လံာ်တၢ်ကဲထီၣ်အခီၣ်ထံး 21:34 - Sgaw Karen Common Bible

³⁴ စီၤအၤဘြၤဟၣ်အိၣ်ဝဲဆိးဝဲလၢပှၤဖလ့ၡသးဖိအကီၢ်ပူၤအါနံၣ်အါလါန့ၣ်လီၤ.

လံာ်တၢ်ကဲထီၣ်အခီၣ်ထံး 21:34 Iomraidhean Croise

လံာ်တၢ်ကဲထီၣ်အခီၣ်ထံး 20:1

စီၤအၤဘြၤဟၣ်သုးအသးလၢဝ့ၢ်မးမရ့ဆူကီၢ်ကနၤဧၣ်အကလံၤထံး ဒီးအိၣ်ဝဲဆိးဝဲဖဲဝ့ၢ်ကၤဒ့ၣ်ဒီးဝ့ၢ်ၡူၢ်အဘၢၣ်စၢၤန့ၣ်လီၤ. ဒီးလၢခံဖဲအအိၣ်ဝဲဆိးဝဲလၢဝ့ၢ်ကရၢ်အပူၤန့ၣ်,

လံာ်တၢ်ကဲထီၣ်အခီၣ်ထံး 22:19

ဒီးစီၤအၤဘြၤဟၣ်က့ၤကဒါက့ၤဆူအခ့အပှၤတဖၣ်အအိၣ်ဒီးအဝဲ သ့ၣ်က့ၤသကိးဝဲဆူဝ့ၢ်ဘ့ၢ်ၡဘၤဖဲစီၤအၤဘြၤဟၣ်သူၣ်လီၤဆီ လီၤအတၢ်အိၣ်တၢ်ဆိးအလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

ဧ့ၤဘြံၤ 11:13

ပှၤသ့ၣ်တဖၣ်အံၤခဲလၢာ်သံဝဲလၢတၢ်စူၢ်တၢ်နာ်အပူၤလီၤ. အဝဲသ့ၣ်တဒိးန့ၢ်ဘၣ်ကစၢ်ယွၤအတၢ်စံးပာ်နာ်သက့, အဝဲသ့ၣ်ထံၣ်စိဝဲလၢအယံၤဒီးတူၢ်လိာ်မုာ်တ့ၢ်လံဝဲဒီး အၢၣ်လီၤဝဲလၢအဝဲသ့ၣ်မ့ၢ်ပှၤသမှံၤဒီးပှၤတခီဘီမုၢ်ဖိ လၢဟီၣ်ခိၣ်ချၢလီၤ.

ဧ့ၤဘြံၤ 11:9

လၢတၢ်စူၢ်တၢ်နာ်န့ၣ်, စီၤအၤဘြၤဟၣ်အိၣ်ဝဲဆိးဝဲလၢကီၢ် တၢ်စံးပာ်တဘ့ၣ်အပူၤဒ်ပှၤသမှံၤတဂၤအသိး ဒီးအိၣ်ဝဲဆိးဝဲလၢဒဲအပူၤဒ်စီၤအံၤစဲးဒီးစီၤယၤကိာ်, ပှၤလၢအကန့ၢ်သါဃုာ်တၢ်စံးပာ်တမံၤဃီဒီးအီၤတဖၣ် အသိးန့ၣ်လီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.