လံာ်တၢ်ကဲထီၣ်အခီၣ်ထံး 20:2 - Sgaw Karen Common Bible

² အဝဲစံးလၢအမါနီၢ်စၤရါန့ၣ်မ့ၢ်အဒီပုၢ်ဝဲၢ်မုၣ်န့ၣ်လီၤ. လၢတၢ်န့ၣ်အဃိဝ့ၢ်ကရၢ်အစီၤပၤစီၤအဘံၤမလ့းမၢပှၤဟဲစိာ်န့ၢ် နီၢ်စၤရါဆူအအိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 20:2 Iomraidhean Croise

လံာ်တၢ်ကဲထီၣ်အခီၣ်ထံး 12:15

ဒီးစီၤပၤဖၤရိၤအပဒိၣ်ဖးဒိၣ်တနီၤထံၣ်ဝဲနီၢ်စၤရဲဒီးတဲ ဘၣ်စီၤပၤလၢအဃံလၤဝဲထဲလဲၣ်န့ၣ်လီၤ. လၢတၢ်န့ၣ်အဃိအဝဲဘၣ်တၢ်က့ၤစိာ်အီၤဆူစီၤပၤအနီပူၤလီၤ.

လံာ်တၢ်ကဲထီၣ်အခီၣ်ထံး 20:12

နီၢ်စၤရါမ့ၢ်ယဒီပုၢ်ဝဲၢ်မုၣ်နီၢ်နီၢ်လီၤ. အဝဲမ့ၢ်ယပၢ်အဖိမုၣ်ဘၣ်ဆၣ်တမ့ၢ်ယမိၢ်အဖိမုၣ်န့ၣ်ဘၣ်. ဒီးယဒိးတ့ဒိးဖျီယသးဒီးအီၤလီၤ.

လံာ်တၢ်ကဲထီၣ်အခီၣ်ထံး 21:22

လၢအကတီၢ်ဖဲန့ၣ်စီၤအဘံၤမ့လ့းလဲၤတၢ်ဒီးအသုးမုၢ်အခိၣ်, စီၤဖံကိးလးဒီးစံးဘၣ်စီၤအၤဘြၤဟၣ်, “ကစၢ်ယွၤအိၣ်ဒီးနၤလၢကယဲၢ်တၢ်လၢနမၤအီၤကိးမံၤဒဲးအပူၤ န့ၣ်လီၤ.

လံာ်တၢ်ကဲထီၣ်အခီၣ်ထံး 26:1

တၢ်သၣ်ဝံၤလီၤဒိမၤအသးလၢညါလၢစီၤအၤဘြၤဟၣ်အဆၢကတီၢ်ဝံၤ အလီၢ်ခံမၤကဒီးအသးတဘျီလၢထံကီၢ်အပူၤန့ၣ်လီၤ. ဒီးစီၤအံၤစဲးလဲၤဝဲဆူပှၤဖလ့ၡသးဖိအစီၤပၤစီၤအဘံၤမ့ လ့းအအိၣ်လၢဝ့ၢ်ကရၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:16

တုၤနုၤတစု, စီၤအဘံၤမ့လ့းစံးဘၣ်စီၤအံၤစဲး, “ဟးထီၣ်လၢပထံပကီၢ်အပူၤအံၤတက့ၢ်. အဂ့ၢ်ဒ်အံၤ, နကဲထီၣ်လံပှၤလၢအစိကမီၤဒိၣ်န့ၢ်အါန့ၢ်ပှၤတက့ၢ်လီၤ.”

လံာ်တၢ်ကဲထီၣ်အခီၣ်ထံး 26:7

ဒီးဖဲပှၤအိၣ်ဖဲန့ၣ်သ့ၣ်တဖၣ်သံကွၢ်တၢ်ဘၣ်ဃးဒီးအမါအဂ့ၢ် န့ၣ်အဝဲ စံးဆၢဝဲလၢမ့ၢ်အဒီပုၢ်ဝဲၢ်မုၢ်န့ၣ်လီၤ. မ့ၢ်လၢအပျံၤဝဲဒၣ်လၢပှၤအိၣ်ဖဲန့ၣ်ကမၤသံအီၤဒီးဟံးန့ၢ် နီၢ်ရံးဘကၤလၢအဒိၣ်တၢ်ဂ့ၤဒိၣ်မးတဂၤအဃိအဝဲတအၢၣ်လီၤဝဲဒၣ် လၢနီၢ်ရံးဘကၤမ့ၢ်အမါန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:37

ဘၣ်ဆၣ်စီၤဒိဒၤဝၤအဖိခွါစီၤအလၤဧစၢ်လၢဝ့ၢ်မရ့ၡၤဟ့ၣ် ပလီၢ်စီၤယဟိၡၤဖးစံးဝဲ, “မ့ၢ်လၢနမၤတ့ၢ်တၢ်ဒီသိၣ်ဒီမှံၤဒီးစီၤအဃၤစယၤအဃိ, ယွၤကမၤဟးဂီၤကွံာ်တၢ်လၢနဘှီထီၣ်န့ၣ်လီၤ.” ဒီးကဘီတဖၣ်ဟးဂီၤကွံာ်ဝဲဒီးတလဲၤဘၣ်တၢ်နီတစုဘၣ်

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

တၢ်ကတိၤဒိ. 24:16

အဂ့ၢ်ဒ်အံၤ, ပှၤတီပှၤလိၤတဂၤလီၤဃံၤဝဲအဘျီတဖၣ်အဘျီ သနာ်က့, တမ့ၢ်တၢ်အကါဒိၣ်ဘၣ်. ထီဘိအဝဲဂဲၤဆၢထၢၣ်ကဒါက့ၤဝဲ လီၤ. မ့မ့ၢ်တၢ်တတၢးတနါမၤဟးဂီၤကွံာ်ပှၤတတီတလိၤလီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

တၢ်ကတိၤဒိ. 6:29

တၢ်မံဃုာ်ဒီးပှၤအဂၤတဂၤအမါန့ၣ်မ့ၢ်တၢ်လၢအလီၤပျံၤလီၤဖုး ဒ်န့ၣ်အသိးလီၤ. ပှၤလၢအမၤတၢ်အံၤတဂၤလၢ်လၢ်န့ၣ်ကတူၢ်ဘၣ်ဝဲလီၤ.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

ကလီးစဲ 3:9

တဘၣ်ကတိၤလိာ်သုသးလၢတၢ်ကတိၤကဘျံးကဘျၣ်တဂ့ၤ. အဂ့ၢ်မ့ၢ်လၢသုပာ်တ့ၢ်ကွံာ်လံသုတၢ်အိၣ်မူဒီးလုၢ်လၢ် အလီၢ်လံၤတဖၣ်,