လံာ်တၢ်ကဲထီၣ်အခီၣ်ထံး 20:16 - Sgaw Karen Common Bible

¹⁶ အဝဲစံးဘၣ်နီၢ်စၤရါ, “ယဟ့ၣ်နဒီပုၢ်ဝဲၢ်ခွါလၢစ့ညၣ်အဘ့ၣ် တကထိဒ်အမ့ၢ်တၢ်အုၣ်သးလၢပှၤလၢအိၣ်ဒီးနၤသ့ၣ်တဖၣ်အကျါလၢ နမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. ပှၤကိးဂၤဒဲးကသ့ၣ်ညါလၢနတမၤကမၣ်တၢ်နီတမံၤဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 20:16 Iomraidhean Croise

လံာ်တၢ်ကဲထီၣ်အခီၣ်ထံး 20:17

မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.

လံာ်တၢ်ကဲထီၣ်အခီၣ်ထံး 20:5

ဒီးစီၤအၤဘြၤဟၣ်အနီၢ်ကစၢ်ဒၣ်ဝဲစံးလၢနီၢ်စၤရါမ့ၢ်အဒီ ပုၢ်ဝဲၢ်မုၣ်ဒီးပိာ်မုၣ်စ့ၢ်ကီးစံးဝဲဒ်န့ၣ်အသိးလီၤ. ယမၤတၢ်အံၤလၢတၢ်သးကဆှီအပူၤဒီးယတမၤကမၣ်တၢ်နီ တမံၤဘၣ်.”

လံာ်တၢ်ကဲထီၣ်အခီၣ်ထံး 24:65

ဒီးသံကွၢ်ဝဲစီၤအၤဘြၤဟၣ်အခ့အပှၤန့ၣ်, “ပှၤလၢအဟဲဆူ ပအိၣ်လၢစံာ်ပျီပူၤတဂၤန့ၣ်မ့ၢ်မတၤလဲၣ်.” စီၤအၤဘြၤဟၣ်အကုၢ်န့ၣ်စံးဆၢအီၤ, “အဝဲမ့ၢ်ယကစၢ်လီၤ.” ဒီးနီၢ်ရံးဘကၤဟံးန့ၢ်နီၣ်ကျၢၢ်ဘၢမဲာ်ဒီးကးဘၢအမဲာ်လီၤ.

လံာ်တၢ်ကဲထီၣ်အခီၣ်ထံး 26:11

ဒီးစီၤအဘံၤမ့လ့းဟ့ၣ်ပလီၢ်ကယဲၢ်ပှၤခဲလၢာ်, “ပှၤတဂၤလၢ်လၢ်လၢအမၤတရီတပါစီၤအံၤစဲးမ့ၢ်ဂ့ၤ, အမါမ့ၢ်ဂ့ၤန့ၣ်ကဘၣ်တၢ်မၤသံအီၤလီၤ.”

တၢ်ကတိၤဒိ. 12:1

ပှၤတဂၤလၢ်လၢ်လၢအအဲၣ်တၢ်သ့ၣ်ညါနၢ်ပၢၢ်န့ၣ်သးအိၣ်လၢပှၤကစံး ဘၣ်တဲဘၣ်အီၤဖဲအဝဲမၤကမၣ်တၢ်န့ၣ်လီၤ. တၢ်သးဟ့တၢ်သိၣ်ဃီၣ်န့ၣ်မ့ၢ်တၢ်သူၣ်တထံသးတဆးလီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

တၢ်ကတိၤဒိ. 27:5

ဂ့ၤဒိၣ်တက့ၢ်လၢတၢ်သိၣ်ဃီၣ်ပှၤတဂၤဂၤဖျိဖျိဖျါဖျါအါန့ၢ် ဒံးတၢ်ပျဲအဆိကမိၣ်ဝဲလၢနတသူၣ်အိၣ်သးအိၣ်အီၤနီတစဲးဘၣ် တခီန့ၣ်လီၤ.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.