လံာ်တၢ်ကဲထီၣ်အခီၣ်ထံး 22:14 - Sgaw Karen Common Bible

¹⁴ စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်တၢ်ကဲထီၣ်အခီၣ်ထံး 22:14 Iomraidhean Croise

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:15

ယွၤအကလူးကိးဃီၤစီၤအၤဘြၤဟၣ်လၢမူခိၣ်ခံဘျီတဘျီဒီး

လံာ်တၢ်ကဲထီၣ်အခီၣ်ထံး 22:8

စီၤအၤဘြၤဟၣ်စံးဆၢဝဲ, “ကစၢ်ယွၤအနီၢ်ကစၢ်ဒၣ်ဝဲ ကဟ့ၣ်လီၤသိဖိတဒုန့ၣ်လီၤ.” ဒီးအဝဲသ့ၣ်ခံဂၤလဲၤသကိးတၢ်ဆူညါလီၤ.

လံာ်တၢ်ကဲထီၣ်အခီၣ်ထံး 28:19

ဒီးကိးဝဲတၢ်လီၢ်အံၤလၢဝ့ၢ်ဘ့ၤသ့လးန့ၣ်လီၤ. (ဝ့ၢ်လၢအအိၣ်ဖဲအံၤန့ၣ်တဘျီဘၣ်တၢ်သ့ၣ်ညါတ့ၢ်အီၤဒ်ဝ့ၢ်လူး စးအသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်စီၤပၤအခီၣ်ထံးတဘ့ၣ် 17:8

အန့ၣ်ဒီး, ယွၤစံးဘၣ်စီၤအ့ၤလံယၤ,

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 29:10

မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:12

အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.