လံာ်တၢ်ကဲထီၣ်အခီၣ်ထံး 22:9 - Sgaw Karen Common Bible

⁹ အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.

လံာ်တၢ်ကဲထီၣ်အခီၣ်ထံး 22:9 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 12:8

အန့ၣ်ဝံၤဒီး, အဝဲသုးအလီၢ်ဆူကလံၤထံးခိခိၣ်ကစၢၢ်ကလိ လၢဝ့ၢ်ဘ့ၤသ့လးအမုၢ်ထီၣ်န့ၣ်လီၤ. ဒီးသူၣ်လီၤအဒဲလၢတၢ်ဘၢၣ်စၢၤဖဲမုၢ်နုာ်တခီဝ့ၢ်ဘ့ၤသ့လး အိၣ်ဝဲဒီးမုၢ်ထီၣ်တခီဝ့ၢ်ဂဲအိၣ်ဝဲဒၣ်န့ၣ်လီၤ. ဖဲန့ၣ်စ့ၢ်ကီးအဝဲသူၣ်ထီၣ်တၢ်လုၢ်လီၢ်တတီၤဒီးဘူၣ်ထီၣ်ဘါထီၣ်ယွၤန့ၣ်လီၤ.

လံာ်တၢ်ကဲထီၣ်အခီၣ်ထံး 13:18

မၤသးဒ်န့ၣ်ဒီး, စီၤအၤဘြၣ်သုးအဒဲဒီးသူၣ်လီၤအတၢ်အိၣ်တၢ် ဆိးအလီၢ်ဘူးဒီးမးမရ့အသ့ၣ်စီဆှံတဖၣ်လၢအအိၣ်ဖဲဝ့ၢ်ဃ့ ဘြိၣ်န့ၣ်လီၤ. ဒီးမၤထီၣ်ဝဲတၢ်လုၢ်လီၢ်တခါလၢယွၤအဂီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 22:10

အန့ၣ်ဝံၤဒီးအဝဲဟံးထီၣ်ဒီန့ၣ်ဒ်သိးအကမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 22:8

စီၤအၤဘြၤဟၣ်စံးဆၢဝဲ, “ကစၢ်ယွၤအနီၢ်ကစၢ်ဒၣ်ဝဲ ကဟ့ၣ်လီၤသိဖိတဒုန့ၣ်လီၤ.” ဒီးအဝဲသ့ၣ်ခံဂၤလဲၤသကိးတၢ်ဆူညါလီၤ.

လံာ်တၢ်ကဲထီၣ်အခီၣ်ထံး 8:20

ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်စီၤပၤအခီၣ်ထံးတဘ့ၣ် 18:33

အန့ၣ်ဒီး, အဝဲပာ်လီၤသ့ၣ်မုၣ်လၢတၢ်လုၢ်လီၢ်အဖီခိၣ်, ဒီၣ်တဲာ်ဂီၤဖံးဖါတကူာ်တကူာ်, ဒီးပာ်ထီၣ်ဝဲလၢသ့ၣ်မုၣ်အဖီ ခိၣ်န့ၣ်လီၤ. အဝဲစံးဝဲ, “မၤပှဲၤထံကိလွံၢ်ကိလၢတၢ်လုၢ် မ့ၣ်အူဒီးသ့ၣ်မုၣ်အဖီခိၣ်န့ၣ်တက့ၢ်.” အဝဲသ့ၣ်မၤဒ်န့ၣ်,

စံးထီၣ်ပတြၢၤ 118:27

ယွၤမ့ၢ်ကစၢ်ယွၤလီၤ. အဝဲမ့ၢ်တၢ်ဂ့ၤလၢပဂီၢ်လီၤ. စးထီၣ်တၢ်သးခုအဘူၣ်လၢသုစုပူၤ, ဒီးလဲၤတရံးတၢ်လုၢ်လီၢ်န့ၣ်တက့ၢ်.

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

မၤတၢ် 8:32

တၢ်ကွဲးအသးတတီၤလၢအဝဲဒၣ်ဖးဝဲန့ၣ်မ့ၢ်အအံၤ, “ဒ်သိတဒုလၢတၢ်မိၤထီၣ်အီၤလၢ တၢ်ကမၤသံအီၤအဂီၢ်အသိး, ဒ်သိဆံးဖိတဒုဖဲတၢ်တံာ်အဆူၣ်အကတီၢ်န့ၣ် တမၤသီၣ်ဘၣ်အကလုၢ်အသိး, အဝဲဒၣ်တအဲးထီၣ်အထးခိၣ်ဘၣ်.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

ယၤကိာ် 2:21

ပပၢ်လၢပျၢၤစီၤအၤဘြၤဟၣ်ဘၣ်တၢ်ပာ်တီပာ်လိၤအီၤလၢ ကျဲဒ်လဲၣ်. မ့ၢ်ဒၣ်ခီဖျိအတၢ်မၤ, ဖဲအဝဲလုၢ်ထီၣ်အဖိခွါစီၤအံၤစဲးလၢတၢ်လုၢ်လီၢ်အဖီခိၣ် အခါန့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).