လံာ်တၢ်ကဲထီၣ်အခီၣ်ထံး 22:12 - Sgaw Karen Common Bible

¹² ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:12 Iomraidhean Croise

လံာ်တၢ်ကဲထီၣ်အခီၣ်ထံး 20:11

စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 26:5

ယကဆိၣ်ဂ့ၤနၤလီၤ. အဂ့ၢ်ဒ်အံၤ, စီၤအၤဘြၤဟၣ်စူၢ်ယကလုၢ်ဒီး ဟံးဃာ်ကယဲၢ်ယတၢ်သိၣ်တၢ်သီဒီးယတၢ်မၤလိာ်တဖၣ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 2:11

မၤယွၤအတၢ်ဒီးတၢ်ပျံၤယွၤ, အိၣ်ဒီးတၢ်ကနိးကစုာ်

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ယၤကိာ် 2:18

ဘၣ်ဆၣ်ဒီးပှၤတဂၤဂၤကစံးဝဲ, “ပှၤတဂၤအိၣ်ဒီးအတၢ်စူၢ် တၢ်နာ်, ဒီးအဂၤတဂၤအိၣ်ဒီးတၢ်မၤလီၤ.” ယတၢ်စံးဆၢမ့ၢ် အအံၤ, “ဒုးနဲၣ်ယၤပှၤတဂၤလၢအအိၣ်ဒီးတၢ်စူၢ်တၢ်နာ်လၢ အတအိၣ်ဘၣ်ဒီးတၢ်မၤန့ၣ်တက့ၢ်. ဒီးယကဒုးနဲၣ်သုယတၢ်စူၢ်တၢ်နာ်ခီဖျိယတၢ်မၤန့ၣ်လီၤ.”

လံာ်လီၣ်ဖျါ 19:5

တုၤနုၤတစုတၢ်ကလုၢ်သီၣ်ထီၣ်လၢလီၢ်ပစိာ်အဖီခိၣ်ဒီးစံးဝဲ, “စံးထီၣ်ပတြၢၤပကစၢ်ယွၤတက့ၢ်, အဝဲဒၣ်အခ့အပှၤဒီးပှၤဂီၢ်မုၢ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤ, လၢအယူးယီၣ်ဒီးပျံၤအီၤခဲလၢာ်သ့ၣ်သုဧၢ,”

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.