လံာ်တၢ်ကဲထီၣ်အခီၣ်ထံး 21:11 - Sgaw Karen Common Bible

¹¹ ဒီးတၢ်အံၤမၤကိၢ်မၤဂီၤစီၤအၤဘြၤဟၣ်ဒိၣ်မးလၢစီၤယံးၡမၤ ဧ့လးစ့ၢ်ကီးမ့ၢ်စီၤအၤဘြၤဟၣ်အဖိခွါအဃိန့ၣ်လီၤ.

လံာ်တၢ်ကဲထီၣ်အခီၣ်ထံး 21:11 Iomraidhean Croise

လံာ်တၢ်ကဲထီၣ်အခီၣ်ထံး 17:18

ဒီးစီၤအၤဘြၤဟၣ်သံကွၢ်ကစၢ်ယွၤ, “နတပျဲစီၤယံးၡမၤဧ့လး မ့ၢ်ယပှၤန့ၢ်သါတၢ်န့ၣ်ဘၣ်မနုၤအဃိလဲၣ်.”

လံာ်တၢ်ကဲထီၣ်အခီၣ်ထံး 21:12

ဒီးကစၢ်ယွၤစံးဘၣ်စီၤအၤဘြၤဟၣ်, “တဘၣ်ဘၣ်ယိၣ်တၢ်လၢဖိသၣ်ပိာ် ခွါဒီးနကုၢ်ပိာ်မုၣ်နီၢ်ဟၤကၢ်အဂီၢ်တဂ့ၤ. မၤဒ်တၢ်လၢနီၢ်စၤရါတဲဘၣ်နၤန့ၣ်တက့ၢ်. အဂ့ၢ်ဒ်အံၤ, နကမၤန့ၢ်နစၢၤနသွဲၣ်ဒ်ယအၢၣ်လီၤတ့ၢ်နၤအသိးခီ ဖျိစီၤအံၤစဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

ဧ့ၤဘြံၤ 12:11

ဖဲပဘၣ်တၢ်သိၣ်ဃီၣ်ပှၤအဆၢကတီၢ်န့ၣ်တလီၤဂာ်ဘၣ် ပှၤလၢတၢ်သးခုဘၣ်, မ့မ့ၢ်တၢ်သးအုးလီၤ. ဘၣ်ဆၣ်ဒီး လၢခံက့ၤန့ၣ်, ပှၤလၢအဘၣ်တၢ်သိၣ်ဃီၣ်ညီနုၢ်အီၤတဖၣ် န့ၣ်, သၣ်ထီၣ်ဝဲလၢတၢ်တီတၢ်လိၤအတၤသၣ်လၢအဘၣ် ဃးဒီးတၢ်ဃူတၢ်ဖိးလီၤ.