လံာ်တၢ်ကဲထီၣ်အခီၣ်ထံး 21:25 - Sgaw Karen Common Bible

²⁵ ဒီးစီၤအၤဘြၤဟၣ်ကဒူးကဒ့ၣ်တၢ်လၢစီၤအဘံၤမ့လ့းအလိၤဘၣ်ဃး ထံပူၤတပူၤလၢစီၤအဘံးမ့လ့းအခ့အပှၤတဖၣ်ဂုာ်န့ၢ်ဆူၣ်အီၤ အဂ့ၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:25 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 21:24

စီၤအၤဘြၤဟၣ်စံးဘၣ်အီၤ, “ယအၢၣ်လီၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 21:26

စီၤအဘံးမ့လ့းစံးဝဲ, “ပှၤလၢအမၤတၢ်အံၤန့ၣ်ယတသ့ၣ်ညါဘၣ်. နတတဲယၤတၢ်မၤအသးအံၤန့ၣ်ဘၣ်. ဒီးတၢ်အံၤမ့ၢ်အဆိ ကတၢၢ်တဘျီလၢယနၢ်ဟူဘၣ်အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 29:8

ဒီးအဝဲသ့ၣ်စံးဆၢဝဲ, “တချုးလၢကယဲၢ်သိအဖုအဂီၢ်တဖၣ်ဟဲတုၤဖှိၣ် ဖဲအံၤဒီးတချုးပှၤတလ့ၣ်ကွံာ်လၢၢ်လၢထံပူၤအခိၣ်ထိး ဘၣ်န့ၣ်ပမၤတသ့ဘၣ်. သိအဖုအဂီၢ်မ့ၢ်ဟဲတုၤဖှိၣ်ဒီး, ပကဒုးအီအဝဲသ့ၣ်လၢထံလီၤ.”

တၢ်ကတိၤဒိ. 17:10

ပှၤသူၣ်ဆးသးဆးတဂၤမၤလိန့ၢ်တၢ်ခီဖျိတၢ်သိၣ်ဃီၣ်တထံၣ်ဒိၣ် န့ၣ်ဒံးပှၤဟးဂီၤဖိတဂၤမၤလိန့ၢ်တၢ်ခီဖျိတၢ်တီၢ်အီၤအဘီ တကယၤတက့ၢ်လီၤ.

တၢ်ကတိၤဒိ. 25:9

ဖဲနၤဒီးပှၤလၢနဃၢၤအိၣ်ဒီးတၢ်ဆိကမိၣ်တမံၤလၢအလီၤဆီလိာ် အသးန့ၣ်, မၤဘၣ်လိာ်က့ၤအီၤလၢသုဝဲကဒဲကဒဲအဘၢၣ်စၢၤဒီးလီၣ်ဖျါတၢ် ခူသူၣ်နီတမံၤတဂ့ၤ.

တၢ်ကတိၤဒိ. 27:5

ဂ့ၤဒိၣ်တက့ၢ်လၢတၢ်သိၣ်ဃီၣ်ပှၤတဂၤဂၤဖျိဖျိဖျါဖျါအါန့ၢ် ဒံးတၢ်ပျဲအဆိကမိၣ်ဝဲလၢနတသူၣ်အိၣ်သးအိၣ်အီၤနီတစဲးဘၣ် တခီန့ၣ်လီၤ.

လံာ်မးသဲ 18:15

နဒီပုၢ်ဝဲၢ်ပှၤနာ်တၢ်ဖိဒ်သိးသိးဒီးနၤမ့ၢ်မၤကမၣ်ဘၣ်နၤဒီး, လဲၤဆူအအိၣ်ဒီးတဲဘၣ်အီၤလၢအတၢ်ကမၣ်တက့ၢ်. တဲအီၤထဲလၢသုခံဂၤအဘၢၣ်စၢၤတက့ၢ်. အဝဲမ့ၢ်ဒိကနၣ်နၤဒီး, နန့ၢ်က့ၤနဒီပုၢ်ဝဲၢ်လံ.

လံာ်ပှၤစံၣ်ညီၣ်ကွီၢ် 1:15

ဒီးအဝဲစံးဘၣ်အီၤ, “ယသးလီထံပူၤတနီၤလီၤ. တၢ်လီၢ်လၢနဟ့ၣ်တ့ၢ်ယၤန့ၣ်အိၣ်လၢကီၢ်အဃ့ထီတဘ့ၣ်အပူၤလီၤ.” မၤသးဒ်န့ၣ်ဒီးစီၤကၤလ့းဟ့ၣ်အီၤလၢထံထီၣ်ပၢၢ်လၢထးခီဒီး လာ်ခီတဖၣ်န့ၣ်လီၤ.