လံာ်တၢ်ကဲထီၣ်အခီၣ်ထံး 21:7 - Sgaw Karen Common Bible

⁷ ဒီးစံးအါထီၣ်ဝဲ, “မ့ၢ်မတၤကစံးဘၣ်စီၤအၤဘြၤဟၣ်လၢနီၢ်စၤ ရါကအံးထွဲကွၢ်ထွဲဖိသၣ်န့ၣ်လဲၣ်. အဂ့ၢ်ဒ်အံၤ, ယဆံးစၢ်န့ၢ်အဖိလၢအသးပှၢ်အကတီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 21:7 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

လံာ်တၢ်ကဲထီၣ်အခီၣ်ထံး 18:13

တုၤနုၤတစု, ယွၤသံကွၢ်စီၤအၤဘြၤဟၣ်, “ဘၣ်မနုၤလၢနီၢ်စၤ ရါနံၤဒီးစံးဝဲလၢ, ယသးပှၢ်ထဲအံၤန့ၣ်ယအိၣ်ဒီးယဖိကန့ၢ်က သ့သပှၢ်တၢၢ်ဒ်လဲၣ်, န့ၣ်လဲၣ်.

လံာ်တၢ်ကဲထီၣ်အခီၣ်ထံး 21:8

ဒီးဖိသၣ်ဒိၣ်ထီၣ်ဝဲ, ဒီးမုၢ်တနံၤလၢအဖှၣ်အမိၢ်အနုၢ်န့ၣ်စီၤ အၤဘြၤဟၣ်မၤတၢ်အီၣ်အမူးဖးဒိၣ်လီၤ.

လံာ်စီၤပၤအခီၣ်ထံးတဘ့ၣ် 11:20

ပိာ်မုၣ်အံၤဆံးစၢ်န့ၢ်အီၤလၢအဖိခွါတဂၤလၢအမံၤမ့ၢ်ဝဲစီၤ ကနူဘးန့ၣ်လီၤ. အဝဲဘၣ်တၢ်လုၢ်ဒိၣ်ထီၣ်အီၤလၢနီၢ်ပၤမုၣ်လၢနီပူၤဖဲအဝဲအိၣ် ဆိးဝဲဒီးစီၤပၤဖိခွါတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:21

လၢခံတဂီၤ, ဖဲယမံပၢၢ်ထီၣ်, ဒီးယသါကဒုးအီနုၢ်ယဖိန့ၣ်, ယထံၣ်လၢအသံဝဲဒၣ်န့ၣ်လီၤ. ယကွၢ်ဃီၤအီၤထံထံဆးဆး, ဒီးယထံၣ်တ့ၢ်လၢတမ့ၢ်ယဖိဘၣ်န့ၣ်ဘၣ်.”

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယၡါယၤ 66:8

ပှၤတဂၤဂၤထံၣ်တ့ၢ်ဒီးနၢ်ဟူတ့ၢ်တၢ်ဒ်သိးအံၤတစုစုဧါ. ပှၤကလုာ်တကလုာ်အိၣ်ဖျဲၣ်ထီၣ်ဝဲလၢတနံၤဃီအတီၢ်ပူၤ တစုစုလံဧါ. တချုးလၢပှၤကလုာ်အိၣ်ဖျဲၣ်ထီၣ်ဒံးဘၣ်န့ၣ်, ကစၢၢ်စံယိၣ်တတူၢ်ဘၣ်တၢ်ယံာ်ယံာ်လၢၤဘၣ်.

လံာ်ယံးရမံယၤ 20:15

ဆိၣ်အၢပှၤတဂၤလၢအမၤသးခုတ့ၢ်ယပၢ် ဖဲအဝဲဟဲစိာ်ဃီၤတၢ်ကစီၣ်စံးဝဲ, “မ့ၢ်အပိာ်ခွါဖိလီၤ. မၤန့ၢ်နဖိခွါတဂၤလံ” န့ၣ်တက့ၢ်.

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.