လံာ်တၢ်ကဲထီၣ်အခီၣ်ထံး 22:6 - Sgaw Karen Common Bible

⁶ စီၤအၤဘြၤဟၣ်ပာ်ထီၣ်သ့ၣ်မုၣ်လၢတၢ်လုၢ်တၢ်ပာ်အဂီၢ်န့ၣ်လၢစီၤ အံၤစဲးအလိၤဒီးအနီၢ်ကစၢ်ဒၣ်ဝဲစိာ်ဒီတဘ့ၣ်ဒီးမ့ၣ်အူအ့ၣ် လၢကစးထီၣ်မ့ၣ်အူအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:6 Iomraidhean Croise

လံာ်တၢ်ကဲထီၣ်အခီၣ်ထံး 22:5

တုၤနုၤတစုစီၤအၤဘြၤဟၣ်စံးဘၣ်အခ့အပှၤတဖၣ်န့ၣ်, “အိၣ်သုဝဲဖဲအံၤဃုာ်ဒီးကသ့ၣ်ယီၤတက့ၢ်. ဖိသၣ်ပိာ်ခွါဒီးယဲဒၣ်အံၤပကလဲၤဆူန့ၣ်, ဖဲန့ၣ်ဒီးဘူၣ်တၢ်ဘါတၢ်ဝံၤဒီးပကဟဲက့ၤဆူသုအိၣ်လီၤ.”

လံာ်စီၤပၤခံဘ့ၣ်တဘ့ၣ် 2:6

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်, ယွၤမၤလိာ်တ့ၢ်ယၤလၢယကဘၣ် လဲၤဆူထံကျိယၢ်ဒ့ၣ်န့ၣ်လီၤ.” ဘၣ်ဆၣ်စီၤအလံၤၡါစံးဆၢအီၤ, “လၢယတၢ်သးတီအပူၤယဆိၣ်တၢ် ဒီးယွၤလၢအမူဝဲတဂၤဒီးနၤလၢယတဟးဖးဒီးနၤန့ၣ်ဘၣ်.” လၢတၢ်န့ၣ်အဃိအဝဲသ့ၣ်လဲၤတၢ်ဆူညါ,

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်မးသဲ 8:17

တၢ်အံၤယ့ၣ်ၡူးမၤဝဲဒ်သိးတၢ်လၢဝံယၡါယၤစံးတ့ၢ်ဝဲ, “အဝဲဟံးထီၣ်ကွံာ်ပတၢ်ဆိးက့မံနီၤတဖၣ်ဒီးစိာ်ထီၣ်ကွံာ် ပတၢ်ဆူးတၢ်ဆါတဖၣ်” ကလၢထီၣ်ပှဲၤထီၣ်ဝဲအဂီၢ်လီၤ(ၡါ. ၅၃:၄).

လံာ်ယိၤဟၣ် 19:17

ယ့ၣ်ၡူးယိးအထူၣ်စုညါဒီးဟးထီၣ်ကွံာ်ဝဲဖဲန့ၣ် ဒီးလဲၤတုၤဝဲလၢတၢ်လီၢ်တတီၤလၢတၢ်ကိးအီၤ, “တၢ်ခိၣ်ဃံအလီၢ်,” (လၢဧ့ၤဘြံၤအကျိာ်တၢ်ကိးအီၤလၢ “ကီၤလၤကီၤသါ”) န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).