လံာ်တၢ်ကဲထီၣ်အခီၣ်ထံး 22:16 - Sgaw Karen Common Bible

¹⁶ ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 22:16 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:15

ယွၤအကလူးကိးဃီၤစီၤအၤဘြၤဟၣ်လၢမူခိၣ်ခံဘျီတဘျီဒီး

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:16

တၢ်အၢၣ်လီၤအီလီၤန့ၣ်မ့ၢ်တၢ်လၢကစၢ်ယွၤမၤဝဲဒီးစီၤအၤဘြၣ်ဟၣ် ဒီးမ့ၢ်တၢ်အၢၣ်လီၤလၢအမၤဝဲဒီးစီၤအံၤစဲးန့ၣ်လီၤ.

စံးထီၣ်ပတြၢၤ 105:9

အဝဲကဟံးဃာ် အတၢ်အၢၣ်လီၤ လိာ်သးလၢ အမၤတ့ၢ်ဝဲဒီး စီၤအၤဘြၤဟၣ်, ဒီးတၢ်လၢအအၢၣ်လီၤစီၤအံၤစဲးန့ၣ်လီၤ.

လံာ်တၢ်ဟးထီၣ်ကွံာ် 17:16

အဝဲစံးဝဲဒၣ်, “ယူာ်ထီၣ်ထီယွၤအနီၣ်တယၢ်တက့ၢ်. ယွၤကဒုးဒံးတၢ်ထီဒါပှၤဧမၤလ့းဖိတဘိယူၢ်ဃီန့ၣ်လီၤ.”

လံာ်တၢ်ဟးထီၣ်ကွံာ် 2:24

ဒီးကစၢ်ယွၤနၢ်ဟူအတၢ်ကအုကစွါဒီးသ့ၣ်နီၣ်ထီၣ်က့ၤအတၢ်အၢၣ် လီၤအီလီၤဒီးစီၤအၤဘြၤဟၣ်, ဒီးစီၤအံၤစဲးဒီးစီၤယၤကိာ်န့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယံးရမံယၤ 22:5

ဘၣ်ဆၣ်ဒီးသုမ့ၢ်တစူၢ်ယတၢ်မၤလိာ်တဖၣ်ဘၣ်ဒီး, ယဆိၣ်တၢ်ဒီးသုလၢနူၢ်ဧိၤစီၤဧိၤအံၤကလီၤပှီၢ် ဟးဂီၤကွံာ်ဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 44:26

ဘၣ်ဆၣ်ဒီး ခဲကနံၣ်အံၤ, ဒိကနၣ်တၢ်ဆိၣ်လၢယၤ, ယွၤအံၤမၤတ့ၢ်လံဝဲလၢယမံၤအစိကမီၤဒၣ်ဝဲအပူၤဆူကယဲၢ် သုဝဲပှၤအံၣ်စရ့လးဖိခဲလၢာ်လၢ အအိၣ်လၢကီၢ်အဲၤကူပတူး အပူၤန့ၣ်တက့ၢ်. ယတပျဲကဒီးသုဝဲတဂၤဂ့ၤတဂၤဂ့ၤလၢ ကသူယမံၤလၢ တၢ်ဆိၣ်တမံၤအဂီၢ်ဒီး စံးလၢ, ‘ယဆိၣ်တၢ် လၢယွၤပၢဘၣ်တၢ်ခဲလၢာ်ကစၢ်လၢအမူဝဲတဂၤအမံၤအပူၤလီၤ’ န့ၣ်နီတစုလၢၤဘၣ်.

လံာ်ယံးရမံယၤ 49:13

ယကစၢ်ဒၣ်ယဲ ယဆိၣ်တၢ်လၢ ဝ့ၢ်ဘိးစရၤကကဲ ထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီး မဲးမုၢ်ခိၣ်တတီၤန့ၣ်လီၤ. ပှၤဂီၢ်မုၢ် ကကတိၤဒုၣ်ဒွဲၣ် အီၤဒီး သူ အမံၤဒ်တၢ်ဆိၣ်အၢတမံၤအသိးန့ၣ်လီၤ. သဝီတဖၣ်လၢ အအိၣ်ဘူးအိၣ်တံၢ်ကအိၣ်လၢ တၢ် ဟးဂီၤအပူၤလီၤထူလီၤယိာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်လူၤကၣ် 1:73

အဝဲဒၣ်အိၣ်ဒီးတၢ်ဆိၣ်လီၤအသးသညူးသပှၢ်ဒီး ပပၢ်ဖးဒိၣ်စီၤအၤဘြၤဟၣ်,