လံာ်တၢ်ကဲထီၣ်အခီၣ်ထံး 20:7 - Sgaw Karen Common Bible

⁷ မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 20:7 Iomraidhean Croise

လံာ်တၢ်ကဲထီၣ်အခီၣ်ထံး 12:15

ဒီးစီၤပၤဖၤရိၤအပဒိၣ်ဖးဒိၣ်တနီၤထံၣ်ဝဲနီၢ်စၤရဲဒီးတဲ ဘၣ်စီၤပၤလၢအဃံလၤဝဲထဲလဲၣ်န့ၣ်လီၤ. လၢတၢ်န့ၣ်အဃိအဝဲဘၣ်တၢ်က့ၤစိာ်အီၤဆူစီၤပၤအနီပူၤလီၤ.

လံာ်တၢ်ကဲထီၣ်အခီၣ်ထံး 12:17

ဘၣ်ဆၣ်မ့ၢ်လၢစီၤပၤဟံးန့ၢ်နီၢ်စၤရဲအဃိယွၤဒုးအိၣ်ထီၣ်တၢ် ဆူးတၢ်ဆါလီၤပျံၤလီၤဖုးလၢစီၤပၤဒီးအပှၤဂီၢ်မုၢ်လၢအနီ ပူၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 20:3

ဘၣ်မုၢ်တနၤကစၢ်ယွၤလီၣ်ဖျါထီၣ်အသးလၢအီၤလၢတၢ်မံမီၢ်အပူၤ ဒီးစံးဝဲ, “မ့ၢ်လၢနဟံးန့ၢ်ပိာ်မုၣ်လၢအဒိးတ့ဒိးဖျီ အသးအဃိနကသံလီၤ.”

လံာ်တၢ်ကဲထီၣ်အခီၣ်ထံး 20:8

ဒီးလၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်စီၤအဘံၤမ့လ့းကိး န့ၢ်အပဒိၣ်ခဲလၢာ်ဒီးတဲဘၣ်တၢ်လၢအမၤတ့ၢ်အသးတဖၣ်န့ၣ်လီၤ. ဒီးအဝဲသ့ၣ်ပျံၤတၢ်ဖုးတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 23:6

ပပာ်ကဲနၤဒ်ခိၣ်နၢ်တဂၤလၢအစိဒိၣ်ကမီၤထီလီၤ. ခူၣ်လီၤနမါလၢတၢ်သွၣ်ခိၣ်အဂ့ၤကတၢၢ်လၢအအိၣ်ဒီးပှၤန့ၣ်တ က့ၢ်. ပဝဲဒၣ်အကျါတဂၤလၢ်လၢ်ကသးခုဟ့ၣ်နၤတၢ်သွၣ်ခိၣ်တခါလၢနခူၣ် လီၤအီၤကသ့အဂီၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:11

ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:22

မၤဆူးမၤဆါယခ့ယပှၤလၢယဃုထၢအီၤတဖၣ်တဂ့ၤ. ထိးဘူးယဝံတဖၣ်တဂ့ၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:18

အါန့ၢ်အန့ၣ်, ပှၤအါဂၤလၢအဟဲတ့ၢ်ဝဲလၢအ့ဖရဲၣ်, မနၤၡ့ၤ, ယံးစၣ်ကၢ်ဒီးစဘူလိၣ်အဒူၣ်တဖၣ်န့ၣ်, ကမၤကဆှီထီၣ်အသးဒ်တၢ်အလုၢ်အလၢ်အိၣ်ဝဲအသိးဒၣ်လဲာ်, အဝဲသ့ၣ်မၤဘူၣ်လဲၤကပာ်လၢတၢ်တကြၢးဝဲဘၣ်ဝဲအပူၤန့ၣ်လီၤ. စီၤပၤဃံးစကံယၤဘါထုကဖၣ်တၢ်လၢအဝဲသ့ၣ် အဂီၢ်ဒ်လၢလာ်အံၤန့ၣ်လီၤ.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

လံာ်စီၤယိၤဘး 42:8

ဒီးခဲကနံၣ်အံၤ, ဟံးန့ၢ်ဂီၤဖံးဖါနွံဒုဒီးသိဖါနွံဒုဒီးလဲၤဆူယခ့ ယပှၤစီၤယိၤဘးအအိၣ်ဒီးလုၢ်ထီၣ်တၢ်လုၢ်မ့ၣ်အူလၢသုဂီၢ် တက့ၢ်. စီၤယိၤဘးကဘါထုကဖၣ်တၢ်လၢသုဂီၢ်ဒီးယကစံး ဆၢအတၢ်ထုကဖၣ်လီၤ. ဒီးယတမၤတရီတပါသုဒ်သုကြၢး ဒိးန့ၢ်ဝဲအသိးန့ၣ်ဘၣ်. သုတစံးတၢ်လၢယဂ့ၢ်ယကျိၤလၢ အတီအလိၤဒ်အစံးတ့ၢ်ဝဲအသိးန့ၣ်ဘၣ်.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 18:17

တုၤနုၤတစုစီၤယံးသရိၤစံးဝဲ, “နမၤတၢ်အံၤအကျဲတဘၣ်ဘၣ်.

လံာ်တၢ်ဟးထီၣ်ကွံာ် 4:16

အဝဲကမ့ၢ်ပှၤကတိၤတၢ်ဆူပှၤဂီၢ်မုၢ်လၢနဂီၢ်န့ၣ်လီၤ. ဒီးနဲဒၣ်နကအိၣ်လၢကစၢ်ယွၤအလီၢ်လၢအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 7:1

ဒီးယွၤစံးဘၣ်စီၤမိၤၡ့, “ယကဒုးကဲထီၣ်နၤလီၤဂာ်ဒ်သိး ကစၢ်ယွၤလၢအဲၤကူပတူးအစီၤပၤအဂီၢ်ဒီးနဒီပုၢ်ဝဲၢ်စီၤအၤ ဟရိၣ်ကကတိၤတၢ်ဒီးအီၤဒ်ဝံတဂၤအသိးန့ၣ်လီၤ.

လံာ်ယံးရမံယၤ 14:11

ယွၤစံးဘၣ်ယၤ, “တဘၣ်ဃ့ဘါထုကဖၣ်ယၤလၢယကမၤစၢၤပှၤဂီၢ်မုၢ်သ့ၣ်တဖၣ်အံၤတဂ့ၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 27:18

အဝဲသ့ၣ်မ့မ့ၢ်ဝံနီၢ်နီၢ်တဖၣ်ဒီး အဝဲသ့ၣ်မ့ၢ်အိၣ်ဒီးယတၢ်ကစီၣ်န့ၣ်ဒီး, မ်အဝဲသ့ၣ်ဃ့ကညးယၤ, ယွၤသ့တၢ်လၢာ်လၢ, ယသုတပျဲ တၢ်စိာ်ထီၣ်ကွံာ်တၢ်လုၢ်ဒိၣ်ပှ့ၤဒိၣ်တဖၣ်လၢ အအိၣ်တ့ၢ်ဒံးလၢ ယွၤအတၢ်လုၢ်ဟံၣ်အပူၤ ဒီးစီၤပၤအနူၢ်ပူၤန့ၣ်, ဆူကီၢ်ဘၤဘူၤလိၣ်တဂ့ၤ, န့ၣ်တက့ၢ်.

လံာ်ယဃ့းစက့လး 3:18

ယမ့ၢ်စံးလၢ ပှၤအအၢအသီတဂၤန့ၣ် ကသံဝဲလီၤ, ဘၣ်ဆၣ်ဒီး နမ့ၢ် တဟ့ၣ်ပလီၢ်အီၤလၢ ကလဲလိာ်အကျဲတဖၣ် ဒ်သိးအဝဲကအုၣ်က့ၤ ခီၣ်က့ၤအသးသမူဘၣ်န့ၣ်, အဝဲကသံဝဲဒ် အမ့ၢ်ဒံးဒၣ်ပှၤတၢ်ဒဲးဘးဖိ တဂၤအသိးန့ၣ်လီၤ. ဘၣ်ဆၣ်ဒီး, ယကဟံးဃာ်နၤဒ် ပှၤအိၣ်မူအိၣ်ဒါလၢ အဝဲအတၢ်သံအဂီၢ်န့ၣ်လီၤ.

လံာ်ယဃ့းစက့လး 33:8

ယမ့ၢ်ပာ်ဖျါထီၣ်လၢပှၤအအၢအသီတဂၤကဘၣ်သံဝဲ, ဘၣ်ဆၣ်နမ့ၢ်တဟ့ၣ်ပလီၢ်အီၤလၢအဝဲ ကလဲလိာ်ကွံာ်အကျဲတဖၣ်ဒ်သိးအဝဲအုၣ်က့ၤခီၣ်က့ၤလီၤအသးကသ့, ဒီးအဝဲကသံဒံးဒၣ်ဒ်ပှၤတၢ်ဒဲးဘးတဂၤအသိးဒီး ယကပာ်မူပာ်ဒါနၤလၢအဝဲအတၢ်သံအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:4

ဒီးတုၤပှၤတဂၤဂၤမၤတၢ်ဒဲးဘးလၢအဘၣ်ထွဲဒီးတၢ်တမံၤမံၤအံၤန့ၣ်, အဝဲကဘၣ်ဟ့ၣ်က့ၤတၢ်လၢအမၤန့ၢ်ဝဲလၢတၢ်တတီတလိၤအပူၤတမံၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:7

ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ကမၣ်လၢအဂီၢ်ဒီး အတၢ်ကမၣ်ကဘၣ်တၢ်ပျၢ်ကွံာ်အီၤလီၤ.

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

1 ကရံၣ်သူး 14:4

ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ်, မၤစၢၤလီၤက့ၤအသးဒၣ်ဝဲတဂၤဧိၤလီၤ. မ့မ့ၢ်ပှၤတဂၤလၢအကတိၤတၢ်လၢဝံအကျိာ်န့ၣ်မၤစၢၤတၢ်အိၣ် ဖှိၣ်ဒီဖုညါလီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:5

တုၤနုၤတစုစီၤၡမူၤအ့လးမၤလိာ်ကယဲၢ်ပှၤအံၣ်စရ့လးဖိတဖၣ် လၢကထံၣ်လိာ်သးဖဲဝ့ၢ်မံးစပၤန့ၣ်, ဒီးစံးဘၣ်အဝဲသ့ၣ်, “ယကဘါထုကဖၣ်တၢ်ဆူယွၤအအိၣ်လၢသုဂီၢ်ဖဲန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 7:8

ဒီးအဝဲသ့ၣ်စံးဘၣ်စီၤၡမူၤအ့လး, “ဘါထုကဖၣ်တၢ်တထံၣ်ဃီဆူကစၢ်ယွၤ အအိၣ်လၢအကအုၣ်က့ၤခီၣ်က့ၤပှၤလၢပှၤဖလ့ၡသးဖိအစုပူၤတက့ၢ်.”