လံာ်တၢ်ကဲထီၣ်အခီၣ်ထံး 20:6 - Sgaw Karen Common Bible

⁶ ကစၢ်ယွၤစံးဆၢက့ၤအီၤလၢတၢ်မံမီၢ်အပူၤ, “မ့ၢ်လီၤ. ယသ့ၣ်ညါလၢနမၤတ့ၢ်တၢ်အံၤလၢတၢ်သးကဆှီ အပူၤလီၤ. လၢတၢ်န့ၣ်အဃိယဟံးဃာ်နၤဒ်သိးနသုတမၤတၢ်ဒဲးဘး ထီဒါယၤဒီးယတပျဲနထိးဘၣ်စ့ၢ်ကီးအီၤဘၣ်.

လံာ်တၢ်ကဲထီၣ်အခီၣ်ထံး 20:6 Iomraidhean Croise

လံာ်တၢ်ကဲထီၣ်အခီၣ်ထံး 26:11

ဒီးစီၤအဘံၤမ့လ့းဟ့ၣ်ပလီၢ်ကယဲၢ်ပှၤခဲလၢာ်, “ပှၤတဂၤလၢ်လၢ်လၢအမၤတရီတပါစီၤအံၤစဲးမ့ၢ်ဂ့ၤ, အမါမ့ၢ်ဂ့ၤန့ၣ်ကဘၣ်တၢ်မၤသံအီၤလီၤ.”

လံာ်တၢ်ကဲထီၣ်အခီၣ်ထံး 3:3

ဘၣ်ဆၣ်ဒီးသ့ၣ်အိၣ်လၢတၤသၣ်လီၢ်အခၢၣ်သးန့ၣ်ပတဘၣ်အီၣ်အီၤဘၣ်. ကစၢ်ယွၤတဲပှၤလၢပတဘၣ်အီၣ်သ့ၣ်န့ၣ်အသၣ်ဘၣ်. ပတဘၣ်ထိးဒၣ်လဲာ်အီၤဘၣ်. ပမ့ၢ်အီၣ်ဒီးပကသံလီၤ.”

လံာ်တၢ်ကဲထီၣ်အခီၣ်ထံး 31:24

လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ကဲထီၣ်အခီၣ်ထံး 31:7

အန့ၣ်ဒၣ်လဲာ်အဝဲလီန့ၢ်ယၤဒီးလဲလိာ်ယဘူးယလဲအဘျီတဆံလီၤ. ဘၣ်ဆၣ်ဒီးကစၢ်ယွၤတပျဲအမၤဆါယၤဘၣ်.

လံာ်တၢ်ကဲထီၣ်အခီၣ်ထံး 35:5

တုၤစီၤယၤကိာ်ဒီးအဖိခွါတဖၣ်စးထီၣ်ဟးထီၣ်န့ၣ်တၢ်ပျံၤတၢ် ဖုးဖးဒိၣ်လီၤဘၣ်လၢပှၤဂီၢ်မုၢ်လၢအအိၣ်လၢဝ့ၢ်အိၣ်ဘူးအိၣ် တံၢ်တဖၣ်အလိၤဒီးတလူၤဘၣ်အဝဲသ့ၣ်ဘၣ်.

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်တၢ်ဟးထီၣ်ကွံာ် 34:24

ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

တၢ်ကတိၤဒိ. 6:29

တၢ်မံဃုာ်ဒီးပှၤအဂၤတဂၤအမါန့ၣ်မ့ၢ်တၢ်လၢအလီၤပျံၤလီၤဖုး ဒ်န့ၣ်အသိးလီၤ. ပှၤလၢအမၤတၢ်အံၤတဂၤလၢ်လၢ်န့ၣ်ကတူၢ်ဘၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 6:2

ပှၤတဂၤဂၤမ့ၢ်မၤတၢ်ဒဲးဘးထီဒါယွၤခီဖျိတၢ်တဟ့ၣ်က့ၤတၢ် ဟ့ၣ်ကီၤပာ်မ့ၢ်ဂ့ၤ, တၢ်ဂုာ်ဆူၣ်ပျီဆူၣ်မ့ၢ်ဂ့ၤ, တၢ်လီအီၣ်ဝ့ၤ အီၣ်ပှၤလၢအဃၢၤမ့ၢ်ဂ့ၤ,

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

1 ကရံၣ်သူး 7:1

အခဲအံၤ, ပကကွၢ်ဆိကမိၣ်ဘၣ်ဃးဒီးတၢ်ဂ့ၢ်တၢ်ကျိၤလၢ သုကွဲးဖျါတ့ၢ်သုဝဲတဖၣ်န့ၣ်လီၤ. ပှၤပိာ်ခွါတဂၤမ့ၢ်တန့ၢ် အမါန့ၣ်ဂ့ၤဝဲလီၤ.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

၂ သ့းစၤလနံ 2:11

လၢတၢ်န့ၣ်အဃိ, ယွၤမၢလီၤတၢ်ဆိကမိၣ်လၢအဆှၢ ကမၣ်တၢ်ဆူၣ်ဆူၣ်ကလဲာ်လၢအဝဲသ့ၣ်အပူၤဒ်သိး အဝဲသ့ၣ်ကနာ်တၢ်လၢအတမ့ၢ်တတီဘၣ်,

၂ သ့းစၤလနံ 2:7

ခဲကနံၣ်အံၤ ဒၣ်လဲာ်, တၢ်အၢတၢ်သီခူသူၣ်န့ၣ်မၤတ့ၢ်လံတၢ်လံ. ဘၣ်ဆၣ်ဒီး တချုးဒံးဘၣ်လၢပှၤတဂၤလၢ အတြီမၤတံာ်တာ်တၢ်တဂၤဘၣ်တၢ်သုးကွံာ်အီၤဒံးဘၣ်န့ၣ်, တၢ်န့ၣ်တမၤဒံးအသးဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:34

ယွၤတြီဃာ်ယၤလၢတၢ်မၤဆါဘၣ်သုလီၤ. ဘၣ်ဆၣ်ဒီးယဆိၣ်တၢ်လၢ ကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤလၢနမ့ၢ်တမၤတ့ၢ် နဲချ့ချ့လၢနကထံၣ်လိာ်ယၤဘၣ်ဒီးကယဲၢ်စီၤနၤဘလးအပှၤပိာ် ခွါတဖၣ်န့ၣ်တုၤမုၢ်ဆ့ၣ်ထီၣ်ဒီးကသံဝဲကိးဂၤဒဲးလီၤ.”