လံာ်တၢ်ကဲထီၣ်အခီၣ်ထံး 22:19 - Sgaw Karen Common Bible

¹⁹ ဒီးစီၤအၤဘြၤဟၣ်က့ၤကဒါက့ၤဆူအခ့အပှၤတဖၣ်အအိၣ်ဒီးအဝဲ သ့ၣ်က့ၤသကိးဝဲဆူဝ့ၢ်ဘ့ၢ်ၡဘၤဖဲစီၤအၤဘြၤဟၣ်သူၣ်လီၤဆီ လီၤအတၢ်အိၣ်တၢ်ဆိးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:19 Iomraidhean Croise

လံာ်တၢ်ကဲထီၣ်အခီၣ်ထံး 21:31

လၢတၢ်န့ၣ်အဃိ, တၢ်လီၢ်အံၤဘၣ်တၢ်ကိးအီၤလၢဘ့ၢ်ၡဘၤ, မ့ၢ်လၢအဝဲသ့ၣ်ခံဂၤမၤတၢ်အၢၣ်လီၤအီလီၤဖဲန့ၣ်အဃိလီၤ.

လံာ်တၢ်ကဲထီၣ်အခီၣ်ထံး 21:34

စီၤအၤဘြၤဟၣ်အိၣ်ဝဲဆိးဝဲလၢပှၤဖလ့ၡသးဖိအကီၢ်ပူၤအါနံၣ်အါလါန့ၣ်လီၤ.

လံာ်တၢ်ကဲထီၣ်အခီၣ်ထံး 22:5

တုၤနုၤတစုစီၤအၤဘြၤဟၣ်စံးဘၣ်အခ့အပှၤတဖၣ်န့ၣ်, “အိၣ်သုဝဲဖဲအံၤဃုာ်ဒီးကသ့ၣ်ယီၤတက့ၢ်. ဖိသၣ်ပိာ်ခွါဒီးယဲဒၣ်အံၤပကလဲၤဆူန့ၣ်, ဖဲန့ၣ်ဒီးဘူၣ်တၢ်ဘါတၢ်ဝံၤဒီးပကဟဲက့ၤဆူသုအိၣ်လီၤ.”

လံာ်တၢ်ကဲထီၣ်အခီၣ်ထံး 26:23

ဒီးစီၤအံၤစဲးဟးထီၣ်ဒီးလဲၤဝဲဆူဝ့ၢ်ဘ့ၢ်ၡဘၤလီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:2

အဖိခွါအဒိၣ်တဂၤန့ၣ်အမံၤမ့ၢ်ဝဲစီၤယိၤအ့လးဒီးအဆံးတဂၤ မ့ၢ်စီၤအဘံယၤလီၤ. အဝဲသ့ၣ်မ့ၢ်ပှၤစံၣ်ညီၣ်ကွီၢ်တဖၣ်လၢဝ့ၢ်ဘ့ၢ်ၡဘၤအပူၤန့ၣ်လီၤ.