လံာ်တၢ်ကဲထီၣ်အခီၣ်ထံး 21:23 - Sgaw Karen Common Bible

²³ လၢတၢ်န့ၣ်အဃိဆိၣ်လီၤနသးဖဲအံၤလၢကစၢ်ယွၤအမဲာ်ညါလၢနသု တလီန့ၢ်ယၤ, ယဖိတဖၣ်ဒီးယစၢၤယသွဲၣ်တဖၣ်န့ၣ်တဂ့ၤ. ယတီတ့ၢ်ဒီးနၤအဃိ အၢၣ်လီၤယၤလၢနကတီစ့ၢ်ကီးဒီးယၤဒီးထံကီၢ်အံၤလၢနအိၣ် နဆိးလၢအပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 21:23 Iomraidhean Croise

လံာ်တၢ်ကဲထီၣ်အခီၣ်ထံး 20:14

ဒီးစီၤအဘံၤမ့လ့းဟ့ၣ်က့ၤနီၢ်စၤရါဆူစီၤအၤဘြၤဟၣ်အအိၣ် ဒီးဟ့ၣ်စ့ၢ်ကီးဝဲသိ, ဂီၤဘုၣ်ဂီၤဖံးဒီးကုၢ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:24

စီၤအၤဘြၤဟၣ်စံးဘၣ်အီၤ, “ယအၢၣ်လီၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 24:3

ယအဲၣ်ဒိးလၢနကမၤတၢ်ဆိၣ်တမံၤလၢယွၤ, မူခိၣ်ဒီးဟီၣ်ခိၣ်အကစၢ်ယွၤအမံၤအပူၤလၢနတဃုထၢန့ၢ်ဘၣ်ယဖိ ခွါအမါတဂၤလၢပှၤဂီၢ်မုၢ်ဖဲအံၤလၢကီၢ်ကနၤဧၣ်အပူၤဘၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 26:28

ဒီးအဝဲသ့ၣ်စံးဆၢဝဲ, “ဒီးခဲကနံၣ်အံၤ, ပသ့ၣ်ညါလၢယွၤအိၣ်ဒီးနၤလီၤ. ဒီးပဆိကမိၣ်လၢတၢ်အၢၣ်လီၤအီ လီၤသညူးသပှၢ်တမံၤကြၢးအိၣ်လၢပဘၢၣ်စၢၤန့ၣ်လီၤ. ပအဲၣ်ဒိးလၢနကအၢၣ်လီၤပှၤ,

လံာ်တၢ်ကဲထီၣ်အခီၣ်ထံး 31:44

ယအိၣ်ကတဲာ်ကတီၤယသးလၢယကမၤတၢ်သးလီၤပလိာ်တမံၤဒီးနၤလီၤ. မ်ပပာ်ဖှိၣ်သကိးလၢၢ်ဒီးဒုးကဲထီၣ်ထူၣ်တထူၣ်လၢကဒုးသ့ၣ်နီၣ် ထီၣ်က့ၤပှၤပတၢ်သးလီၤပလိာ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 39:3

ဒီးအကစၢ်ထံၣ်ဝဲလၢယွၤအိၣ်ဒီးစီၤယိၤသးဒီးဒုးကဲထီၣ်လိၣ် ထီၣ်တၢ်လၢအမၤဝဲတမံၤလၢ်လၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:31

စီၤယၤကိာ်စံးဝဲ, “မၤတၢ်ဆိၣ်တမံၤလၢနကမၤအီၤန့ၣ်တ က့ၢ်.” ဒီးစီၤယိၤသးမၤတၢ်ဆိၣ်န့ၣ်, ဒီးစီၤယၤကိာ်စံးဘျုးစံး ဖှိၣ်တၢ်ဖဲန့ၣ်, လၢလီၢ်မံခိၣ်န့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

ဧ့ၤဘြံၤ 6:16

ဖဲပှၤကညီဆိၣ်လီၤအသးန့ၣ်, အဝဲသ့ၣ်သူပှၤလၢအဒိၣ်န့ၢ် အဝဲသ့ၣ်အမံၤဒီးတၢ်ဆိၣ်မ့ၢ်တၢ်လၢအမၤကတၢၢ်ကွံာ် တၢ်ဂ့ၢ်လိာ်ဘှီလိာ်ခဲလၢာ်လီၤ.

လံာ်စီၤယိၤၡူ 2:12

ဒီးခဲကနံၣ်အံၤဆိၣ်လီၤသုသးလၢယွၤအမဲာ်ညါလၢသုကမၤဂ့ၤ ဘၣ်ယပှၤဟံၣ်ဖိဒ် ယမၤဂ့ၤဘၣ်သုအသိးဒီးဟ့ၣ်ယၤတၢ်ပနီၣ်တမံၤလၢယနာ်န့ၢ်သုကသ့ အဂီၢ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:13

အဝဲမ့ၢ်တိာ်သူၣ်ပာ်သးလၢကမၤဆါနၤဒီး, ယမ့ၢ်တဒုးသ့ၣ်ညါနၤလၢတၢ်ဂ့ၢ်အံၤဒီးမၤပူၤဖျဲးနၤန့ၣ်, မ်ယွၤတီၢ်သံကွံာ်ယၤတက့ၢ်. မ်ယွၤအိၣ်ဒီးနၤဒ်အအိၣ်တ့ၢ် လံဒီးယပၢ်အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:17

မၤကဒီးတစု, စီၤယိနၤသၣ်မၢစီၤဒၤဝံးမၤတၢ်အၢၣ်လီၤအီ လီၤလၢကအဲၣ်အီၤလီၤ. အဂ့ၢ်ဒ်အံၤစီၤယိနၤသးအဲၣ်စီၤဒၤဝံးဒ်အအဲၣ်လီၤအသးဒၣ်ဝဲ အသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:15

စီၤဒၤဝံးသံကွၢ်အီၤ, “နကဆှၢပှၤဆူပှၤဂုာ်ဆူၣ်ပျိဆူၣ်တၢ်တဖၣ်န့ၣ်အအိၣ်ဧါ.” ဒီးအဝဲဒၣ်စံးဆၢဝဲ, “နမ့ၢ်အၢၣ်လီၤလၢကစၢ်ယွၤအမံၤအပူၤ လၢနတမၤသံယၤဘၣ်မ့ၢ်ဂ့ၤဟ့ၣ်လီၤကဒါက့ၤယၤဆူယကစၢ်အစုပူၤ မ့ၢ်ဂ့ၤဘၣ်ဒီးယကဆှၢနၤလီၤ.”