လံာ်တၢ်ကဲထီၣ်အခီၣ်ထံး 21:14 - Sgaw Karen Common Bible

¹⁴ လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 21:14 Iomraidhean Croise

လံာ်တၢ်ကဲထီၣ်အခီၣ်ထံး 16:7

ယွၤအကလူးထံၣ်န့ၢ်နီၢ်ဟၤကၢ်ဖဲမဲးမုၢ်ခိၣ်အထံထီၣ်ပၢၢ်တတီၤ လၢကျဲလဲၤဆူဝ့ၢ်ၡူၢ်,

လံာ်တၢ်ကဲထီၣ်အခီၣ်ထံး 19:27

ဒီးလၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်စီၤအၤဘြၤဟၣ်လဲၤချ့ ချ့ဆူတၢ်လီၢ်လၢအဂဲၤဆၢထၢၣ်တ့ၢ်ဝဲလၢယွၤအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 21:13

ယကဟ့ၣ်စ့ၢ်ကီးကုၢ်ပိာ်မုၣ်အံၤအဖိခွါလၢအဖိတဖၣ်ဒ်သိးအဝဲ သ့ၣ်ကကဲထီၣ်ပှၤတကလုာ်န့ၣ်လီၤ. အဝဲစ့ၢ်ကီးမ့ၢ်နဖိခွါန့ၣ်လီၤ.”

လံာ်တၢ်ကဲထီၣ်အခီၣ်ထံး 21:15

ဒီးတုၤထံလၢာ်ကွံာ်ဝဲဒၣ်န့ၣ်ဒီးပာ်တီၢ်ဝဲဖိသၣ်လၢတပှီာ် တခိၣ်အဖီလာ်,

လံာ်တၢ်ကဲထီၣ်အခီၣ်ထံး 21:31

လၢတၢ်န့ၣ်အဃိ, တၢ်လီၢ်အံၤဘၣ်တၢ်ကိးအီၤလၢဘ့ၢ်ၡဘၤ, မ့ၢ်လၢအဝဲသ့ၣ်ခံဂၤမၤတၢ်အၢၣ်လီၤအီလီၤဖဲန့ၣ်အဃိလီၤ.

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:19

ဒီးစီၤအၤဘြၤဟၣ်က့ၤကဒါက့ၤဆူအခ့အပှၤတဖၣ်အအိၣ်ဒီးအဝဲ သ့ၣ်က့ၤသကိးဝဲဆူဝ့ၢ်ဘ့ၢ်ၡဘၤဖဲစီၤအၤဘြၤဟၣ်သူၣ်လီၤဆီ လီၤအတၢ်အိၣ်တၢ်ဆိးအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:54

အန့ၣ်ဝံၤဒီး, စီၤအၤဘြၤဟၣ်အခ့အပှၤဒီးပှၤလၢအိၣ်ဒီးအီၤ တဖၣ်အီၣ်တၢ်အီတၢ်ဒီးမံဝဲဖဲန့ၣ်လီၤ. ဒီးတုၤအပၢၢ်ထီၣ်လၢမုၢ်ဂီၤန့ၣ်အဝဲစံး, “ပျဲယက့ၤကဒါက့ၤ ဆူယကစၢ်အအိၣ်တက့ၢ်.”

လံာ်တၢ်ကဲထီၣ်အခီၣ်ထံး 25:6

မ့မ့ၢ်, ဖဲအအိၣ်မူဒံးဝဲအခါန့ၣ်ဟ့ၣ်ဝဲတၢ်ဟ့ၣ်သ့ၣ်တဖၣ်ဆူ အဖိခွါတဖၣ်လၢအမါအဂၤတဖၣ်ဆံးစၢ်န့ၢ်အီၤန့ၣ်လီၤ. ဒီးဆှၢလီၤအဖိခွါသ့ၣ်တဖၣ်အံၤဆူကီၢ်လၢမုၢ်ထီၣ်လၢအယံၤ ဒီးအဖိခွါစီၤအံၤစဲးန့ၣ်လီၤ.

လံာ်တၢ်ကဲထီၣ်အခီၣ်ထံး 26:31

လၢမုၢ်ဆ့ၣ်ထီၣ်တနံၤဂီၤဂီၤန့ၣ်, တဂၤစုာ်စုာ်မၤအတၢ်အၢၣ်လီၤ ဒီးစဲပနီၣ်တံၢ်အီၤလၢတၢ်ဆိၣ်တမံၤလီၤ. စီၤအံၤစဲးကတိၤတၢ်လီၤမုၢ်လီၤဖးအတၢ်ဆၢဂ့ၤဒီးအဝဲသ့ၣ် ဒီးဟးဖးဝဲဒ်တံၤသကိးတဖၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 26:33

ဒီးစီၤအံၤစဲးကိးဝဲထံပူၤအံၤလၢဘ့ၢ်ၡဘၤအခီပညီ, “တၢ်ဆိၣ်” န့ၣ်လီၤ. တၢ်န့ၣ်မ့ၢ်ဝ့ၢ်ဘ့ၢ်ၡဘၤဒိးန့ၢ်မံၤအံၤဒ်လဲၣ်အဂ့ၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:18

စီၤယၤကိာ်ပၢၢ်ထီၣ်ဂီၤဂီၤလၢမုၢ်ဆ့ၣ်ထီၣ်တနံၤဒီးဟံးန့ၢ် လၢၢ်လၢအတခၢၣ်ဝဲဒီးပာ်ထီၣ်ဝဲဒ်တၢ်သ့ၣ်နီၣ်တမံၤအသိးန့ၣ်လီၤ. ဒီးလူလီၤဝဲသ့ၣ်စၤယံးအသိလၢအဖီခိၣ်ဒ်သိးကပာ်စီဆှံထီၣ် ဝဲဆူကစၢ်ယွၤအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:15

ဒီးလဲၤဝ့ၤဝီၤတၢ်လၢထံလီၢ်ကီၢ်ပူၤန့ၣ်, ဖဲပှၤတဂၤထံၣ်အီၤဒီးသံကွၢ်အီၤ, “နဃုတၢ်မနုၤလဲၣ်.”

လံာ်တၢ်ကဲထီၣ်အခီၣ်ထံး 46:1

စီၤယၤကိာ်ဘိၣ်ထီၣ်စှၢၤထီၣ်ကယဲၢ်တၢ်အိၣ်ဒီးအီၤခဲလၢာ်ဒီး လဲၤဝဲဆူဝ့ၢ်ဘ့ၢ်ၡဘၤ, ဖဲတၢ်လီၢ်လၢအလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူအပၢ်စီၤအံၤ စဲးအကစၢ်ယွၤအအိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:3

စီၤအ့ၤလံယၤပျံၤတၢ်ဒီးဃ့ၢ်ပူၤဖျဲးလၢအသးသမူအဂီၢ်လီၤ. အဝဲကိးထီၣ်အခ့အပှၤဒီးလဲၤဝဲဆူဝ့ၢ်ဘ့ၢ်ၡဘၤလၢကီၢ်ယူဒၤ အပူၤန့ၣ်လီၤ. အဝဲပာ်တီၢ်အခ့အပှၤဖဲန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 29:20

လၢတၢ်တမၤယံာ်မၤနီၢ်သးအပူၤန့ၣ်, စီၤပၤဃံးစကံယၤကိးဖှိၣ် ဝ့ၢ်အပှၤတူၢ်ဒိၣ်ကီၤဒိၣ်တဖၣ်, ဒီးအဝဲသ့ၣ်လဲၤသကိးဝဲဆူယွၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 107:4

ပှၤတနီၤလဲၤဝ့ၤဝီၤတၢ်လၢပှၢ်မုၢ်ကနၢ, လၢတၢ်လီၢ်အိၣ်သယုၢ်အပူၤ, ဒီးတထံၣ်န့ၢ်ကျဲဆူ ဝ့ၢ်လၢကအိၣ်ဝဲဆိးဝဲလၢအပူၤအဂီၢ်န့ၣ်ဘၣ်.

စံးထီၣ်ပတြၢၤ 119:60

လၢတၢ်တမၤယံာ်မၤနီၢ်သးဘၣ်အပူၤ, ယမၤချ့ချ့ဒ်သိးယကတိၢ်န့ၢ်ဖံးဃာ် နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 27:14

တၢ်ထိၣ်ဂဲၤဆၢထၢၣ်နတံၤသကိးဂီၤဂီၤလၢနတၢ်ဆၢဂ့ၤဆၢဝါအီၤ လၢနကလုၢ်ဖးဒိၣ်န့ၣ်, ကမ့ၢ်ဘၣ်ဖုးနဆိၣ်အၢအီၤတခီန့ၣ်လီၤ.

တၢ်ကတိၤဒိ. 27:8

ပှၤတဂၤလၢအအိၣ်ယံၤဒီးဟံၣ်န့ၣ်, လီၤဂာ်ဒီးထိၣ်တဘ့ၣ်လၢအယံၤဒီးအသွံလီၤ.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယၡါယၤ 16:8

စံာ်ပျီဘူးဒီးဝ့ၢ်ဃ့ၡဘိၣ်တဖၣ်ဒီးစံးဘမၤအစပံးလီၢ်တဖၣ်ဘၣ် တၢ်မၤဟးဂီၤအီၤလံ. စပံးထံလၢစပံးလီၢ်တဖၣ်အံၤန့ၣ်ညီနုၢ်မၤ မူၤမၤဘှီးပှၤကလုာ်အစီၤပၤတဖၣ်, ဒီးလၢတဘျီန့ၣ်, စပံးမုၢ်တဖၣ်အံၤသလၣ်လီၤအသးတုၤလၢဝ့ၢ်ယၤစ့ၢ်, ဒီးဆူမုၢ်ထီၣ်တကပၤတုၤလၢပှၢ်မုၢ်ကနၢ, ဒီးဆူမုၢ်နုာ်တကပၤတုၤဆူပီၣ်လဲၣ်သံအဘးခီတခီန့ၣ်လီၤ.

လံာ်ယိၤဟၣ် 8:35

ဒီးကုၢ်န့ၣ်တဘၣ်ဃးဒီးဒူၣ်ဖိထၢဖိတဒူၣ်ထီဘိတထံၣ် ဃီဘၣ်. မ့မ့ၢ်ဖိခွါတဂၤန့ၣ်, ဘၣ်ဃးဖဲန့ၣ်လီၤစိၤလီၤထီလီၤ.

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:12

လၢမုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲလဲၤထီၣ်ဒ်သိးကထံၣ်လိာ် စီၤစီလူးန့ၣ်လီၤ. အဝဲနၢ်ဟူဝဲလၢစီၤစီလူးလဲၤဆူဝ့ၢ်ကၢ်မ့ၤလး, ဖဲအတ့ထီၣ်ကစၢ်ဒၣ်ဝဲအဂီၤလၢလၢၢ်ထူၣ်အလီၢ်န့ၣ်, ဝံၤဒီးလဲၤဝဲဆူဝ့ၢ်ကံးလကၤလးန့ၣ်လီၤ.