လံာ်တၢ်ကဲထီၣ်အခီၣ်ထံး 22:20 - Sgaw Karen Common Bible

²⁰ တၢ်န့ၣ်တဖၣ်ဝံၤအလီၢ်ခံစီၤအၤဘြၤဟၣ်သ့ၣ်ညါတ့ၢ်ဝဲဒၣ်လၢနီၢ် မံးလကၤဆံးစၢ်န့ၢ်အဖိဃိးဂၤလၢစီၤအၤဘြၤဟၣ်အဒီပုၢ်ဝဲၢ် ခွါစီၤနၤဃိၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:20 Iomraidhean Croise

လံာ်တၢ်ကဲထီၣ်အခီၣ်ထံး 11:26

စီၤတ့ရၤအသးအိၣ်ဝဲအနံၣ်နွံဆံဝံၤအလီၢ်ခံအဝဲကဲထီၣ်စီၤ အၤဘြၣ်, စီၤနၤဃိၢ်ဒီးစီၤဟၤရၣ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:27

ဒီးအအံၤတဖၣ်မ့ၢ်စီၤတ့ရၤလၢအမ့ၢ်စီၤအၤဘြၣ်, စီၤနၤဃိၢ်ဒီးစီၤဟၤရၣ်အပၢ်အစၢၤအသွဲၣ်တဖၣ်န့ၣ်လီၤ. စီၤဟၤရၣ်မ့ၢ်စီၤလိာ်အပၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 11:29

စီၤအၤဘြၣ်ထီၣ်ပှၢ်ဒီးနီၢ်စၤရဲ, ဒီးစီၤနၤဃိၢ်ထီၣ်ပှၢ်ဒီး နီၢ်မံးလကၤလၢအမ့ၢ်စီၤဟၤရၣ်အဖိမုၣ်, လၢအမ့ၢ်စ့ၢ်ကီးနီၢ်ယံၤစကၤအဒီပုၢ်ဝဲၢ်မုၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 22:21

စီၤဧူစးမ့ၢ်အဖိဝဲၢ်ကိ, ဒီးအပုၢ်တဖၣ်မ့ၢ်ဝဲစီၤဘူစး, စီၤကမူၤအ့လးလၢအမ့ၢ်စီၤအရၣ်အပၢ်,

လံာ်တၢ်ကဲထီၣ်အခီၣ်ထံး 24:10

တၢ်ခ့တၢ်ပှၤလၢတၢ်ဟ့ၣ်စိဟ့ၣ်ကမီၤအီၤဒ်သိးကပၢဆှၢသုးကျဲၤ ဒီးပၢၤစီၤအၤဘြၤဟၣ်အတၢ်စုလီၢ်ခီၣ်ခိၣ်တဂၤအံၤ, ဟံးန့ၢ်အကစၢ်စီၤအၤဘြၤဟၣ်အကီၤလၤအူးအဒုတဆံဒီးလဲၤဝဲဆူ ဝ့ၢ်လၢကီၢ်မ့းစပတၤမံအကလံၤစိးအပူၤဖဲစီၤနၤဃိၢ်အိၣ်ဆိး တ့ၢ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 24:15

တချုးလၢအဘါထုကဖၣ်တၢ်ဝံၤဒံးဘၣ်န့ၣ်နီၢ်ရံးဘကၤဟဲ တုၤလၢထံပူၤဃုာ်ဒီးအသပၢၤထံလၢအဖံဘၣ်ခိၣ်လီၤ. နီၢ်ရံးဘကၤမ့ၢ်စီၤဘသူၤအ့လးအဖိမုၣ်န့ၣ်လီၤ. ဒီးစီၤဘသူၤအ့လးမ့ၢ်ဝဲစီၤအၤဘြၤဟၣ်အဒီပုၢ်ဝဲၢ်ခွါစီၤ နၤဃိၢ်ဒီးနီၢ်မံးလကၤအဖိခွါန့ၣ်လီၤ.

လံာ်တၢ်ကဲထီၣ်အခီၣ်ထံး 24:24

ဒီးနီၢ်ရံးဘကၤစံးဆၢအီၤ, “ယပၢ်မ့ၢ်စီၤဘသူၤအ့လးလီၤ. အဝဲဒၣ်မ့ၢ်စီၤနၤဃိၢ်ဒီးနီၢ်မံးလကၤအဖိခွါန့ၣ်လီၤ.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

တၢ်ကတိၤဒိ. 25:25

တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.