လံာ်တၢ်ကဲထီၣ်အခီၣ်ထံး 20:17 - Sgaw Karen Common Bible

^17-18 မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.

လံာ်တၢ်ကဲထီၣ်အခီၣ်ထံး 20:17 Iomraidhean Croise

လံာ်တၢ်ကဲထီၣ်အခီၣ်ထံး 12:17

ဘၣ်ဆၣ်မ့ၢ်လၢစီၤပၤဟံးန့ၢ်နီၢ်စၤရဲအဃိယွၤဒုးအိၣ်ထီၣ်တၢ် ဆူးတၢ်ဆါလီၤပျံၤလီၤဖုးလၢစီၤပၤဒီးအပှၤဂီၢ်မုၢ်လၢအနီ ပူၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 29:31

ဒီးတုၤယွၤထံၣ်ဝဲဒၣ်လၢနီၢ်လ့ၤအၤဘၣ်တၢ်အဲၣ်အီၤစှၤန့ၢ် နီၢ်ရၤဃ့လးန့ၣ်မၤဝဲဒ်သိးနီၢ်လ့ၤအၤအိၣ်ဒီးအဖိကသ့ဝဲ အဂီၢ်န့ၣ်လီၤ. မ့မ့ၢ်, နီၢ်ရၤဃ့လးအိၣ်ဒံးဝဲဒ်ပှၤတူာ်ဖိအသိးန့ၣ်လီၤ.

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်စီၤယိၤဘး 42:8

ဒီးခဲကနံၣ်အံၤ, ဟံးန့ၢ်ဂီၤဖံးဖါနွံဒုဒီးသိဖါနွံဒုဒီးလဲၤဆူယခ့ ယပှၤစီၤယိၤဘးအအိၣ်ဒီးလုၢ်ထီၣ်တၢ်လုၢ်မ့ၣ်အူလၢသုဂီၢ် တက့ၢ်. စီၤယိၤဘးကဘါထုကဖၣ်တၢ်လၢသုဂီၢ်ဒီးယကစံး ဆၢအတၢ်ထုကဖၣ်လီၤ. ဒီးယတမၤတရီတပါသုဒ်သုကြၢး ဒိးန့ၢ်ဝဲအသိးန့ၣ်ဘၣ်. သုတစံးတၢ်လၢယဂ့ၢ်ယကျိၤလၢ အတီအလိၤဒ်အစံးတ့ၢ်ဝဲအသိးန့ၣ်ဘၣ်.

တၢ်ကတိၤဒိ. 15:29

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤဒိကနၣ်ဝဲလီၤ. မ့မ့ၢ်ယွၤတကနာ်ဃုာ်ဘၣ်ပှၤအအၢအသီတဖၣ်ဘၣ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

လံာ်ယၡါယၤ 45:11

ယွၤ, ကီၢ်အံၣ်စရ့လးအကစၢ်ယွၤစီဆှံ, ပှၤလၢအတ့လီၤကျဲၤလီၤခါဆူညါတဂၤစံးဝဲ, “သုသံကွၢ်ယၤတၢ်ဘၣ်ဃးဒီးယဖိယလံၤတဖၣ် ဒီးတဲဘၣ်ယၤတၢ်လၢယကြၢးမၤန့ၣ် တပၢဘၣ်နီတဂၤဘၣ်.

လံာ်တၢ်ဂံၢ် 12:13

လၢတၢ်န့ၣ်အဃိစီၤမိၤၡ့ကိးထီၣ်ဆူယွၤအအိၣ်, ဒီးစံးဝဲဒၣ် “အိ, ကစၢ်ယွၤဧၢ, မၤဘျါအီၤတက့ၢ်.”

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

မၤတၢ် 3:24

ဒီးဝံခဲလၢာ်လၢအအိၣ်ဒီးယွၤအတၢ်ကစီၣ်, စးထီၣ်လၢစီၤၡမူၤအ့လးဒီးဝံဟဲလၢအဝဲဒၣ်အလီၢ်ခံ တဖၣ်ဘိးဘၣ်သ့ၣ်ညါဆိပာ်စ့ၢ်ကီးတၢ်လၢအမၤအသးလၢမုၢ် မဆါတနံၤအံၤတဖၣ်အဂ့ၢ်န့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ သ့းစၤလနံ 5:25

ဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်စ့ၢ်ကီးလၢပဂီၢ်တက့ၢ်.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.