လံာ်တၢ်ကဲထီၣ်အခီၣ်ထံး 21:6 - Sgaw Karen Common Bible

⁶ ဒီးနီၢ်စၤရါစံးဝဲဒၣ်, “ကစၢ်ယွၤဟဲစိာ်န့ၢ်လံယၤတၢ်သးခုဒီးတၢ်နံၤလီၤ. ကယဲၢ်ပှၤလၢအနၢ်ဟူတၢ်အံၤကိးဂၤဒဲးန့ၣ်ကနံၤဃုာ်ဒီးယၤလီၤ.”

လံာ်တၢ်ကဲထီၣ်အခီၣ်ထံး 21:6 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

စံးထီၣ်ပတြၢၤ 113:9

အဝဲမၤလၤကပီၤပိာ်မုၣ်တူာ်ဖိတဖၣ် လၢအဟံၣ်ပူၤ, ဒုးသးခုအဝဲသ့ၣ်ခီဖျိဟ့ၣ်အီၤဖိတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 126:2

တုၤနုၤတစု, ပထးခိၣ်ပှဲၤဝဲဒီးတၢ်နံၤတၢ်အ့ ဒီးပပျ့ၤပှဲၤဝဲဒီးတၢ်ကိးထီၣ်လၢတၢ်သးခုန့ၣ်လီၤ. တုၤနုၤတစုပှၤကလုာ်ဂၤတဖၣ်စံးကတိၤတၢ်လၢ ပဂ့ၢ်ဒီးစံးဝဲ, “ယွၤမၤတၢ်အဒိၣ်တဖၣ်လၢအဂီၢ်လီၤ.”

လံာ်ယၡါယၤ 49:15

သတးဒီးယွၤစံးဆၢဝဲ, “ပိာ်မုၣ်တဂၤသးပ့ၤနီၣ်အဖိဒၣ်ဝဲကသ့ဧါ. ဒီးတအဲၣ်ဘၣ်ဖိလၢအဆံးစၢ်ထီၣ်ဝဲန့ၣ်ဘၣ်ဧါ. မိၢ်တဂၤမ့ၢ်သးပ့ၤနီၣ်အဖိဒၣ်လဲာ်န့ၣ်, ယတသးပ့ၤနီၣ်ဘၣ်နၤနီတစုဘၣ်.

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယံးရမံယၤ 20:15

ဆိၣ်အၢပှၤတဂၤလၢအမၤသးခုတ့ၢ်ယပၢ် ဖဲအဝဲဟဲစိာ်ဃီၤတၢ်ကစီၣ်စံးဝဲ, “မ့ၢ်အပိာ်ခွါဖိလီၤ. မၤန့ၢ်နဖိခွါတဂၤလံ” န့ၣ်တက့ၢ်.

လံာ်လူၤကၣ် 1:14

ဖဲအဝဲဒၣ်အိၣ်ဖျဲၣ်ထီၣ်န့ၣ်, နကသူၣ်ဖှံသးညီသူၣ်ခုသးခုနဲဒၣ်အဒိၣ် အအါဒီးပှၤအဂၤအါဒံအါဂၤကသးခုဝဲန့ၣ်လီၤ.

လံာ်လူၤကၣ် 1:58

ပှၤအိၣ်လၢအဝဲဒၣ်အဃၢၤဒီးအဝဲဒၣ်အဘူးအတံၢ်တဖၣ်နၢ်ဟူဘၣ်ဝဲလၢ ကစၢ်ယွၤဂ့ၤတ့ၢ်လၢအဝဲဒၣ်အဖီခိၣ်လီၤလိၢ်လီၤလးမးဒီး အဝဲသ့ၣ်ကိးဒံကိးဂၤဒဲးသးခုဃုာ်ဒီးအီၤလီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

ဧ့ၤဘြံၤ 11:11

စီၤအၤဘြၤဟၣ်အသးမ့ၢ်ပှၢ်သဃဲးတ့ၢ်မးဒီးနီၢ်စၤရါ မ့ၢ်ပှၤတူာ်ဖိသနာ်က့, လၢတၢ်စူၢ်တၢ်နာ်အပူၤစီၤအၤဘြၤဟၣ်ကဲထီၣ်ဘၣ်ပၢ်တဂၤလီၤ. အဝဲဒၣ်နာ်ဝဲလၢကစၢ်ယွၤကတီဒီးအတၢ်စံးပာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.