လံာ်တၢ်ကဲထီၣ်အခီၣ်ထံး 20:15 - Sgaw Karen Common Bible

¹⁵ အဝဲစံးဘၣ်စီၤအၤဘြၤဟၣ်, “အအံၤမ့ၢ်ယထံယကီၢ်ဒီဘ့ၣ်လီၤ. အိၣ်နဲဆိးနဲလၢတၢ်လီၢ်လၢဘၣ်သူၣ်ဘၣ်သးနၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 20:15 Iomraidhean Croise

လံာ်တၢ်ကဲထီၣ်အခီၣ်ထံး 13:9

မၤသးဒ်န့ၣ်ဒီး, မ်ပကအိၣ်လီၤဖးလိာ်သကိးပသးတက့ၢ်. ဃုထၢတၢ်လီၢ်တတီၤတီၤလၢနသးလီလၢကီၢ်အံၤအပူၤတက့ၢ်. လဲၤနဲကျဲတဘိဒီးယကလဲၤယဲအဂၤတဘိလီၤ.”

လံာ်တၢ်ကဲထီၣ်အခီၣ်ထံး 34:10

ဒီးသုကအိၣ်ဖဲအံၤလၢပထံလီၢ်ကီၢ်ပူၤဒီးပှၤ, သုကအိၣ်ဖဲ သုအဲၣ်ဒိးအိၣ်တပူၤပူၤ, မၤကူၣ်မၤကၤသဘျ့သူၣ်သဘျ့သးဒီး အိၣ်ဒီးသုစုလီၢ်ခီၣ်ခိၣ်ဒၣ်ဝဲလီၤ.”

လံာ်တၢ်ကဲထီၣ်အခီၣ်ထံး 42:34

ဟဲကိးသုပုၢ်အဆံးကတၢၢ်ဆူယအိၣ်တက့ၢ်. အန့ၣ်ဒီးယကသ့ၣ်ညါလၢသုတမ့ၢ်ပှၤကွၢ်ဟုၣ်ကွၢ်စုးတၢ်တဖၣ်ဘၣ်. မ့မ့ၢ်ပှၤအတီအလိၤတဖၣ်န့ၣ်လီၤ. ယကဟ့ၣ်ကဒါက့ၤသုဒီပုၢ်ဝဲၢ်ခွါလၢသုဒီးသုအိၣ်ဖဲအံၤဒီး ကူၣ်တၢ်ကၤတၢ်သ့န့ၣ်လီၤ.’

လံာ်တၢ်ကဲထီၣ်အခီၣ်ထံး 47:6

ကီၢ်အဲၤကူပတူးမ့ၢ်အဝဲသ့ၣ်အတၢ်န့ၣ်လီၤ. ပျဲအသူၣ်လီၤအလီၢ်အိၣ်လီၢ်ဆိးလၢကီၢ်ကိၡ့ၣ်, အလီၢ်ကဝီၤအပူၤ, တၢ်လီၢ်အဂ့ၤကတၢၢ်လၢကီၢ်အပူၤတက့ၢ်. ဒီးလၢအဝဲသ့ၣ်အကျါပှၤတနီၤနီၤလၢအမၤသ့မၤဘၣ်မ့ၢ်အိၣ်ဒီး, ဒုးကဲထီၣ်အီၤလၢပှၤကွၢ်ထွဲယကစၢ်ဒၣ်ယဲအဆၣ်ဖိကီၢ်ဖိအဒၢ တဖၣ်တက့ၢ်.”

လံာ်ယံးရမံယၤ 40:4

အခဲအံၤ, ယဘ့ၣ်လီၤကွံာ်ထးသွဲတဖၣ်လၢအအိၣ်လၢနစု ဒ့တဖၣ်အလိၤဒီးပျၢ်ဖျဲးကွံာ်နၤန့ၣ်လံ. နမ့ၢ်သးအိၣ်လဲၤဃုာ် ဒီးယၤဆူကီၢ်ဘၤဘူၤလိာ်န့ၣ်, နမၤနဲသ့ဒီးယကအံးထွဲကွၢ်ထွဲ နခံလီၤ. ဘၣ်ဆၣ်ဒီး, နမ့ၢ်တသးအိၣ်လဲၤဘၣ်ဒီးနလဲၤအလီၢ်တအိၣ် ဘၣ်လီၤ. နအိၣ်ဒီးထံကီၢ်ဒီဘ့ၣ်ညါလၢနမဲာ်ညါလၢနကဃုထၢအိၣ်ဆိးနဲ ဒီးဖဲနသးအိၣ်လဲၤန့ၣ်နလဲၤနဲသ့လီၤ.”