လံာ်တၢ်ကဲထီၣ်အခီၣ်ထံး 22:11 - Sgaw Karen Common Bible

¹¹ ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:11 Iomraidhean Croise

လံာ်တၢ်ကဲထီၣ်အခီၣ်ထံး 16:7

ယွၤအကလူးထံၣ်န့ၢ်နီၢ်ဟၤကၢ်ဖဲမဲးမုၢ်ခိၣ်အထံထီၣ်ပၢၢ်တတီၤ လၢကျဲလဲၤဆူဝ့ၢ်ၡူၢ်,

လံာ်တၢ်ကဲထီၣ်အခီၣ်ထံး 21:17

ဒီးကစၢ်ယွၤနၢ်ဟူဖိသၣ်ပိာ်ခွါအံၤဟီၣ်ဝဲအကလုၢ်ဒီးလၢမူ ခိၣ်န့ၣ်ကစၢ်ယွၤအကလူးကတိၤတၢ်ဒီးနီၢ်ဟၤကၢ်စံးဝဲ, “နီၢ်ဟၤကၢ်ဧၢ, နကိၢ်တၢ်လၢမနုၤအဂီၢ်န့ၣ်လဲၣ်. ပျံၤတၢ်တဂ့ၤ. ကစၢ်ယွၤနၢ်ဟူလံဖိသၣ်ပိာ်ခွါအတၢ်ဟီၣ်တၢ်ယၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:18

ဂဲၤဆၢထၢၣ်. လဲၤဒီးစိာ်ထီၣ်အီၤဒီးမၤမုာ်ထီၣ်က့ၤအီၤန့ၣ်တက့ၢ်. ယကဒုးကဲထီၣ်အစၢၤအသွဲၣ်တဖၣ်လၢပှၤတကလုာ်ဖးဒိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:10

အန့ၣ်ဝံၤဒီးအဝဲဟံးထီၣ်ဒီန့ၣ်ဒ်သိးအကမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:16

ယွၤကတိၤတၢ်စံးဝဲ, “ယမၤတၢ်ဆိၣ်တမံၤလၢယမံၤဒၣ်ယဲ အပူၤလၢ, ယကဆိၣ်ဂ့ၤနၤထူးထူးတီၤတီၤလီၤ. အဂ့ၢ်ဒ်အံၤ, နမၤတၢ်အံၤဒီးနဖိခွါထဲတဂၤဧိၤဒၣ်လဲာ်န့ၣ် နကလုၢ်ထီၣ်အီၤဆူယအိၣ်န့ၣ်နတလိးကီအီၤဘၣ်.

လံာ်တၢ်ကဲထီၣ်အခီၣ်ထံး 24:7

ယွၤ, မူခိၣ်အကစၢ်ယွၤ, စိာ်ထီၣ်ယၤလၢယပၢ်အဟံၣ်ဒီးယဘူးယတံၢ် သ့ၣ်တဖၣ်အထံအကီၢ်ဒီးအၢၣ်လီၤယၤသညူးသပှၢ်လၢကဟ့ၣ်ဝဲကီၢ်တဘ့ၣ် အံၤလၢယစၢၤယသွဲၣ်တဖၣ်န့ၣ်လီၤ. အဝဲကဆှၢလီၤအကလူးလၢနမဲာ်ညါဒ်သိးနကမၤန့ၢ်မါတဂၤဖဲန့ၣ်လၢ ယဖိခွါအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:11

ကစၢ်ယွၤအကလူးစံးဘၣ်ယၤလၢတၢ်မံမီၢ်အပူၤဒီးစံးဝဲ, ‘စီၤယၤကိာ်ဧၢ,’ ဒီးယစံးဆၢအီၤ, ‘မ့ၢ်ယၤလီၤ.’

လံာ်တၢ်ကဲထီၣ်အခီၣ်ထံး 37:13

စီၤယၤကိာ်စံးဘၣ်စီၤယိၤသး, “ယအဲၣ်ဒိးလၢနကလဲၤဆူ ဝ့ၢ်ၡက့ၣ်ဖဲနဒီပုၢ်ဝဲၢ်ခွါသ့ၣ်တဖၣ်ကွၢ်ထွဲသိတဖၣ်အလီၢ်န့ၣ် လီၤ.” စီၤယိၤသးစံးဆၢဝဲ, “မ့ၢ်, ယကလဲၤလီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 3:2

ဒီးယွၤအကလူးတဂၤလီၣ်ဖျါထီၣ်အသးလၢအီၤဒ်မ့ၣ်အူလၣ်လၢဟဲ ထီၣ်လၢသ့ၣ်တၤဆှုၣ်တခိၣ်အပူၤအသိးန့ၣ်လီၤ. စီၤမိၤၡ့ကွၢ်ဒီးထံၣ်ဘၣ်ဝဲလၢသ့ၣ်တၤဆှုၣ်န့ၣ်မ့ၣ်အူအီၣ် အီၤဘၣ်ဆၣ်ဒီးတကိၢ်သွၣ်ကွံာ်ဝဲဘၣ်လီၤ.

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

မၤတၢ် 26:14

ပဝဲကိးဂၤဒဲးပလီၤတဲာ်လၢဟီၣ်ခိၣ်လိၤဒီးယနၢ်ဟူတၢ် အကလုၢ်ကတိၤတၢ်ဒီးယၤလၢဧ့ၤဘြံၤအကျိာ်, ‘စီၤစီလူးဧၢ, စီၤစီလူးဧၢ, နမၤအၢမၤနးယၤဘၣ်မနုၤအဃိလဲၣ်. နမၤဘၣ်ဒိလီၤက့ၤနသးခီဖျိနမၤဆၢက့ၤတၢ်ဒ်ကျီၢ်တဒုထူဆၢကဒါက့ၤ အကစၢ်အသိးန့ၣ်လီၤ.’

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

လံာ်ပှၤစံၣ်ညီၣ်ကွီၢ် 2:1

ဒီးယွၤအကလူးလဲၤတၢ်လၢဝ့ၢ်ကံးလကၤလးဆူဝ့ၢ်ဘိးကံၣ်ဒီး စံးဘၣ်ပှၤအံၣ်စရ့လးဖိတဖၣ်, “ယထုးထီၣ်သုလၢကီၢ်အဲၤကူပတူးအပူၤဒီးဆှၢသုဆူကီၢ်တဘ့ၣ် လၢယအၢၣ်လီၤအီလီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်လီၤ. ဒီးယစံး, ယတမၤဟးဂီၤယတၢ်အၢၣ်လီၤအီလီၤဒီးသုနီတစုဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 3:10

ယွၤဟဲဒီးဆၢထၢၣ်ဖဲန့ၣ်ဒီးကိးထီၣ်ဒ်အကိးတ့ၢ်ဝဲလၢညါအသိး, “စီၤၡမူၤအ့လး, စီၤၡမူၤအ့လးဧၢ,” န့ၣ်လီၤ. စီၤၡမူၤအ့လးစံးဆၢဝဲ, “ကတိၤတၢ်တက့ၢ်. နခ့နပှၤဒိကနၣ်တၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:4

ယွၤကိးထီၣ်စီၤၡမူၤအ့လးလီၤ. အဝဲဒၣ်စံးဆၢဝဲ, “မ့ၢ်, တၢ်ဒိၣ်ဧၢ,” ဝံၤဒီးဃ့ၢ်ဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”