လံာ်တၢ်ကဲထီၣ်အခီၣ်ထံး 2:9 - Sgaw Karen Common Bible

⁹ ဒီးအဝဲဒုးမဲထီၣ်ကယဲၢ်သ့ၣ်အဃံအလၤအကလုာ်ကလုာ်ဒီးဒုးသၣ်ထီၣ် တၤသၣ်အဂ့ၤန့ၣ်လီၤ. လၢတၤသၣ်လီၢ်အခၢၣ်သးန့ၣ်အိၣ်ဒီးသ့ၣ်လၢအဟ့ၣ်တၢ်မူတထူၣ်, ဒီးသ့ၣ်လၢအဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီးတၢ်အၢတထူၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 2:9 Iomraidhean Croise

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 3:22

ဒီးယွၤ, ကစၢ်ယွၤစံးဝဲဒၣ်, “ဒီးခဲကနံၣ်အံၤပှၤကညီလီၤဂာ် ဒီးပှၤတဂၤလၢပသိးပကျါ, ဒီးအိၣ်ဒီးတၢ်သ့ၣ်ညါတၢ်ဂ့ၤဒီးတၢ်လၢအတဂ့ၤန့ၣ်လီၤ. မ်အသုတဘၣ်တၢ်ပျဲအီၤဒ်သိးအကဟံးန့ၢ်သ့ၣ်သၣ်လၢသ့ၣ်တထံးလၢ အဟ့ၣ်တၢ်မူဒီးအီၣ်အီၤဒီးအိၣ်မူလီၤထူလီၤယိာ်န့ၣ်တဂ့ၤ.

လံာ်တၢ်ကဲထီၣ်အခီၣ်ထံး 3:24

ဒီးလၢတၤသၣ်အလီၢ်မုၢ်ထီၣ်န့ၣ်ပာ်လီၤဝဲခ့ရူာ်တဖၣ်ဒီးနးမ့ၣ်အူ လၢအတရံးအသးကိးကပၤဒဲးလီၤ. တၢ်အံၤမ့ၢ်ဒ်သိးအက တြီဃာ်ပှၤတဂၤလၢ်လၢ်လၢအကဟဲဘူးဒီးသ့ၣ်တထံးလၢအဟ့ၣ်တၢ်မူ န့ၣ်လီၤ.

လံာ်တၢ်ကဲထီၣ်အခီၣ်ထံး 3:3

ဘၣ်ဆၣ်ဒီးသ့ၣ်အိၣ်လၢတၤသၣ်လီၢ်အခၢၣ်သးန့ၣ်ပတဘၣ်အီၣ်အီၤဘၣ်. ကစၢ်ယွၤတဲပှၤလၢပတဘၣ်အီၣ်သ့ၣ်န့ၣ်အသၣ်ဘၣ်. ပတဘၣ်ထိးဒၣ်လဲာ်အီၤဘၣ်. ပမ့ၢ်အီၣ်ဒီးပကသံလီၤ.”

လံာ်တၢ်ကဲထီၣ်အခီၣ်ထံး 3:5

ကစၢ်ယွၤစံးတၢ်ဒ်န့ၣ်မ့ၢ်လၢအဝဲသ့ၣ်ညါလၢ, တုၤသုအီၣ်တၤသၣ်န့ၣ်ဒီးသုကလီၤဂာ်ဒီးကစၢ်ယွၤဒီးသုကသ့ၣ် ညါတၢ်ဂ့ၤဒီးတၢ်အတဂ့ၤအဃိန့ၣ်လီၤ.”

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 47:10

နနာ်န့ၢ်လီၤနသးလၢနတၢ်အၢတၢ်သီတဖၣ်အပူၤ ဒီးနဆိကမိၣ်တ့ၢ်လၢပှၤထံၣ်နၤတသ့ နီတဂၤဘၣ်န့ၣ်လီၤ. နတၢ်ကူၣ်သ့ဒီးနတၢ်သ့ၣ်ညါဆှၢကမၣ်နကျဲ, ဒီးနစံးလီၤနသး, ယမ့ၢ်ကစၢ်ယွၤဒီးပှၤဒ်သိးယၤ အဂၤတအိၣ်နီတဂၤဘၣ် န့ၣ်လီၤ.

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 31:18

သ့ၣ်န့ၣ်မ့ၢ်ကီၢ်အဲၤကူပတူးအစီၤပၤဒီးအဝဲအပှၤဂီၢ်မုၢ်ခဲလၢာ်န့ၣ်လီၤ. သ့ၣ်တဖၣ်လၢဧ့ၤဒ့ၣ်တၤသၣ်လီၢ်အပူၤဒၣ်လဲာ်တထီဒီးတလီၤကဟု ကညီၢ်ထဲသိးအီၤဘၣ်. ဘၣ်ဆၣ်ခဲကနံၣ်အံၤဒ်သ့ၣ်တဖၣ်လၢ ဧ့ၤဒ့ၣ်တၤသၣ်လီၢ်အပူၤအသိးန့ၣ်, အဝဲကလဲၤလီၤဆူတၢ်သံအကီၢ်ပူၤ, ဒီးကအိၣ်ဆိးသကိးဒီးပှၤတဖၣ်လၢအယွၤတအိၣ်ဒီး ပှၤတဖၣ်လၢအဘၣ်တၢ်မၤသံအီၤလၢတၢ်ဒုးပျီအပူၤန့ၣ်လီၤ.” ယွၤပၢဘၣ်တၢ်ခဲလၢာ်ကစၢ်စံးဝဲယကတိၤလံတၢ်လံ.

လံာ်ယဃ့းစက့လး 47:12

လၢထံကျိဖိအကၢၢ်နံၤတခီစုာ်စုာ်န့ၣ်ကယဲၢ်သ့ၣ်တဖၣ်အကလုာ် ကလုာ်ကမဲထီၣ်ဝဲလၢကဟ့ၣ်ထီၣ်တၢ်အီၣ်အဂီၢ်န့ၣ်လီၤ. အဝဲသ့ၣ် အလၣ်တဖၣ်တလီၤညွံးနီတဘျီဘၣ်ဒီးအဝဲသ့ၣ်တဆိကတီၢ် သၣ်ထီၣ်နီတဘျီဘၣ်. ကိးလါဒဲးန့ၣ်အဝဲသ့ၣ်ကအိၣ်ဒီး သ့ၣ်သၣ်အသီကဘှဲဒဲမ့ၢ်လၢအဝဲသ့ၣ်မၤန့ၢ်ထံလၢထံကျိဖိလၢ အဟဲယွၤလီၤလၢယွၤအတၢ်လုၢ်ဟံၣ်အဃိန့ၣ်လီၤ. သ့ၣ်တဖၣ်ကဟ့ၣ်ထီၣ်တၢ်အီၣ်ဒီးအလၣ်တဖၣ် တၢ်ကသူအီၤလၢတၢ်မၤဘျါပှၤဂီၢ်မုၢ်အဂီၢ်န့ၣ်လီၤ.”

လံာ်ယိၤဟၣ် 6:48

ယဲဒၣ်အံၤယမ့ၢ်တၢ်မူအကိၣ်လီၤ.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

လံာ်သိၣ်လီၤသီလီၤတၢ် 6:25

ပမ့ၢ်စူၢ်တၢ်ကိးမံၤဒဲးလၢယွၤမၤလိာ်တ့ၢ်ပှၤတဖၣ်လၢတၢ်သူၣ် တီသးရၤအပူၤန့ၣ်ဒီးအဝဲကဘၣ်သူၣ်ဘၣ်သးပှၤန့ၣ်လီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.