣ်ဒီး, ပှ့ၤအီၤလၢပှၤလၢအဆ့ၣ်နီၤဖဲအံၤတဖၣ်အမဲာ်ညါန့ၣ်တက့ၢ်. နမ့ၢ်တသးလီဘၣ်န့ၣ်ဒီးစံးဘၣ်ယၤတက့ၢ်. အဂ့ၢ်ဒ်အံၤ, နမ့ၢ်ပှၤလၢအကြၢးဒိးန့ၢ်ဘၣ်တၢ်အဆိကတၢၢ်တဂၤ, ဒီးယဲယမ့ၢ်ဒၣ်ပှၤခံဂၤတဂၤန့ၣ်လီၤ.” ဒီးပှၤတဂၤန့ၣ်စံး, “ယကပှ့ၤက့ၤအီၤလီၤ.”

လံာ်နီၢ်ရူၤသး 4:9

အန့ၣ်ဝံၤဒီးစီၤဘိၤဧးတဲဘၣ်ပှၤအခိၣ်အနၢ်တဖၣ်ဒီးပှၤအဂၤလၢ အအိၣ်ဖဲန့ၣ်ခဲလၢာ်ဒီးစံးဝဲ, “သုမ့ၢ်ပှၤအုၣ်အသးတဖၣ်လၢမုၢ်တနံၤအံၤလၢယမ့ၢ်တ့ၢ်လံပှၤ ပှ့ၤက့ၤကယဲၢ်တၢ်ဘၣ်ဃးဒီးစီၤအလံၤမ့လ့း, စီၤကံးလယိၣ်ဒီးစီၤမၤဃလိၣ်လၢနီၢ်နၤဧမံအစုပူၤန့ၣ်လီၤ.