လံာ်တၢ်ကဲထီၣ်အခီၣ်ထံး 22:1 - Sgaw Karen Common Bible

¹ တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:1 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 21:11

ဒီးတၢ်အံၤမၤကိၢ်မၤဂီၤစီၤအၤဘြၤဟၣ်ဒိၣ်မးလၢစီၤယံးၡမၤ ဧ့လးစ့ၢ်ကီးမ့ၢ်စီၤအၤဘြၤဟၣ်အဖိခွါအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 22:11

ဘၣ်ဆၣ်ဒီးယွၤအကလူးကိးဃီၤအီၤလၢမူခိၣ်, “စီၤအၤဘြၤဟၣ်ဧၢ, စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢဝဲ, “ကစၢ်ဧၢ, မ့ၢ်ယၤလီၤ.”

လံာ်တၢ်ကဲထီၣ်အခီၣ်ထံး 22:7

ဒီးဖဲအလဲၤသကိးတၢ်အခါန့ၣ်, စီၤအံၤစဲးစံးဝဲဒၣ်, “ပၢ်ဧၢ,” ဒီးစီၤအၤဘြၤဟၣ်စံးဆၢဝဲ, “ဘၣ်မနုၤလဲၣ်ယ ဖိခွါဧၢ,” ဒီးစီၤအံၤစဲးသံကွၢ်, “ယထံၣ်လၢနအိၣ်ဒီးမ့ၣ်အူအ့ၣ်ဒီး သ့ၣ်မုၣ်လီၤ. မ့မ့ၢ်သိဖိလၢတၢ်လုၢ်ထီၣ်ပာ်ထီၣ်အဂီၢ်အိၣ်ဖဲလဲၣ်.”

လံာ်တၢ်ကဲထီၣ်အခီၣ်ထံး 37:13

စီၤယၤကိာ်စံးဘၣ်စီၤယိၤသး, “ယအဲၣ်ဒိးလၢနကလဲၤဆူ ဝ့ၢ်ၡက့ၣ်ဖဲနဒီပုၢ်ဝဲၢ်ခွါသ့ၣ်တဖၣ်ကွၢ်ထွဲသိတဖၣ်အလီၢ်န့ၣ် လီၤ.” စီၤယိၤသးစံးဆၢဝဲ, “မ့ၢ်, ယကလဲၤလီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:1

လၢတၢ်မၤအသးအဂၤတဘျီန့ၣ်, ယွၤသးဒိၣ်ဘၣ်ပှၤကီၢ်အံၣ်စ ရ့လးဖိဒီးအဝဲမၤဒ်သိးစီၤဒၤဝံးကဒုးဟဲဘၣ်တၢ်ကီတၢ်ခဲ လၢအဝဲသ့ၣ်အဖီခိၣ်လီၤ. ယွၤစံးဘၣ်အီၤ, “လဲၤဒီးဂံၢ်ပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤအပူၤတက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

စံးထီၣ်ပတြၢၤ 11:5

ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

လံာ်တၢ်ဟးထီၣ်ကွံာ် 16:4

ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

လံာ်တၢ်ဟးထီၣ်ကွံာ် 3:4

ဒီးတုၤယွၤထံၣ်လၢစီၤမိၤၡ့ဟဲဘူးထီၣ်ဝဲဒီး, ယွၤကိးထီၣ်အီၤလၢသ့ၣ်တၤဆှုၣ်အပူၤဒီးစံးဝဲဒၣ်, “စီၤမိၤၡ့ဧၢ, စီၤမိၤၡ့ဧၢ” န့ၣ်လီၤ. ဒီးစီၤမိၤၡ့စံးဆၢဝဲ, “မ့ၢ်ယၤလီၤ.”

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ယၡါယၤ 6:8

အန့ၣ်ဒီးယနၢ်ဟူယွၤစံးဝဲဒၣ်, “ယကမၢလီၤမတၤတဂၤလဲၣ်. ဒီးမ့ၢ်မတၤကကဲထီၣ်ပပှၤစိာ် တၢ်ကစီၣ်တဂၤလဲၣ်.” ဒီးယစံး, “ယကလဲၤလီၤ. ဆှၢလီၤယၤတက့ၢ်.”

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ဧ့ၤဘြံၤ 11:17

လၢတၢ်စူၢ်တၢ်နာ်စီၤအၤဘြၤဟၣ်ဖဲအဘၣ်တၢ်မၤကွၢ်အီၤန့ၣ်, လုၢ်ထီၣ်အဖိခွါစီၤအံၤစဲးန့ၣ်လီၤ. စီၤအၤဘြၤဟၣ်ဒိးန့ၢ်ဘၣ်တၢ်စံးပာ်လၢကစၢ်ယွၤဘၣ်ဆၣ်ဒီး အဝဲအိၣ်ကတဲာ်ကတီၤအသးလၢအကလုၢ်ထီၣ်အဖိခွါအိၣ်ထဲ တဂၤဃီအံၤန့ၣ်လီၤ.

ယၤကိာ် 2:21

ပပၢ်လၢပျၢၤစီၤအၤဘြၤဟၣ်ဘၣ်တၢ်ပာ်တီပာ်လိၤအီၤလၢ ကျဲဒ်လဲၣ်. မ့ၢ်ဒၣ်ခီဖျိအတၢ်မၤ, ဖဲအဝဲလုၢ်ထီၣ်အဖိခွါစီၤအံၤစဲးလၢတၢ်လုၢ်လီၢ်အဖီခိၣ် အခါန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:22

ယကသူပှၤကလုာ်တဖၣ်ဒ်သိးယကသ့ၣ်ညါလၢမ့ၢ်ပှၤအံၣ်စရ့လးဖိတဖၣ်အံၤ ကပိာ်ယကျဲဒ်အမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး, မ့တမ့ၢ်တပိာ်ဘၣ်ဝဲအဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 3:4

ယွၤကိးထီၣ်စီၤၡမူၤအ့လးလီၤ. အဝဲဒၣ်စံးဆၢဝဲ, “မ့ၢ်, တၢ်ဒိၣ်ဧၢ,” ဝံၤဒီးဃ့ၢ်ဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”