လံာ်တၢ်ကဲထီၣ်အခီၣ်ထံး 22:2 - Sgaw Karen Common Bible

² ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 22:2 Iomraidhean Croise

လံာ်တၢ်ကဲထီၣ်အခီၣ်ထံး 17:19

ဒီးကစၢ်ယွၤစံးဆၢအီၤ, “တသ့ဘၣ်. နမါနီၢ်စၤရါကဆံးစၢ်န့ၢ် ဖိခွါတဂၤလၢနဂီၢ်ဒီးနကယုၢ်န့ၢ်အမံၤလၢစီၤအံၤစဲးန့ၣ် လီၤ. ယကဟံးဃာ်ယတၢ်အၢၣ်လီၤအီလီၤဒီးအီၤ, ဒီးအစၢၤအသွဲၣ်တဖၣ်လီၤထူလီၤယိာ်န့ၣ်လီၤ. တၢ်အံၤမ့ၢ်တၢ်အၢၣ်လီၤအီလီၤအထူအယိာ်တမံၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:12

ဒီးကစၢ်ယွၤစံးဘၣ်စီၤအၤဘြၤဟၣ်, “တဘၣ်ဘၣ်ယိၣ်တၢ်လၢဖိသၣ်ပိာ် ခွါဒီးနကုၢ်ပိာ်မုၣ်နီၢ်ဟၤကၢ်အဂီၢ်တဂ့ၤ. မၤဒ်တၢ်လၢနီၢ်စၤရါတဲဘၣ်နၤန့ၣ်တက့ၢ်. အဂ့ၢ်ဒ်အံၤ, နကမၤန့ၢ်နစၢၤနသွဲၣ်ဒ်ယအၢၣ်လီၤတ့ၢ်နၤအသိးခီ ဖျိစီၤအံၤစဲးန့ၣ်လီၤ.

လံာ်တၢ်ကဲထီၣ်အခီၣ်ထံး 21:3

ဒီးစီၤအၤဘြၤဟၣ်ယုၢ်အမံၤလၢစီၤအံၤစဲးလီၤ. ဒီးဖဲစီၤအံၤစဲးအိၣ်ဝဲဃိးနံၤန့ၣ်စီၤအၤဘြၤဟၣ်ကူးတရံး အီၤဒ်ကစၢ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 22:9

အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.

လံာ်တၢ်ကဲထီၣ်အခီၣ်ထံး 8:20

ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ.

လံာ်စီၤပၤခံဘ့ၣ်တဘ့ၣ် 3:27

လၢတၢ်န့ၣ်အဃိအဝဲဟံးထီၣ်အဖိခွါအဒိၣ်ကတၢၢ်လၢကထီၣ်က့ၤအလီၢ် ဒ်စီၤပၤအသိးဒီးလုၢ်ထီၣ်အီၤလၢဝ့ၢ်အခိၣ်ဒူအဖီခိၣ်ဒ်တၢ်လုၢ် တမံၤအသိးဆူပှၤမိၤအးဖိအကစၢ်အအိၣ်န့ၣ်လီၤ. ပှၤအံၣ်စရ့လးဖိတဖၣ်ပျံၤတၢ်ဖုးတၢ်ဒိၣ်မးအဃိအဝဲသ့ၣ်ဂုၤ က့ၤဆူအလီၢ်ခံလၢဝ့ၢ်ပူၤ, ဒီးက့ၤကဒါက့ၤဆူအဝဲသ့ၣ်အထံကီၢ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:1

စီၤၡလိၤမိၤအပၢ်စီၤဒၤဝံးကတဲာ်ကတီၤပာ်တ့ၢ်လံတၢ်လီၢ်တတီၤ လၢယွၤအတၢ်လုၢ်ဟံၣ်အဂီၢ်န့ၣ်လီၤ. တၢ်လီၢ်န့ၣ်အိၣ်ဝဲလၢဝ့ၢ်ယရူၤၡလ့ၣ်အပူၤ, လၢကစၢၢ်မိၤရံယၤအဒီခိၣ်တၢ်လီၢ်ဖဲပှၤယဘူၣ်ဖိစီၤအၤရနၤသူ တ့ၢ်ဝဲဒ်ကြဲၢ်တၢ်အလီၢ်တပူၤန့ၣ်လီၤ. စီၤပၤၡလိၤမိၤစးထီၣ်တၢ်သူၣ်ထီၣ်ဘှီထီၣ်,

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

ဧ့ၤဘြံၤ 11:17

လၢတၢ်စူၢ်တၢ်နာ်စီၤအၤဘြၤဟၣ်ဖဲအဘၣ်တၢ်မၤကွၢ်အီၤန့ၣ်, လုၢ်ထီၣ်အဖိခွါစီၤအံၤစဲးန့ၣ်လီၤ. စီၤအၤဘြၤဟၣ်ဒိးန့ၢ်ဘၣ်တၢ်စံးပာ်လၢကစၢ်ယွၤဘၣ်ဆၣ်ဒီး အဝဲအိၣ်ကတဲာ်ကတီၤအသးလၢအကလုၢ်ထီၣ်အဖိခွါအိၣ်ထဲ တဂၤဃီအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:31

ယကလုၢ်ထီၣ်ပှၤအဆိကတၢၢ်တဂၤလၢအဟဲထီၣ်လၢယဟံၣ်ပူၤဒ်သိး အကသဂၢၢ်ယၤဖဲယဟဲက့ၤလၢတၢ်မၤနၢၤအကတီၢ်န့ၣ်လီၤ. ယကလုၢ်ထီၣ်ပှၤတဂၤန့ၣ်ဆူနအိၣ်ဒ်တၢ်လုၢ်တၢ်ပာ်အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 11:39

ခံလါပူၤကွံာ်ဒီးအဝဲဟဲက့ၤဆူအပၢ်အအိၣ်လီၤ. ဒီးအပၢ်မၤတၢ်ဒ်အအၢၣ်လီၤယွၤအသိးဒီးအဖိမုၣ်သံဝဲဒ်မုၣ်လိၤဘိတဂၤအသိးန့ၣ်လီၤ. အဝဲအံၤမ့ၢ်ပှၤအံၣ်စရ့လးဖိတဖၣ်အလုၢ်အလၢ်အခီၣ်ထံး,